ഇനി അഭിനയത്തിലേക്ക് തിരിച്ചുവരുമോ എന്ന ചോദ്യത്തിന് കാവ്യയുടെ മറുപടി, മകളെ വിടുമോ?
ചെറിയ ഒരു ഇടവേളയ്ക്ക് ശേഷം കഴിഞ്ഞ രണ്ട് ദിവസമായി ഇപ്പോള്‍ കാവ്യ മാധവന്‍ വീണ്ടും സോഷ്യല്‍ മീഡിയയില്‍ സജീവമായിരിക്കുകയാണ്. ജയറാമിന്റെ മകള്‍ മാളവികയുടെ വിവാഹത്തില്‍ പങ്കെടുക്കാനാണ് കാവ്യ നാട്ടിലേക്ക് തിരിച്ചെത്തിയത്. സ്‌കൂള്‍ വെക്കേഷന് ഓസ്‌ട്രേലിയയില്‍, ചേട്ടന്റെ അടുത്ത് പോയിരിക്കുകയായിരുന്നു കാവ്യ. മാളവികയുടെ വിവാഹത്തില്‍ പങ്കെടുക്കാന്‍ നാട്ടിലെത്തിയതോടെ വീണ്ടും ഇതാ കാവ്യയുടെ ഫോട്ടോകളും വീഡിയോകളും എല്ലാം സജീവമാവുന്നു.
വിവാഹത്തിന് മഹാലക്ഷ്മിയുടെ കൈയ്യും പിടിച്ച് ദിലീപിനും മീനാക്ഷിക്കുമൊപ്പം എത്തിയ കാവ്യ ഫുള്‍ ആക്ടീവ് ആയിരുന്നു. കളി ചിരിയോടെ, തമാശകള്‍ പറഞ്ഞ് കാവ്യ നടക്കുന്നതും ചിരിക്കുന്നതുമൊക്കെയായ വീഡിയോകള്‍ പല സിനിമാ പ്രമോഷന്‍ പേജുകളിലൂടെയും പുറത്ത് വരുന്നു. കാവ്യ – ദിലീപ് ഫാന്‍സ് വീഡിയോ ഏറ്റെടുത്തതോടെ അത് വൈറലാവുകയും ചെയ്തു.
അതില്‍ ഒരു വീഡിയോയിലാണ് കാവ്യയോട് തിരിച്ചുവരവിനെ കുറിച്ച് ചോദിയ്ക്കുന്നത്. ‘എവിടെയായിരുന്നു, കാവ്യചേച്ചീ?’ എന്ന് ചോദിച്ചപ്പോള്‍, ‘ഞാന്‍ ഇവിടെയൊക്കെ തന്നെ ഉണ്ടായിരുന്നു’ എന്ന് കാവ്യ പറഞ്ഞു. ഇനി സിനിമയിലേക്ക് വരുമോ എന്ന ചോദ്യത്തിന് മുഖം ചുളിച്ച കാവ്യ ഇല്ല എന്ന് പറയുന്നു. മകളെ അഭിനയത്തിലേക്ക് വിടുമായിരിക്കും, അല്ലേ എന്ന ചോദ്യത്തിന് കാവ്യ വ്യക്തമായ മറുപടി നല്‍കിയതുമില്ല.
മീനാക്ഷിയോ മഹാലക്ഷ്മിയോ അഭിനയത്തിലേക്ക് വരുമോ എന്ന ചോദ്യത്തിന് അവര്‍ക്ക് താത്പര്യമുണ്ടെങ്കില്‍ വരും എന്നാണ് പലപ്പോഴും ദിലീപ് പറഞ്ഞത്. കാവ്യയുടെ തിരിച്ചുവരവിനെ കുറിച്ച് ഒന്നും പ്രതികരിച്ചിരുന്നില്ല. അഭിനയത്തിലേക്ക് തനിക്കിനി താത്പര്യമില്ല എന്ന തരത്തിലാണ് കാവ്യയും ഇപ്പോള്‍ പ്രതികരിച്ചിരിയ്ക്കുന്നത്.
അഞ്ചാം വയസ്സില്‍ അഭിനയ ലോകത്തേക്ക് എത്തിയതാണ് കാവ്. പിന്നീട് മൂന്ന് പതിറ്റാണ്ടോളം മലയാള സിനിമയില്‍ നിറഞ്ഞു നിന്നു. നായികയായി അരങ്ങേറ്റം കുറിക്കുമ്പോള്‍ 14 വയസ്സായിരുന്നു കാവ്യയുടെ പ്രായം. മലയാളത്തിന്റെ നായികാ സങ്കല്‍പമായി മാറിയ കാവ്യ മാറിയ ഒരു ‘കാവ്യകാലം’ മലയാള സിനിമയിലും ഉണ്ടായിരുന്നു.
@All rights reserved Typical Malayali.
Leave a Comment