ദിയ കൃഷ്ണയും അശ്വിന്‍ ഗണേഷും വിവാഹിതരായി! മകളുടെ വിവാഹമല്ലേ, സന്തോഷം പങ്കിട്ട് കൃഷ്ണകുമാര്‍

കൃഷ്ണകുമാറിന്റെ മകളായ ദിയ കൃഷ്ണ വിവാഹിതയായിരിക്കുകയാണ്. ഇതോടെ എന്നാണ് കല്യാണം എന്നുള്ള ചോദ്യത്തിനുള്ള ഉത്തരം ലഭിച്ചിരിക്കുകയാണ്. മോളുടെ കല്യാണമല്ലേ, സന്തോഷം എന്നായിരുന്നു കൃഷ്ണകുമാര്‍ പ്രതികരിച്ചത്. അടുത്ത ബന്ധുക്കളും സുഹൃത്തുക്കളുമാണ് വിവാഹത്തില്‍ പങ്കെടുത്തത്. എന്റെ ദൈവങ്ങളാണ് ഇതൊക്കെ, ഇവരെല്ലാം വന്നതില്‍ സന്തോഷം. ദൈവം അയയ്ക്കുന്നവരാണ് ഇവരെല്ലാം.
ഇനി റിസപ്ക്ഷന്‍ നടത്തുന്നുണ്ടോയെന്ന് ചോദിച്ചപ്പോള്‍ ഇല്ലെന്നായിരുന്നു കൃഷ്ണകുമാറിന്റെ മറുപടി. സുരേഷ് ഗോപി കല്യാണത്തിനെത്തുമോ എന്ന് ചോദിച്ചപ്പോള്‍ ഇല്ല, രാധിക വന്നിട്ടു്ണ്ടായിരുന്നു എന്നാണ് കൃഷ്ണകുമാര്‍ മറുപടിയേകിയത്. അറിയിക്കേണ്ടവരെയെല്ലാം അറിയിച്ചിരുന്നു. ക്ഷണം കുറച്ചുപേര്‍ക്ക് മാത്രം എന്നും അദ്ദേഹം പറഞ്ഞിരുന്നു.

ഓണ്‍ലൈന്‍ ബിസിനസും ഫോട്ടോഷൂട്ടുമൊക്കെയായി സജീവമാണ് ദിയ. എഞ്ചീനിയറായി ജോലി ചെയ്ത് വരികയാണ് അശ്വിന്‍. എല്ലാ കാര്യങ്ങളിലും ദിയയ്ക്ക് പൂര്‍ണപിന്തുണയുമായി അശ്വിനും കൂടെയുണ്ട്. തന്റെ ബിസിനസ് പൊട്ടിപ്പൊളിഞ്ഞ് നിന്ന സമയത്ത് താങ്ങായി കൂടെ നിന്നത് അശ്വിനാണ്. മുന്നോട്ട് പോവാനും ബിസിനസ് തിരിച്ച് പിടിക്കാനും സഹായിച്ചത് അശ്വിനാണെന്നും ദിയ പറഞ്ഞിരുന്നു.

എന്നെ ഇതുവരെ ഇങ്ങനെയാരും സ്‌നേഹിച്ചിട്ടില്ലെന്നായിരുന്നു അശ്വിന്‍ പറഞ്ഞത്. എല്ലാ കാര്യങ്ങളും ദിയ ശ്രദ്ധിക്കാറുണ്ട്. ഇങ്ങനെ ചെയ്യണമെന്ന് പറഞ്ഞ് കൊടുക്കേണ്ടി വന്നിട്ടില്ലെന്നും പറഞ്ഞിരുന്നു. വിവാഹ ശേഷം ബാംഗ്ലൂരിലേക്ക് പോവാനായിരുന്നു ആദ്യം തീരുമാനിച്ചത്. എന്നാല്‍ പിന്നീട് ആ തീരുമാനം മാറ്റുകയായിരുന്നു ഇരുവരും. വീടിന് അടുത്തായി ഒരു ഫ്‌ളാറ്റ് എടുത്തിട്ടുണ്ടെന്ന് ദിയ പറഞ്ഞിരുന്നു. കുറേക്കഴിഞ്ഞ് ഫ്‌ളാറ്റ് പരിചയപ്പെടുത്താമെന്നും പറഞ്ഞിരുന്നു. വിവാഹ ശേഷമുള്ള കാര്യങ്ങളൊന്നും പ്ലാന്‍ ചെയ്തിട്ടില്ല. ഇപ്പോഴത്തെ തിരക്കുകളൊക്കെ കഴിഞ്ഞിട്ട് വേണം റിലാക്‌സായി കാര്യങ്ങള്‍ സെറ്റാക്കാന്‍ എന്നും ദിയ പറഞ്ഞിരുന്നു.

കുടുംബത്തില്‍ ആദ്യത്തെ കല്യാണം എന്റേതായിരിക്കുമെന്ന് മുന്‍പേ തന്നെ ദിയ പറഞ്ഞിരുന്നു. പ്രണയവും വിവാഹവും കുടുംബവും മക്കളുമൊക്കെയുള്ള ജീവിതം എനിക്കിഷ്ടമാണ്. അതിനുള്ള സമയമായെന്നാണ് വിശ്വസിക്കുന്നതെന്നും ദിയ വ്യക്തമാക്കിയിരുന്നു. പങ്കാളിയെ മാത്രമല്ല കല്യാണ ചെലവുകളെല്ലാം സ്വന്തമായി നിര്‍വഹിക്കുന്നതും ദിയ ആണെന്ന് അച്ഛനും അമ്മയും പറഞ്ഞിരുന്നു. കല്യാണ വിശേഷങ്ങളെല്ലാം അവളുടെ ചാനലിലും ഇന്‍സ്റ്റഗ്രാമിലൂടെയുമായി പുറത്ത് വരും. അതൊക്കെ അവള്‍ തന്നെ ചെയ്യട്ടെയെന്നായിരുന്നു അമ്മ പറഞ്ഞത്.

@All rights reserved Typical Malayali.