കൃത്യം ഒരു വർഷം തികയുന്ന ഈ നിമിഷത്തിൽ തന്നെ സന്തോഷ വാർത്ത പങ്കുവെച്ച് ഗോവിന്ദ് പത്മസൂര്യയും ഗോപികയും ….
കുറേ കാലത്തെ ഗ്യാപ്പിന് ശേഷം ഗോപികയും ഗോവിന്ദ് പദ്മസൂര്യയും പുതിയ വീഡിയോയുമായി എത്തി. കല്യാണം നിശ്ചയിച്ചതിന് പിന്നാലെയാണ് ഇരുവരും യൂട്യൂബില്‍ സജീവമായത്. എന്നാല്‍ വിവാഹത്തിന് ശേഷം കാര്യമായ വീഡിയോകള്‍ ഒന്നും പങ്കുവച്ചിരുന്നില്ല. പല കാര്യങ്ങള്‍ക്കൊണ്ടും അത് സാധിക്കാതെ പോയി. എന്നാല്‍ ഇപ്പോള്‍ ഒരു സന്തോഷവാര്‍ത്തയുണ്ട്, അത് പങ്കുവയ്ക്കാനാണ് ഇരുവരും എത്തിയിരിക്കുന്നത്.
കഴിഞ്ഞ വര്‍ഷം ഒക്ടോബര്‍ 22 നാണ് ഞങ്ങള്‍ വിവാഹ നിശ്ചയത്തെ കുറിച്ച് പറഞ്ഞ് ആദ്യമായി നിങ്ങളുടെ മുന്നിലേക്ക് എത്തിയത്. ഇപ്പോഴിതാ അതേ ഡേറ്റില്‍ പുതിയ ഒരു സന്തോഷ വാര്‍ത്ത കൂടെ പങ്കുവയ്ക്കുന്നു എന്ന് പറഞ്ഞാണ് ജിപിയും ഗോപികയും ഇന്‍ട്രോ കൊടുക്കുന്നത്. മറ്റൊന്നുമല്ല പുതിയ ഒരു വീട് വാങ്ങി! കൊച്ചിയിലെ മറയന്‍ ഡ്രൈവില്‍, മറീന വണ്ണിലാണ് പുതിയ അപ്പാര്‍ട്‌മെന്റ്ര്, അതും ഇരുപത്തിയേഴാം നിലയില്‍. അതാണ് അതിന്റെയൊരു ഹൈലൈറ്റ്.
രണ്ട് വര്‍ഷം മുന്‍പ് അഡ്വാന്‍സ് കൊടുത്ത ഫ്‌ളാറ്റാണ്. ശോഭയുടെ ഒരു ഫ്‌ളാറ്റ് വാങ്ങുക എന്നതിന് പിന്നില്‍ ഒരു ഇമോഷണല്‍ കണക്ഷന്‍ ഉണ്ടായിരുന്നു. പണ്ടു പണ്ടേ അച്ഛന്‍ വാങ്ങാന്‍ ആവശ്യപ്പെട്ട ഒന്നാണ്, പക്ഷേ അന്ന് വേണ്ടത്ര സാമ്പത്തിക ശേഷി ഉണ്ടായിരുന്നില്ല. ഇന്നിപ്പോള്‍ ഇത് വാങ്ങിയേ പറ്റൂ എന്ന് പറഞ്ഞ് അച്ഛന്‍ വാങ്ങിപ്പിച്ചു. ഏപ്രില്‍ 22 ന് കീ കൈയ്യില്‍ കിട്ടിയിരുന്നു, തിരുവോണത്തിന്റെ അന്നാണ് ഞങ്ങള്‍ പാല് കാച്ചല്‍ നടത്തിയത്. എല്ലാം കഴിഞ്ഞിട്ട് നിങ്ങളോട് പറയാം എന്നായിരുന്നു, അതാണല്ലോ അതിന്റെ ഒരു ഭംഗി. ഞങ്ങളുടെ കല്യാണവും എല്ലാം തീരുമാനിച്ചതിന് ശേഷമാണ് നിങ്ങളെ അറിയിച്ചത്, അതുപോലെ ഇതും.
തിരുവോണത്തിന് ആയതുകൊണ്ട് തന്നെ എല്ലാവരെയും വിളിച്ച് വലിയൊരു ഫങ്ഷന്‍ ഒന്നും നടത്താന്‍ സാധിച്ചിരുന്നില്ല. പിന്നെ വീടിന്റെ ഇന്റീരിയലൊന്നും പൂര്‍ത്തിയായിട്ടുമുണ്ടായിരുന്നില്ല. ഗണപതി ഹോമവും പാലുകാച്ചും എല്ലാം ഗംഭീരമായി നടന്നു. ഗോപുര എന്നാണ് വീടിന്റെ പേര്. അതില്‍ ഗോപികയുണ്ട്, ജിപിയും ഉണ്ട്. തന്റെ അച്ഛനാണ് ഈ പേരിന് പിന്നില്‍ എന്ന് ജിപി പറയുന്നു. വീടിന്റെ ഇന്റീരിയല്‍ എല്ലാം വളരെ ആലോചിച്ച് ചെയ്ത കാര്യമാണ്. ആ വിശേഷങ്ങള്‍ അടുത്ത വീഡിയോയില്‍ പങ്കുവയ്ക്കും എന്ന് പറഞ്ഞാണ് ഈ വീഡിയോ അവസാനിക്കുന്നത്
@All rights reserved Typical Malayali.
Leave a Comment