ഇതൊരു തിരിച്ചുവരവ് തന്നെ, സ്വയം മോഡലായി കാവ്യ; ആരോടുള്ള മത്സരമാണിത്, കല്യാണം കഴിഞ്ഞാല്‍ ദിലീപ് വെളിച്ചം കാണിക്കില്ല എന്ന് പറഞ്ഞവര്‍ക്കുള്ള മറുപടിയോ

ദിലീപുമായുള്ള വിവാഹത്തിന് ശേഷം ക്യാമറ കണ്ണുകളില്‍ നിന്നെല്ലാം പാടെ അകന്ന് കഴിയുകയായിരുന്നു കാവ്യ മാധവന്‍. ഒന്‍പത് വയസ്സ് മുതല്‍ ലൈം ലൈറ്റില്‍ തന്നെയായിരുന്ന കാവ്യയെ വിവാഹത്തിന് ശേഷം എവിടെയും കാണാതിരുന്നത് ആരാധകര്‍ക്ക് വലിയ നിരാശയായിരുന്നു. സോഷ്യല്‍ മീഡിയ അക്കൗണ്ട് പോലും കാവ്യ ഡിആക്ടിവേറ്റ് ചെയ്തു. മഞ്ജുവിന്റെ അവസ്ഥ തന്നെയാണ് കാവ്യയ്ക്കും, ഇനി കാവ്യ ക്യാമറയുടെ വെട്ടത്ത് പോലും വരില്ല എന്നൊക്കെയുള്ള വിമര്‍ശനങ്ങള്‍ വന്നു തുടങ്ങിയത് അപ്പോഴാണ്.

എന്നാല്‍ വിവാഹ ശേഷം ഉണ്ടായ വിവാദങ്ങളും, വെല്ലുവിളി നിറഞ്ഞ ഓരോ അനുഭവങ്ങളുമാണ് കാവ്യയെ പൊതുജന മധ്യത്തില്‍ നിന്ന് അകറ്റി നിര്‍ത്തിയത്. ദിലീപിന്റെ കേസുമായി ബന്ധപ്പെട്ട കാര്യങ്ങളെല്ലാം ഒരുവിധം പത്തി താഴ്ത്തിയപ്പോള്‍ കാവ്യയും സജീവമായി തുടങ്ങി. ഇന്‍സ്റ്റഗ്രാമില്‍ പുതിയ അംഗമായി ജോയിന്‍ ചെയ്തുകൊണ്ടായിരുന്നു തിരിച്ചുവരവ്. പിന്നീട് പൊതു പരിപാടികളിലും കല്യാണം പോലുള്ള ചടങ്ങുകളിലും കാവ്യ സജീവമായി.

ഇന്‍സ്റ്റഗ്രാമില്‍ അംഗത്വം എടുത്തുവെങ്കിലും ആണ്ടിലും ശക്രാന്തിയ്ക്കും എന്നതു പോലെ വല്ലപ്പോഴും മാത്രമാണ് കാവ്യ ഒരു ഫോട്ടോ പങ്കുവച്ചിരുന്നത്. എന്നാല്‍ ഇപ്പോള്‍ കുറച്ച് ദിവസങ്ങളായി തുടര്‍ച്ചയായി ഫോട്ടോകള്‍ പങ്കുവച്ചുകൊണ്ടിരിയ്ക്കുകയാണ്. കാവ്യ ഭംഗിയെ അത്രയധികം ഇഷ്ടപ്പെട്ടിരുന്ന ആരാധകര്‍ക്ക് ഓരോ ഫോട്ടോയും ആഘോഷം തന്നെ. എല്ലാ ചിത്രങ്ങള്‍ക്ക് താഴെയും സ്‌നേഹം അറിയിച്ച് ആരാധകര്‍ എത്തുന്നുണ്ട്.

സംഭവം ബിസിനസ്സുമായി ബന്ധപ്പെട്ടാണ് കാവ്യ ചിത്രങ്ങള്‍ പങ്കുവയ്ക്കുന്നത് എന്ന് എല്ലാവര്‍ക്കും അറിയാം. ഓണത്തോട് അനുബന്ധിച്ച് കാവ്യയുടെ ലക്ഷ്യ എന്ന ഓണ്‍ലൈന്‍ വസ്ത്രവ്യാപാരത്തിന് കുറച്ചധികം കലക്ഷന്‍സ് വന്നിട്ടുണ്ട്. അതിന് സ്വയം മോഡലായി എത്തുന്നതാണ് കാവ്യ. ദിലീപിനെ വിവാഹം ചെയ്്താല്‍ വെളിച്ചം കാണില്ല എന്ന് പറഞ്ഞവര്‍ക്കുള്ള മറുപടി കൂടെയാണ് ഇത് എന്ന് ആരാധകര്‍ പറയുന്നു. അഭിനയത്തില്‍ ഇല്ലന്നേയുള്ളൂ, കാവ്യ തന്റെ ബിസിനസ്സുമായി വിജയകരമായി തന്നെ മുന്നോട്ട് പോകുന്നുണ്ട്.

തടിയൊക്കെ കുറച്ച്, പഴയ കാവ്യ ഭംഗി തിരിച്ചെടുത്തുള്ള ഈ മടങ്ങി വരവ് ആരോടെങ്കിലും ഉള്ള മത്സരമാണോ എന്ന ചോദിയ്ക്കുന്ന നെഗറ്റീവ് കമന്റുകളും വരാതെയല്ല. ലുക്കിന്റെ കാര്യത്തില്‍ ഓരോരുത്തര്‍ക്കും അവരവരുടേതായ ഭംഗിയുണ്ട് എന്നാണ് അതിന് കാവ്യ ഫാന്‍സിന്റെ മറുപടി. എന്തായാലും കാവ്യ ഏറ്റവും പുതുതായി പങ്കുവച്ച ബ്ലാക് സാരി ലുക്കിനും ആരാധകര്‍ ഏറെയാണ്. മലയാളത്തിന്റെ മുഖശ്രീ എന്നാണ് ആരാധകന്റെ കമന്റ്.

@All rights reserved Typical Malayali.