എനിക്ക് നിന്നോട് സ്നേഹം സ്നേഹം മാത്രം; തോളോട് തോൾ ചേർത്ത് കൈവിടാത്ത സൗഹൃദം; ഭാവനക്ക് പിറന്നാൾ ആശംസകൾ നേർന്ന് മഞ്ജു

നമ്മൾ സിനിമയിലൂടെ അഭിനയലോകത്തിൽ തുടക്കം കുറിച്ച താരമാണ് ഭാവന. ആദ്യ സിനിമയിലൂടെ തന്നെ ശ്രദ്ധ നേടിയ താരത്തിന് നിരവധി മികച്ച അവസരങ്ങളാണ് പിന്നീട് ലഭിച്ചത്. തെന്നിന്ത്യന്‍ ഭാഷകളിലെല്ലാമായി സാന്നിധ്യം അറിയിച്ച ഭാവന നാളുകള്‍ക്ക് ശേഷം മലയാളത്തിലേക്ക് തിരിച്ചുവരവും നടത്തിയിരുന്നു. ഇന്ന് പിറന്നാൾ ദിനമാണ് ഭാവനയ്ക്ക്. എല്ലാ സുഹൃത്തുക്കളും ആശംസകൾ നേർന്നുകൊണ്ട് എത്തിയിരുന്നു.

ഭാവനയുടെ ഏറ്റവും അടുത്ത സുഹൃത്തുക്കളിലൊരാളും നടിയുമായ മഞ്ജു വാര്യര്‍ പങ്കിട്ട പോസ്റ്റാണ് വൈറലായി മാറുന്നത്. ഇരുവരും ഒന്നിച്ചുള്ള ചിത്രങ്ങളും വീഡിയോയുമെല്ലാം മിക്കപ്പോഴും വൈറലായി മാറാറുമുണ്ട്.

സിനിമയുടെ കാര്യങ്ങളില്‍ മാത്രമല്ല ജീവിതത്തിലും പ്രതിസന്ധി ഘട്ടങ്ങളില്‍ അന്യോന്യം ചേര്‍ത്തുപിടിച്ചവരാണ് ഇരുവരും. ഭാവനയെക്കുറിച്ച് പലവട്ടം മഞ്ജു വാചാല ആയിട്ടുമുണ്ട്. എന്റെ ഹൃദയത്തോട് ചേര്‍ന്നിരിക്കുന്ന വ്യക്തിയാണ് ഭാവന. എന്റെ ജീവിതത്തില്‍ എനിക്കേറെ പ്രിയപ്പെട്ടയാളാണ്. അതിജീവനത്തിന്റെയോ ഒരു സ്ത്രീയുടെ കരുത്തിന്റെയോ കാര്യം പറയുമ്പോള്‍ ഏറ്റവും ഉത്തമമായ മാതൃകയാണ് ഭാവന എന്നൊരിക്കൽ മഞ്ജു പറഞ്ഞിരുന്നു.

എന്റെ പ്രിയപ്പെട്ടവൾക്ക് പിറന്നാൾ നിന്നോട് സ്നേഹം സ്നേഹം സ്നേഹം മാത്രം. മഞ്ജു കുറിച്ചു. ഭാവനയുടെ ആത്മസുഹൃത്തുക്കൾ ആയ ശില്പ ബാല, മൃദുല, ഷഫ്ന സംയുക്ത തുടങ്ങി ഒട്ടനവധി ആളുകൾ ആണ് ആശംസകൾ നേർന്നുകൊണ്ട് എത്തുന്നത്.

തനിക്ക് സ്വന്തം ചേച്ചിയെ പ്പോലെയാണ് മഞ്ജു ചേച്ചി വഴക്ക്പറയാന്‍ അധികാരമുള്ളവരിലൊരാളാണെന്നും നേരത്തെ മഞ്ജുവിനെക്കുറിച്ച് ഭാവന പറഞ്ഞിരുന്നു. ഇടയ്ക്കിടയ്ക്ക് യാത്രകളൊക്കെ പ്ലാന്‍ ചെയ്യാറുണ്ടെങ്കിലും അതൊന്നും നടക്കാറില്ലെന്ന് ഭാവന പറഞ്ഞപ്പോള്‍ എല്ലാത്തിനും അതിന്റേതായ സമയമുണ്ട് ദാസാ എന്നായിരുന്നു മഞ്ജു ഒരിക്കൽ പറഞ്ഞത്.

നീണ്ടനാളത്തെ ഇടവേള അവസാനിപ്പിച്ച് ന്റൂപ്പൂപ്പാക്കൊരാനേണ്ടാര്‍ന്നിലൂടെയാണ് ഭാവന തിരിച്ചുവരവ് നടത്തിയത്. ആദം ജോണിന് ശേഷമായി മലയാളത്തില്‍ നിന്നും ബ്രേക്കെടുക്കുകയായിരുന്നു ഭാവന. മികച്ച അവസരം ലഭിച്ചാല്‍ തിരികെയെത്തുമെന്ന് നേരത്തെ താരം വ്യക്തമാക്കിയിരുന്നു. ഇടവേളയ്ക്ക് ശേഷമുള്ള വരവിന് ആശംസയുമായി താരങ്ങളും ആരാധകരും ആണ് എത്തിയത്.

പതിനാറാം വയസ്സിൽ ആണ് ഭാവനയുടെ ചലച്ചിത്രാഭിനയത്തിൻറെ തുടക്കം. താരതമ്യേനെ സാമ്പത്തികവിജയം നേടിയ ഈ ചിത്രത്തിനുശേഷം ഭാവനക്ക് ഏറെ അവസരങ്ങൾ മലയാളത്തിൽ കിട്ടി. മലയാളത്തിലെ ഒട്ടു മിക്ക മുൻ നിര നായകന്മാരുടെ കൂടെയും ഭാവന അഭിനയിച്ചിട്ടുണ്ട്. മോഹൻലാൽ, മമ്മൂട്ടി, സുരേഷ് ഗോപി, ദിലീപ്, ജയറാം, പൃഥ്വിരാജ്, കുഞ്ചാക്കോ ബോബൻ, ജയസൂര്യ എന്നിവർക്കൊപ്പം നിരവധി സിനിമകളിൽ നിറഞ്ഞു നിന്നു.

. കന്നഡ സിനിമ നിർമ്മാതാവായ നവീനും ഭാവനയുമായുള്ള വിവാഹം 2018 ജനുവരി 23 നായിരുന്നു. പിന്നീടാണ് മലയാളത്തിൽ നിന്നും ഇടവേള എടുത്തിരുന്നത്.

@All rights reserved Typical Malayali.