ഞങ്ങളുടെ വിവാഹം നേരത്തെ കഴിഞ്ഞതാണ് …ഇതൊക്കെ ഒരു കൺസെപ്റ്റ് അല്ലേ …
കഴിഞ്ഞ ഒന്ന് രണ്ടാഴ്ചയോളമായി സോഷ്യല്‍ മീഡിയയില്‍ വൈറലാവുന്നത് കൃഷ്ണകുമാറിന്റെ മകള്‍ ദിയ കൃഷ്ണയുടെ വിവാഹമാണ്. പ്രപ്പോസല്‍ മുതല്‍, കഴിഞ്ഞ ദിവസം ഡല്‍ഹിയില്‍ വച്ചു നടന്ന ഡിന്നര്‍ റിസപ്ഷന്‍ വരെ എട്ടോളം ചടങ്ങുകളായിരുന്നു ദിയയുടെ വിവാഹത്തിന് ഉണ്ടായിരുന്നത്. വിവാഹത്തിന്റെ ഓരോ ചടങ്ങും, ചടങ്ങിലെ ദിയയുടെ ലുക്കും, ദിയയുടെ സഹോദരങ്ങളുടെ ലുക്കും എല്ലാം വലിയ സംസാര വിഷയമായി.
എന്നാല്‍ ഇതൊന്നുമല്ല, ഇതിനപ്പുറത്ത് വലിയൊരു സീക്രട്ട് വെളിപ്പെടുത്ത് എത്തിയിരിക്കുകയാണിപ്പോള്‍ ദിയ കൃഷ്ണ. ഞങ്ങള്‍ തമ്മിലുള്ള വിവാഹം നേരത്തെ കഴിഞ്ഞതാണ് എന്ന്. വീഡിയോ പ്രൂഫോടുകൂടെയാണ് ദിയയുടെ പോസ്റ്റ്. സെപ്റ്റംബര്‍ 5 ന് നടന്നത് ഞങ്ങളുടെ ഒഫിഷ്യല്‍ മാര്യേജ് ആണെന്നും ഏറ്റവും പുതിയ വീഡിയോയില്‍ ദിയ വ്യക്തമാക്കുന്നു.
‘ഞങ്ങളുടെ കുഞ്ഞ് രഹസ്യം’ എന്നാണ് വീഡിയോയ്ക്ക് നല്‍കിയിരിക്കുന്ന ക്യാപ്ഷന്‍. ‘സെപ്റ്റംബര്‍ അഞ്ചിന് നടന്നത് ഞങ്ങളുടെ ഔദ്യോഗിക വിവാഹമാണ്. പക്ഷേ എന്ത് തന്നെ സംഭവിച്ചാലും ഇനിയങ്ങോട്ട് പരസ്പരം താങ്ങായി ഞങ്ങള്‍ രണ്ടു പേരും ഉണ്ടാവുമെന്ന് കഴിഞ്ഞ വര്‍ഷം പ്രോമിസ് ചെയ്തതാണ്. ലോകത്തിന് അറിയാത്ത ഞങ്ങളുടെ കുഞ്ഞ് രഹസ്യമാണ് അത്’ ദിയ പറഞ്ഞു.
ക്ഷേത്രത്തില്‍ വച്ചായിരുന്നു ആ വിവാഹം. ദിയ അധികം ആര്‍ഭാടങ്ങളൊന്നും ഇല്ലാത്ത ഒരു കാഷ്വല്‍ സാരിയും, അശ്വിന്‍ ഗണേഷ് വളരെ കാഷ്വലായ മുണ്ടും ഷര്‍ട്ടുമാണ് ധരിച്ചിരുന്നത്. ദിയയുടെ കഴുത്തില്‍ അശ്വിന്‍ താലി ചാര്‍ത്തുന്നതും, തുടര്‍ന്ന് ശീമന്ത രേഖയില്‍ സിന്ദൂരമണിയിക്കുന്നതും വീഡിയോയില്‍ കാണാം.
ഈ ഒരു കണ്‍സപ്റ്റ് ഇപ്പോള്‍ കോമണ്‍ ആണെന്നും, നയന്‍താരയും വിഘ്‌നേശ് ശിവനും അങ്ങനെയാണ് ചെയ്തത് എന്നുമൊക്കെയുള്ള കമന്റുകളാണ് വീഡിയോയ്ക്ക് താഴെ വരുന്നത്. നേരത്തെ ദിയ പങ്കുവച്ച ബാംഗ്ലൂര്‍ വ്‌ളോഗില്‍, താരത്തിന്റെ കഴുത്തില്‍ മംഗല്യ സൂത്ര കണ്ടതായും ചിലര്‍ പറയുന്നു.
ഇക്കഴിഞ്ഞ ജനുവരിയിലാണ് അശ്വിന്‍ ദിയയെ പ്രപ്പോസ് ചെയ്യുന്ന വീഡിയോ പുറത്ത് വന്നത്. അതിന് ശേഷം ഇരുവരുടെയും വിവാഹ വാര്‍ത്തകള്‍ സോഷ്യല്‍ മീഡിയയില്‍ വളരെ അധികം സജീവമായിരുന്നു. പ്രപ്പോസ് സീന്‍ കഴിഞ്ഞതിന് ശേഷം ഇരുവരും വിദേശത്ത് ടൂറ് പോയതും മറ്റുമൊക്കെയുള്ള വീഡിയോയ്ക്ക് താഴെ, വിവാഹത്തിന് മുന്‍പ് ഇതൊക്കെ തെറ്റല്ലേ എന്ന് ചോദിച്ച് വന്നവരും ഉണ്ടായിരുന്നു. എന്നാല്‍ അപ്പോഴും ദിയയും അശ്വിനും ആ രഹസ്യം വെളിപ്പെടുത്തിയില്ല.
@All rights reserved Typical Malayali.
Leave a Comment