ഞാന്‍ പിശുക്കിയാണ് അതിലാര്‍ക്കാണ് നഷ്ടം പൊട്ടിത്തെറിച്ച് സീരിയല്‍ നടി ശ്രീക്കുട്ടി

നന്നായി പിശുക്കാറുണ്ട്, ആർക്കാണ് പ്രശ്നം എന്റെ അച്ഛൻ ഇപ്പോഴും അധ്വാനിക്കുന്നുണ്ട് അവർക്ക് എന്റെ പണം വേണ്ട ശ്രീക്കുട്ടി.മോള് നാളെ പോകുമ്പോഴേ ഒളിച്ചോടി പോയതിന്റെ വിഷമം മനസിലാകൂ അമ്മയോട് കണക്കു പറയുന്നവൾ, ഉയർന്നുവരുന്ന ഇത്തരം വിമർശനങ്ങൾക്ക് ശ്രീക്കുട്ടിയുടെ മറുപടി.ഓട്ടോഗ്രാഫ് എന്ന സീരിയലിലൂടെ പ്രേക്ഷകര്‍ക്ക് പരിചിതയായ നടി ശ്രീകുട്ടി മൂന്നു വര്‍ഷത്തെ ഇടവേളയ്ക്ക് ശേഷമാണ് സസ്‌നേഹം എന്ന സീരിയലിലൂടെ തിരിച്ചെത്തിയത്. അഭിനയത്തിലേക്ക് മടങ്ങിയെത്തിയതോടെ സോഷ്യൽ മീഡിയയിലും താരം സജീവമായി. തന്റെ എല്ലാ വിശേഷങ്ങളും സോഷ്യൽ മീഡിയയിൽ പങ്കുവയ്ക്കുന്ന നടി അടുത്തിടെ ഫ്‌ളവേഴ്‌സ് ഒരു കോടി എന്ന ഷോയില്‍ പങ്കെടുക്കാൻ എത്തിയിരുന്നു. ഷോയിൽ പങ്കെടുക്കവെ ശ്രീക്കുട്ടി തന്റെ പിശുക്കിനെക്കുറിച്ച് തുറന്നു പറഞ്ഞിരുന്നു. അതിനെതിരെ ചില വിമർശനങ്ങൾ ഉയരുകയും ചെയ്തു. ഇപ്പോഴിതാ അതിനു മറുപടി നൽകുകയാണ് നടി.ഞാൻ പിശുക്കി ആണെന്ന് പറഞ്ഞായിരുന്നു മോശം അഭിപ്രയങ്ങൾ വന്നു കൊണ്ടിരിക്കുന്നത്. മറ്റൊന്നും കിട്ടാത്തതിന് ആണ് അതിനെ ചുറ്റി പറ്റി കമന്റുകൾ വന്നിരുന്നത്. ഞാൻ പിശുക്കുന്നുണ്ട് എങ്കിലും ഞാനും എന്റെ ഭർത്താവും മകളും നല്ല രീതിയിൽ ജീവിച്ചു പോകുന്നുണ്ട്. അത്യാവശ്യം ലാവിഷായി തന്നെയാണ് പോകുന്നത്. അത്യാവശ്യം ഭക്ഷണം പുറത്തുനിന്നു വേണം എന്നുള്ളപ്പോൾ വാങ്ങി കഴിക്കാറുണ്ട്. എവിടെ എങ്കിലും സ്പെഷ്യൽ യാത്രകൾ വേണം എന്നുള്ളപ്പോൾ കാശിനു അനുസരിച്ചു പോകാറുണ്ട്, ബാക്കി വരുന്നത് ആണ് സേവ് ചെയ്യുന്നത്. ഞാനും എന്റെ ഏട്ടനും ഈ ഫീൽഡിൽ ജോലി ചെയ്യുന്നവർ ആണ്. വർക്ക് ഉള്ളപ്പോൾ മാത്രമേ സേവ് ചെയ്തു വയ്ക്കാൻ ആകൂ. അതിനെ പിശുക്ക് എന്ന് പറയാൻ ആകുമോ.​ഞാൻ പിശുക്കി തന്നെയാണ്.ഞാൻ പിശുക്കി തന്നെയാണ് ജീവിക്കുന്നത്. ഞാൻ പിശുക്കിയാൽ മാത്രമേ നാളെ എനിക്ക് എന്തെങ്കിലും ഒരു വിഷയം വന്നാൽ ആരുടേയും മുൻപിൽ കൈ നീട്ടാതെ എന്റെ കാര്യങ്ങൾ നടന്നു പോകൂ. ഞാൻ പിശുക്കി ജീവിച്ചാൽ മാത്രമേ ഒരു ബുദ്ധിമുട്ടു ഉണ്ടായാൽ ഞങ്ങൾക്ക് അതിൽ നിന്നും എടുത്തു ജീവിക്കാൻ ആകൂ, അതിനു എന്തിനാണ് ഇത്രയും മോശം കമന്റ്സ് ഇടുന്നത് എന്ന് എനിക്ക് അറിയില്ല. കമന്റ്സ് ഇട്ട ആളുകൾ ഒക്കെ കാശുകാർ ആയിരിക്കും. എന്നാൽ ഞാൻ ഒരു സാധാരണക്കാരിയാണ്. ഞാൻ പിശുക്കി ജീവിച്ചാൽ മാത്രമേ എന്റെ കാര്യങ്ങൾ ഒക്കെ നടക്കുകയുള്ളൂ.

എന്റെ അച്ഛൻ ഇപ്പോഴും സമ്പാദിക്കുന്നു.ഷോയിൽ ഞാൻ പറഞ്ഞിരുന്നു അമ്മയ്ക്ക് മരുന്ന് വാങ്ങുന്ന നൂറു രൂപയാണ് എങ്കിൽ പോലും തിരികെ വാങ്ങാറുണ്ട് എന്ന്. ഒരു സെലിബ്രിറ്റി ആയ എന്നെ ആ ഷോയിലേക്ക് വിളിക്കുമ്പോൾ ഒരുപാട് കണ്ടന്റുകൾ ഞാൻ കൊടുത്തേ പറ്റൂ. പിന്നെ എന്റെ അച്ഛനും അമ്മയും മാത്രമേ ഞങ്ങൾക്ക് ഒരു ആവശ്യം വന്നാൽ ഉണ്ടാവുകയുള്ളൂ, അവർക്ക് ഒരു ആവശ്യം വന്നാൽ ഞാനും എന്റെ അനുജത്തിയും, മക്കളും മാത്രമേ ഉണ്ടാകൂ. ഞാൻ അത് ഷോയിൽ അങ്ങനെ പറഞ്ഞു എങ്കിൽ തന്നെയും ദൈവം അനുഗ്രഹിച്ചു എന്റെ അച്ഛനും അമ്മയും നല്ല രീതിയിൽ ജീവിക്കുന്നവർ ആണ്. ഞാൻ കാശ് കൊടുത്തിട്ട് വേണ്ട അവർക്ക് ജീവിക്കാൻ. എന്റെ അച്ഛൻ ഇപ്പോഴും നല്ല രീതിയിൽ സമ്പാദിക്കുന്നുണ്ട്.അത് പറയാൻ ഒരു നാണക്കേടും ഇല്ല.കമന്റിട്ട ചേട്ടന്മാരും ചേച്ചിമാരും ഒന്ന് കൂടി കേട്ടോ, ഞാൻ പിശുക്കി തന്നെയാണ് ജീവിക്കുന്നത്. അത് പറയാൻ എനിക്ക് ഒരു നാണക്കേടും ഇല്ല. നിങ്ങൾ പറയുന്നത് ഒരു ചെവിയിൽ കൂടി കേട്ട് മറുചെവിയിലൂടെ ഞാൻ കലയും. പക്ഷെ എന്റെ അച്ഛനും അമ്മയ്ക്കും അതിത്തിരി ഫീൽ ആയി എന്ന് തോനുന്നു. നല്ലൊരു പേര് ഉണ്ടായിരുന്നു അത് പോയില്ലേ എന്ന് ചോദിച്ചു. ഞാൻ ഒളിച്ചോടി പോയതുകൊണ്ട് നിനക്കും ഒരു മോളല്ലേ നിനക്കും കിട്ടികൊള്ളും എന്നൊക്കെയാണ് മറ്റു ചിലർ പറയുന്നത്. എന്റെ മകൾ അങ്ങനെ ചെയ്‌താൽ ഞാൻ സഹിച്ചു നിങ്ങൾക്ക് എന്താണ് പ്രശ്നം. എനിക്കും വീട്ടുകാർക്കും ഇല്ലാത്ത വിഷയങ്ങൾ നിങ്ങൾക്ക് വേണ്ട.നീ ചാകുമ്പോൾ കൂടെ കൊണ്ട് പോകുമോ.ഞാൻ അധ്വാനിക്കുന്ന കാശ്, എന്റെ ആവശ്യങ്ങൾ കഴിഞ്ഞതിനു ശേഷം ഞാൻ പിശുക്കുന്നതിനു നിങ്ങൾക്ക് എന്താണ് വിഷയം. എനിക്ക് ഒരു കോടിയല്ല പത്തുകോടിയല്ല എത്ര കിട്ടിയാലും അത് എങ്ങനെ ഉപയോഗിക്കണം എന്ന് തീരുമാനിക്കുന്നത് ഞാൻ ആണ്. നീ ചാകുമ്പോൾ കൂടെ കൊണ്ട് പോകുമോ എന്ന് ചോദിച്ചവരുണ്ട്. അപ്പോൾ ചാകുന്നത് വരെ നമുക്ക് സുഖമായി ജീവിക്കണ്ടേ. അതെന്താണ് ചേട്ടന്മാരും ചേച്ചിമാരും മനസിലാകാത്തത്. എന്നും ശ്രീക്കുട്ടി സോഷ്യൽ മീഡിയയിൽ പങ്കിട്ട വീഡിയോയിലൂടെ പറയുന്നു.

@All rights reserved Typical Malayali.