ഡോക്ടര്‍ അജിലേഷിനെ കല്യാണം കഴിച്ചു പോയ ഗോപിക എവിടെ? ഇന്റസ്ട്രിയില്‍ നിന്നും പൂര്‍ണമായും വിട്ടുനില്‍ക്കുന്നത് എന്തുകൊണ്ടാണ്?
2000 ന്റെ തുടക്കത്തില്‍ സിനിമാ ലോകത്തേക്ക് വന്നതാണ് ഗോപിക. ഗേളി ആന്റോ എന്ന ഗോപിക സിനിമയ്ക്ക് വേണ്ടി സ്വീകരിച്ച പേരാണ് ഗോപിക. മലയാളത്തിന് പുറമെ തമിഴിലും കന്നടയിലും എല്ലാം വിജയം നേടിയ നടിയെ കുറിച്ച് ഇപ്പോള്‍ ഒരു വിവരവുമില്ല. കഴിഞ്ഞ പത്ത് വര്‍ഷത്തോളമായി സിനിമയില്‍ നിന്നും പൂര്‍ണമായും അകന്ന് കഴിയുകയാണ് നടി. എപ്പോള്‍ എവിടെയാണ്?
അഭിനയത്തിലേക്ക് എത്തിയത്
2002 ല്‍ പുറത്തിറങ്ങിയ പ്രണയമണിത്തൂവല്‍ എന്ന സിനിമയിലൂടെയായിരുന്നു ഗോപികയുടെ അരങ്ങേറ്റം. സിനിമ വേണ്ട രീതിയില്‍ ശ്രദ്ധിക്കപ്പെട്ടില്ല എങ്കിലും ഗോപിക എന്ന നടിയുടെ വരവിന് തുടക്കം കുറിച്ചു. രണ്ടാമത്തെ സിനിമയായ 4 ദ പീപ്പിള്‍ ആണ് ഗോപികയ്ക്ക് കരിയര്‍ ബ്രേക്ക് നല്‍കിയത്. ജയരാജ് സംവിധാനം ചെയ്ത ചിത്രത്തില്‍ ഭരത്തിന്റെ നായികയായി വന്ന പെണ്‍കുട്ടിയും, ലജ്ജാവതി എന്ന പാട്ടും കേരളക്കര ഏറ്റെടുത്തു.
തിരക്കുള്ള നായികയായി വളര്‍ന്നു
തിരക്കുള്ള നായികയായി വളര്‍ന്നു
അതിന് ശേഷം തമിഴില്‍ നിന്നും മലയാളത്തില്‍ നിന്നും ഗോപിയ്ക്ക് ഒരുപാട് അവസരങ്ങള്‍ കിട്ടി. ഓട്ടോഗ്രാഫ് എന്ന ആദ്യ തമിഴ് ചിത്രവും ക്ലിക്കായി. പിന്നീട് വര്‍ഷം, ചാന്തുപൊട്ട് , പച്ചക്കുതിര, ഡോണ്‍, മായാവി, അണ്ണന്‍ തമ്പി, കീര്‍ത്തി ചക്ര തുടങ്ങി ഒരുപാട് സിനിമകളില്‍ അഭിനയിച്ചു. മമ്മൂട്ടി, ദിലീപ്, ജയറാം, മോഹന്‍ലാല്‍ തുടങ്ങിയവര്‍ക്കൊപ്പമെല്ലാം സ്‌ക്രീന്‍ പങ്കിടാനുള്ള അവസരവും ലഭിച്ചു.
മോഡലിങ് ആയിരുന്നു തുടക്കം
മോഡലിങ് ആയിരുന്നു തുടക്കം
സത്യത്തില്‍ മോഡലിങിലിങിലൂടെയായിരുന്നു ഗോപിക അഭിനയ ലോകത്തേക്ക് വന്നത്. മിസ് തൃശ്ശൂര്‍ കോംപറ്റീഷനില്‍ മത്സരിച്ചുവെങ്കിലും ടൈറ്റില്‍ വിന്നറാകാന്‍ കഴിഞ്ഞിരുന്നില്ല. എന്നാല്‍ അതിലൂടെ ശ്രദ്ധ നേടാന്‍ സാധിച്ചു. അതിന് ശേഷം മോഡലിങില്‍ സജീവമായപ്പോഴാണ് സിനിമയിലേക്കുള്ള വാതിലും തുറക്കപ്പെട്ടത്. അഭിനയത്തിലെത്തിയ ശേഷവും മോഡലിങില്‍ സജീവമായിരുന്നു.
കത്തി നില്‍ക്കുമ്പോള്‍ വിവാഹം
കത്തി നില്‍ക്കുമ്പോള്‍ വിവാഹം
വെറുതേ അല്ല ഭാര്യ എന്ന ചിത്രമാണ് ഗോപികയ്ക്ക് ഒരു ഗംഭീര ബ്രേക്ക് നല്‍കിയത്. സിനിമ സൂപ്പര്‍ ഡ്യൂപ്പര്‍ ഹിറ്റായി എന്ന വാര്‍ത്തയ്ക്ക് പുറമെ വന്നത് ഗോപിക വിവാഹിതയാകാന്‍ പോകുന്നു എന്ന വിശേഷമാണ്. 2008 ല്‍ ആണ് ഗോപികയുടെയും അജിലേഷ് ചാക്കോ എന്ന ഡോക്ടറുടെയും വിവാഹം കഴിയുന്നത്.
തിരിച്ചുവന്നത് പരാജയപ്പെട്ടു
തിരിച്ചുവന്നത് പരാജയപ്പെട്ടു
വിവാഹത്തിന് ശേഷം ഗോപിക ഇന്റസ്ട്രിയില്‍ നിന്ന് ചെറിയൊരു ബ്രേക്ക് എടുത്തു. എന്നാല്‍ തിരിച്ചുവരും എന്ന വാക്ക് തന്നിരുന്നു. ആ വാക്ക് പാലിച്ച് വെറുതേ അല്ല ഭാര്യയുടെ രണ്ടാം ഭാഗമായ ഭാര്യ അത്ര പോര എന്ന സിനിമയിലൂടെ തിരിച്ചെത്തി. എന്നാല്‍ സിനിമ ഒരു സമ്പൂര്‍ണ പരാജയമായിരുന്നു. വലിയ കൊട്ടിഘോഷത്തോടെ വന്ന സിനിമ ജയറാമിന്റെ കരിയറിനെയും തിരിച്ചടിച്ചു.
പത്ത് വര്‍ഷമായി ഒരു വിവരവുമില്ല
2013 ല്‍ ഇറങ്ങിയ ഭാര്യ അത്ര പോര എന്ന സിനിമയോടെ ഗോപിക അഭിനയ ലോകത്തോടെ മുഖംതിരിച്ചു. അതിന് ശേഷം ഒരു സിനിമ പോലും ചെയ്തിട്ടില്ല. ക്യാമറയ്ക്ക് മുന്നിലേക്ക് വന്നിട്ടുമില്ല. സോഷ്യല്‍ മീഡിയയിലും ഇല്ല. ഇപ്പോള്‍ ഭര്‍ത്താവിനും രണ്ടു മക്കള്‍ക്കുമൊപ്പം സ്വകാര്യ ജീവിതം ആസ്വദിക്കുകയാണ് നടി.
@All rights reserved Typical Malayali.
Leave a Comment