നിന്നേക്കാളും വലുതായി എനിക്കൊന്നുമില്ല! എല്ലാം ദൈവാനുഗ്രഹം! നൂബിന്റെ പിറന്നാള്‍ ദിനത്തില്‍ ബിന്നി കുറിച്ചത്?

ടെലിവിഷന്‍ പ്രേക്ഷകര്‍ക്ക് സുപരിചിതരായി മാറിയവരാണ് ബിന്നി സെബാസ്റ്റ്യനും നൂബിന്‍ ജോണിയും. നീണ്ടനാളത്തെ പ്രണയത്തിനൊടുവിലായി വിവാഹിതരായവരാണ് ഇരുവരും. തുടക്കത്തിലൊന്നും പ്രണയം ആരേയും അറിയിച്ചിരുന്നില്ല. നൂബിന്റെ സീരിയല്‍ കുടുംബസമേതമായി ഇരുന്ന് കാണാറുണ്ടായിരുന്നു. ഞങ്ങളുടെ ബന്ധത്തെക്കുറിച്ച് അന്നൊന്നും ആരോടും പറഞ്ഞിരുന്നില്ല. പിന്നീടാണ് വീട്ടില്‍ അവതരിപ്പിച്ചതും അവരുടെ സമ്മതത്തോടെ വിവാഹം നടത്തിയതും. വിവാഹ ശേഷമുള്ള വിശേഷങ്ങളും ബിന്നിയും നൂബിനും യൂട്യൂബ് ചാനലിലൂടെ പങ്കിടാറുണ്ട്. പുഞ്ചക്കരി കള്ള് ഷാപ്പില് പോയ വിശേഷങ്ങളായിരുന്നു ഒടുവിലായി പങ്കുവെച്ചത്.

ഗീതാഗോവിന്ദത്തിലൂടെയാണ് ബിന്നിയുടെ അഭിനയ ജീവിതം തുടങ്ങിയത്. മികച്ച സ്വീകാര്യതയാണ് ബിന്നിക്ക് ലഭിച്ചുകൊണ്ടിരിക്കുന്നത്. കരിയറിലെയും ജീവിതത്തിലെയും വിശേഷങ്ങളെല്ലാം ബിന്നി ഇന്‍സ്റ്റഗ്രാമിലൂടെ പങ്കിടാറുണ്ട്. ഇപ്പോഴിതാ നൂബിന് പിറന്നാളാശംസ അറിയിച്ചുള്ള പോസ്റ്റ് വൈറലായിക്കൊണ്ടിരിക്കുകയാണ്. മനോഹരമായ ചിത്രത്തിനൊപ്പമാണ് കുറിപ്പ് പോസ്റ്റ് ചെയ്തിട്ടുള്ളത്. ഇതിനകം തന്നെ പോസ്റ്റ് വൈറലായിക്കഴിഞ്ഞിട്ടുണ്ട്.

ഹാപ്പി ബര്‍ത്ത് ഡേ മാത്താ, നീ എനിക്കൊരു പാര്‍ട്‌നര്‍ മാത്രമല്ല. എന്റെ ജീവിതത്തിലെ വലിയൊരു അനുഗ്രഹം കൂടിയാണ്. എത്രത്തോളം സ്‌നേഹിക്കാനും സന്തോഷിക്കാനും പറ്റുമോയെന്നതിനുള്ള ഉദാഹരണമാണ് നിന്നോടൊപ്പമുള്ള ഓരോ നിമിഷവും. എപ്പോഴും എന്നെ ആദ്യം പരിഗണിക്കുന്നതിനും സ്‌പെഷലായി നിലനിര്‍ത്തുന്നതിനും നന്ദി പറയുന്നു. നിന്നോടൊപ്പമുള്ള ജീവിതം സുന്ദരമാണ്, എപ്പോഴും എന്റെ കൂടെ നീ ഉള്ളതില്‍ ഞാന്‍ സന്തുഷ്ടയാണ്. ആഗ്രഹിക്കുന്ന പോലെയുള്ള സന്തോഷവും വിജയവും നിന്നെ തേടിയെത്തട്ടെ. ഹാപ്പി ബര്‍ത്ത് ഡേ മൈ ലവ് എന്നുമായിരുന്നു ബിന്നി കുറിച്ചത്. സാജന്‍ സൂര്യയായിരുന്നു പോസ്റ്റിന് താഴെയായി സ്‌നേഹം അറിയിച്ച് ആദ്യമെത്തിയത്. താരങ്ങളും ആരാധകരുമടക്കം നിരവധി പേരാണ് ചിത്രത്തിന് താഴെയായി ആശംസകള്‍ അറിയിച്ചിട്ടുള്ളത്.

ഞങ്ങളെ ഒന്നിച്ച് കാണുമ്പോള്‍ ചിലരൊക്കെ ഇതാരാണ് എന്ന് ചോദിക്കാറുണ്ട്. ഇടയ്ക്ക് ചിലര്‍ പെങ്ങളാണോയെന്ന് ചോദിച്ചിരുന്നു. ഇടയ്‌ക്കൊരു ചേച്ചി ഞങ്ങളോട് സംസാരിക്കാന്‍ വന്നു. എന്നോട് സംസാരിച്ച് കഴിഞ്ഞതിന് ശേഷം ഇതാരാണ് ഈ കുട്ടി എന്ന് ചോദിച്ചു. ഇതാണ് എന്റെ ഭാര്യയെന്ന് പറഞ്ഞ് പരിചയപ്പെടുത്തി കൊടുക്കുകയായിരുന്നു. കല്യാണം കഴിഞ്ഞപ്പോള്‍ മുതല്‍ ബേബി പ്ലാനിംഗിനെക്കുറിച്ചുള്ള ചോദ്യങ്ങളും വന്നിരുന്നു. അതൊക്കെ അതിന്റേതായ സമയത്ത് നടന്നോളുമെന്നായിരുന്നു ഇരുവരും പറഞ്ഞത്. പൊതുവെ വിവാഹം കഴിഞ്ഞവരെല്ലാം നേരിടുന്ന ചോദ്യമാണല്ലോ ഇത്. അത് ഞങ്ങളോടും എല്ലാവരും ചോദിക്കുന്നുണ്ട്. അത്രേയുള്ളൂവെന്നായിരുന്നു ബിന്നി പറഞ്ഞത്.

@All rights reserved Typical Malayali.