നടന്‍ ഗിന്നസ് പക്രുവിന്റെ മകളെ ഇപ്പോള്‍ കണ്ടോ സുന്ദരിക്കുട്ടിയായല്ലോ

സിനിമയും ചാനല്‍ പരിപാടികളുമൊക്കെയായി പ്രേക്ഷകര്‍ക്ക് പ്രിയങ്കരനായി മാറിയ താരമാണ് ഗിന്നസ് പക്രു. അമ്പിളി അമ്മാവനെന്ന ചിത്രത്തിലൂടെയായാണ് അദ്ദേഹം അഭിനയിച്ച് തുടങ്ങിയത്. അജയകുമാര്‍ എന്നാണ് പേരെങ്കിലും പക്രുവെന്നായിരുന്നു എല്ലാവരും അദ്ദേഹത്തെ വിളിച്ചത്. സോഷ്യല്‍മീഡിയയില്‍ സജീവമായ പക്രു പങ്കിടുന്ന വിശേഷങ്ങളെല്ലാം പെട്ടെന്ന് തന്നെ വൈറലായി മാറാറുണ്ട്. മകളോടൊപ്പമുള്ള ചിത്രവും അദ്ദേഹം പോസ്റ്റ് ചെയ്തിരുന്നു. നിരവധി പേരാണ് പോസ്റ്റിന് താഴെയായി ആശംസ അറിയിച്ചെത്തിയിട്ടുള്ളത്. യൂട്യൂബ് ചാനലിലൂടെയായി പക്രുവിന്റെ മകളായ ദീപ്തകീർത്തിയും പ്രേക്ഷകര്‍ക്ക് പരിചിതയാണ്. അച്ഛനും അമ്മയ്‌ക്കൊപ്പമായി വിശേഷങ്ങള്‍ പങ്കുവെച്ച് ദീപ്തയും എത്താറുണ്ട്.യൂട്യൂബ് ചാനലിലൂടെയായി മകളെക്കുറിച്ച് പക്രുവും വാചാലനാവാറുണ്ട്. ഏത് മേഖലയായാലും അവിടെ സിഗ്നേച്ചറുള്ളൊരു സ്ത്രീയായി മകള്‍ വളര്‍ന്ന് വരണമെന്നാണ് താന്‍ ആഗ്രഹിക്കുന്നതെന്ന് അദ്ദേഹം പറഞ്ഞിരുന്നു. കുറേക്കാലം മോള്‍ എന്നെ കൂട്ടുകാരനെപ്പോലെയായാണ് കണ്ടത്. പിന്നീട് പക്വത വന്നപ്പോഴായിരുന്നു അത് മാറിയത്. എന്ത് പറഞ്ഞാലും പെട്ടെന്ന് തന്നെ മനസിലാക്കുന്നയാളാണ് അവളെന്നും അദ്ദേഹം പറഞ്ഞിരുന്നു.കല്യാണം കഴിഞ്ഞ് ഒരു വര്‍ഷമായപ്പോള്‍ ഒരു മോളുണ്ടായെങ്കിലും 15 ദിവസമേ അവള്‍ ജീവിച്ചിരുന്നുള്ളൂ. ജീവിതത്തില്‍ ഏറ്റവും വേദന നിറഞ്ഞ നിമിഷങ്ങളായിരുന്നു അന്നത്തേത്. ആ അവസ്ഥ എങ്ങനെയാണ് തരണം ചെയ്തതെന്ന് ഇപ്പോഴും അറിയില്ലെന്നും പക്രു പറഞ്ഞിരുന്നു. അതിന് ശേഷമായാണ് ദീപ്ത വന്നത്. അത് ഏറെ സന്തോഷം നിറഞ്ഞ മുഹൂര്‍ത്തമായിരുന്നുവെന്നും പക്രു പറഞ്ഞിരുന്നു.

സിനിമയും ഡാന്‍സുമൊക്കെ മോള്‍ക്ക് ഇഷ്ടമാണ്. ചിത്രകലയിലും താല്‍പര്യമുണ്ട്. അവളുടെ താല്‍പര്യം പോത്സാഹിപ്പിക്കാനാണ് ഞങ്ങള്‍ തീരുമാനിച്ചിട്ടുള്ളത്. ഭാവിയില്‍ അവള്‍ സിനിമയിലെത്തുമോയെന്ന കാര്യത്തെക്കുറിച്ചൊന്നും തീരുമാനിച്ചിട്ടില്ലെന്നും പക്രു വ്യക്തമാക്കിയിരുന്നു. പ്രായത്തില്‍ കവിഞ്ഞ പക്വതയുള്ളയാളാണ് മോളെന്നും പക്രു പറഞ്ഞിരുന്നു.

@All rights reserved Typical Malayali.