ധര്‍മജൻ ബോള്‍ഗാട്ടി വീണ്ടും വിവാഹിതനായി
ധർമജൻ- രമേഷ് പിഷാരടി കൂട്ടുക്കെട്ട് പ്രേക്ഷകർക്ക് പറഞ്ഞുകൊടുക്കേണ്ട കാര്യമില്ല. ഇരുവരുടെയും കോംബോ അത്രയധികം ആസ്വദിച്ചവർ ആണ് എല്ലാ മലയാളീസും.സ്ക്രീനിലെ കെമിസ്ട്രി ജീവിതത്തിലും പകർത്തുന്ന ഇരുവരും വര്ഷങ്ങളായി സുഹൃത്തുക്കൾ ആണ്. കഴിഞ്ഞദിവസമായിരുന്നു ധർമ്മജന്റെ ജീവിതത്തിലെ മറ്റൊരു സന്തോഷം നടന്നത്. അതിനു പൂർണ്ണ പിന്തുണ നൽകി കൂടെ ഉണ്ടായിരുന്നത് പിഷാരടി ആണ്. ഇപ്പോഴിതാ താരത്തിന് ആശംസകൾ നേർന്നുകൊണ് പിഷാരടി പങ്കിട്ട ഒരു പോസ്റ്റാണ് വൈറലായി മാറുന്നത്.
ഡാ ഞാൻ അനുവിനെ കൂട്ടി കൊണ്ട് വന്നു ” ഇങ്ങനെ ഒരു ഫോൺ കാൾ അതായിരുന്നു എനിക്ക് ധർമ്മജന്റെ വിവാഹം… കുറച്ചു കാലങ്ങൾക്കിപ്പുറം നിയമപരമായി ആരുമറിയാതെ രജിസ്റ്റർ ചെയ്താലും മതിയായിരുന്നു എന്നാൽ മക്കളെ മുന്നിൽ നിർത്തി മാലയിട്ടൊരു കല്യാണം.. വിവാഹ വേഷത്തിൽ 2 ഫോട്ടോ.
ഗംഭീരമായി…അന്നും ഇന്നും അത് അവന്റെ ജീവിതമാണ്.. അവന്റെ തീരുമാനവും സന്തോഷവും ആണ്…
അവന്റെ സന്തോഷങ്ങൾ എന്റേതും കൂടെ ആണ്; പിഷാരടി കുറിച്ചു.
കഴിഞ്ഞദിവസമായിരുന്നു ധര്‍മജൻ ബോള്‍ഗാട്ടിയും ഭാര്യയും വീണ്ടും വിവാഹിതരായത്. മക്കളെ സാക്ഷിയാക്കിയാണ് ധര്‍മജൻ ബോള്‍ഗാട്ടി തന്റെ ഭാര്യയെ വീണ്ടും താലി ചാർത്തുക ആയിരുന്നു. വിവാഹം നേരത്തെ രജിസ്റ്റര്‍ ചെയ്യാതിരുന്നതിനാലാണ് ധർമ്മജൻ നിയമപ്രകാരം ഒരു ചടങ്ങായി നടത്തിയത്. മുമ്പ് ഒളിച്ചോടി ഒരു ക്ഷേത്രത്തില്‍ വിവാഹം നടത്തിയെങ്കിലും നിയമപരമായി രജിസ്റ്റര്‍ ചെയ്തിരുന്നില്ലെന്നും താരം വിവാഹശേഷം പ്രതികരിച്ചു.
ഒളിച്ചോടിപ്പോകുമ്പോൾ ഭാര്യക്ക് നല്ല പേടി ഉണ്ടായിരുന്നു. എന്നാൽ എന്ത് ധൈര്യത്തിന്റ പുറത്തുപോന്നു എന്ന് എനിക്ക് ഇപ്പോളും അറിയില്ല. കാരണം ഒരു ആർട്ടിസ്റ്റ് ആണ് എന്ന് അറിഞ്ഞുകൊണ്ട് പോന്നതല്ല എന്റെ ഒപ്പം. ആത്മാർത്ഥമായ സ്നേഹം കൊണ്ട് ഇറങ്ങി പോന്നതാണ് അവൾ. ഇന്നും സിനിമ നടൻ ആണെന്ന് ഉള്ള ഭാവം ഒന്നും തനിക്ക് ഇല്ലെന്നും ധർമ്മജൻ പറയുന്നു,.
വേദയും വൈഗയുമാണ് ധര്‍മജന്റെ മക്കള്‍. നടൻ ധര്‍മജൻ ബോള്‍ഗാട്ടി മിമിക്രി വേദികളിലൂടെയാണ് കലാലോകത്ത് ശ്രദ്ധയാകര്‍ഷിച്ചത്. പാപ്പി അപ്പച്ച എന്ന ഹിറ്റ് സിനിമയിലൂടെയാണ് ധര്‍മജൻ ബോള്‍ഗാട്ടി നടനായി അരങ്ങേറുന്നത്.
@All rights reserved Typical Malayali.
Leave a Comment