മുറപ്പെണ്ണാണ്, മാമന്റെ മകള്‍ തന്നെ മതി ഭാര്യയായി എന്ന് എങ്ങനെ തീരുമാനിച്ചു? വര്‍ഷയിലേക്ക് എത്തിയതിനെ കുറിച്ച് കാര്‍ത്തി സൂര്യ

അങ്ങനെ കാത്തിരിപ്പുകള്‍ക്കൊടുവില്‍ കാര്‍ത്തിക് സൂര്യയുടെ വിവാഹ നിശ്ചയം കഴിഞ്ഞു. ഇന്നലെ ഏറെ വൈകിയാണ് വിവാഹത്തിന്റെ വീഡിയോകളും ഫോട്ടോകളും എല്ലാം പുറത്തു വിട്ടത്. അടുത്ത സുഹൃത്തുക്കളും ബന്ധുക്കളും എല്ലാം വിവാഹ നിശ്ചയത്തില്‍ പങ്കെടുത്തു. സെലിബ്രിറ്റികളായി മഞ്ജു പിള്ളയും സാബു മോനും എല്ലാം ഉണ്ടായിരുന്നു.

കഴിഞ്ഞ ദിവസം പങ്കുവച്ച ഒരു വീഡിയോയുടെ അവസാനത്തിലാണ്, നാളെ എന്റെ എന്‍ഗേജ്‌മെന്റ് ആണ് എന്ന് കാര്‍ത്തിക് സൂര്യ പറഞ്ഞത്. പെട്ടന്ന് പറഞ്ഞവസാനിപ്പിയ്ക്കുകയും ചെയ്തു. എന്നാല്‍ അത് എത്രത്തോളം വിശ്വസിനീയമാണെന്നും സബ്‌സ്‌ക്രൈബേഴ്‌സിന് അറിയില്ലായിരുന്നു. വൈകുന്നേരം വരെ ഒരു ഫോട്ടോ പോലും പുറത്ത് വിടാത്തതിനാല്‍ അത് വെറും പറച്ചില്‍ മാത്രമാണെന്ന് കരുതി. എന്നാല്‍ ഫോട്ടോ പുറത്ത് വന്നതോടെ ആരാണ് പെണ്‍കുട്ടി, എങ്ങനെ കണ്ടുമുട്ടി എന്നൊക്കെയുള്ള ചോദ്യങ്ങളായി.

വര്‍ഷ എന്നാണ് പേര് എന്ന് എന്‍ഗേജ്‌മെന്റ് ചിത്രങ്ങള്‍ക്കൊപ്പം കാര്‍ത്തിക് സൂര്യ വെളിപ്പെടുത്തിയിരുന്നു. ഇപ്പോഴിതാ മറ്റൊരു വീഡിയോയിലൂടെ ആരാണ് വര്‍ഷ, എങ്ങനെ വര്‍ഷയിലേക്കെത്തി എന്നൊക്കെയുള്ള കാര്യങ്ങള്‍ കാര്‍ത്തിക് സൂര്യ വ്യക്തമാക്കുന്നു.

മുറപ്പെണ്ണാണ് വര്‍ഷ, അമ്മാവന്റെ മകള്‍. അച്ഛനും അമ്മയുമാണ് വര്‍ഷ മതി കാര്‍ത്തിക് സൂര്യയ്ക്ക് എന്ന് തീരുമാനിച്ചത്. ഒരു ദിവസം പുലര്‍ച്ചെ അഞ്ച് മണിക്ക് അച്ഛനൊരു തോന്നലുണ്ടായി, എന്തുകൊണ്ട് വര്‍ഷയെ മകന് കല്യാണം ആലോചിച്ചുകൂട എന്ന്. അപ്പോള്‍ തന്നെ അമ്മയോട് കാര്യം പറഞ്ഞു. പിന്നീടൊരു ചടങ്ങില്‍ വച്ച് വര്‍ഷയെ കണ്ടു. അതിന് ശേഷം നേരിട്ട് കണ്ട് വര്‍ഷയോട് സംസാരിച്ചു, ‘എന്റെ അച്ഛന് താത്പര്യമുണ്ടെങ്കില്‍ മാത്രമേ ഈ വിവാഹത്തില്‍ എനിക്ക് സമ്മതമുള്ളൂ’ എന്ന് വര്‍ഷ പറഞ്ഞു.

അതിന് ശേഷം കാര്‍ത്തിക് സൂര്യയുടെ അച്ഛനും അമ്മയും വര്‍ഷയുടെ പാരന്റ്‌സിനോട് സംസാരിച്ചു. അവര്‍ക്ക് എതിര്‍പ്പുകളൊന്നും ഉണ്ടായിരുന്നില്ല, പൂര്‍ണ സമ്മതം ആയിരുന്നു. ഇതെല്ലാം തീരുമാനിച്ചതിന് ശേഷമാണ് എന്നോട് കാര്യങ്ങള്‍ പറയുന്നത് എന്നാണ് കാര്‍ത്തിക് പറഞ്ഞത്.

അതിന് ശേഷം വര്‍ഷയെയും കാര്‍ത്തിക് സൂര്യയെയും കൂട്ടി തിരുവനന്തപുരത്ത് അരുവിക്കുളം ക്ഷേത്രത്തില്‍ പോയ. അവിടെ വച്ച് ഇരുവരും സംസാരിച്ചു. പലതും പരസ്പരം തുറന്ന് സംസാരിച്ചു. ആ സംസാരത്തില്‍ കാര്‍ത്തിക് സൂര്യയ്ക്ക് വര്‍ഷയുടെ വൈബും ചിരിയും എല്ലാം ഇഷ്ടമായി. ഓകെയാണ് എന്ന് പറഞ്ഞതേ ഓര്‍മയുള്ളൂ. പിന്നെ എല്ലാം പെട്ടന്നായിരുന്നു. കണ്ണടച്ച് തുറക്കുമ്പോഴേക്കും എന്‍ഗേജ്‌മെന്റായി. വിവാഹം വീട് പണി കഴിഞ്ഞിട്ടേയുള്ളൂ എന്നും കാര്‍ത്തിക് സൂര്യ പറഞ്ഞിട്ടുണ്ട്.

@All rights reserved Typical Malayali.