മക്കളുടെ പിറന്നാളിന് ഇക്കയുടെ സ്ഥാനത്തുനിന്ന് ആഘോഷം നടത്തും’… നടൻ ദിലീപിനെ കുറിച്ച് ഹനീഫയുടെ ഭാര്യ

ബാപ്പച്ചി കൂടെ ഉണ്ടായിരുന്നു എങ്കിൽ എന്ന് ഞങ്ങൾ ആഗ്രഹിക്കാറുണ്ട്; ബാപ്പച്ചിയെ കണ്ട ഓർമ്മ ഞങ്ങൾക്കില്ല എങ്കിലും ഇപ്പോഴും അദ്ദേഹം കൂടെത്തന്നെയുണ്ട്.കൊച്ചിൻ ഹനീഫ വിടപറഞ്ഞിട്ട് 13 വർഷമാണ് പിന്നിട്ടിരിക്കുന്നത്. ഇന്നും അദ്ദേഹത്തിന്‍റെ ഹൈദ്രോസും,മാന്നാർ മത്തായിയിലെ എൽദോയും പഞ്ചാബി ഹൗസിലെ ഗംഗാധരൻ മുതലാളിയും ഹിറ്റ്ലറിലെ ജബ്ബാറായുമൊക്കെ മലയാളികൾക്ക് മറക്കാൻ ആകാത്ത കഥാപാത്രങ്ങളാണ്. ഹനീഫ വിടപറഞ്ഞപ്പോൾ അദ്ദേഹത്തിന്റെ ഇരട്ട കുട്ടികളായ സഫയും മാർവയും കൊച്ചുകുഞ്ഞുങ്ങളായിരുന്നു. എന്നാൽ ഇന്നവർ പ്ലസ്‌ടു വിദ്യാർത്ഥിനികൾ ആയിട്ടുണ്ട്. ഇപ്പോഴിതാ അദ്ദേഹത്തിന്റെ ഓർമ്മയിൽ ഭാര്യ ഫാസില പങ്കിട്ട വാക്കുകൾ ആണ് വൈറലായി മാറുന്നത്.മാതൃഭൂമി ഗൃഹലക്ഷ്മിയുടെ പുത്തൻ പതിപ്പിലാണ് പുത്തൻ വിശേഷങ്ങൾ ഫാസില പങ്കുവച്ചത്. ഇക്ക വിടപറയുമ്പോൾ മക്കൾക്ക് പ്രായം മൂന്നുവയസായിരുന്നു. 12 വർഷങ്ങൾക്ക് ശേഷമാണ് ഞങ്ങൾക്ക് മക്കൾ ജനിച്ചത്. മക്കളെ കണ്ടുകൊതിതീരും മുമ്പേയാണ് ഇക്ക പോയത്- ഫസീല വികാരാധീനയായി പറയുന്നു.ബാപ്പച്ചിയെ കണ്ട ഓർമ്മ ഞങ്ങൾക്ക് ഇല്ലെങ്കിലും, അദ്ദേഹം ഇപ്പോഴും ഞങ്ങൾക്ക് ഒപ്പമുണ്ട്, കൂടെ ഉണ്ടായിരുന്നുവെങ്കിൽ എന്ന് ഞങ്ങൾ ആഗ്രഹിക്കുന്നു- മക്കൾ പറയുന്നു.

ഇരട്ടക്കുട്ടികൾ ആണ് എന്ന് അറിഞ്ഞതോടെ ആ സന്തോഷം ഇരട്ടിച്ചു. ആദ്യം അധികം ആളുകളോട് പറയണ്ട എന്ന് തീരുമാനിച്ചു എങ്കിലും അദ്ദേഹത്തിന്റെ സന്തോഷം കൊണ്ട് എല്ലാവരോടുമായി പറഞ്ഞു പോയെന്നും അഭിമുഖത്തിൽ ഫസീല പറയുന്നു.ഗൃഹലക്ഷ്മിയുടെ അഭിമുഖത്തിൽ തന്നെ ഹനീഫിക്ക പെണ്ണുകാണാൻ വന്നതിന്റെ സന്തോഷ നിമിഷങ്ങളും ഫസീല പങ്കിടുകയുണ്ടായി. എപ്പോഴും വീട്ടിൽ ഉണ്ടാക്കുന്ന ഭക്ഷണമായിരുന്നു അദ്ദേഹത്തിന് ഏറ്റവും ഇഷ്ടം എന്നും ഫസീല പറയുന്നുണ്ട്.സ്ക്കൂളിൽ പഠിക്കുമ്പോൾ ഒക്കെയും അദ്ദേഹത്തിന്റെ മക്കൾ എന്ന ലേബൽ കിട്ടിയിട്ടുണ്ടനും സഫയും മർവയും പറയുന്നു. ബാപ്പച്ചി കൂടെ ഉണ്ടായിരുന്നു എങ്കിൽ എന്ന് തോന്നാറുണ്ട് എന്നും ഇരുവരും പറയുന്നു.സിനിമ തിരക്കുകളിൽ പെടുമ്പോൾ മക്കൾക്ക് ഒപ്പം സ്പെൻഡ്‌ ചെയ്യാൻ കഴിയാത്തതിന്റെ ദുഃഖം ഉണ്ടായിരുന്നു എന്നും ഫസീല പറയുന്നു. മാത്രമല്ല പുലർച്ചെയൊക്കെ ജോലിക്കായി പോകുമ്പോൾ മക്കളെ കുറേനേരം നോക്കി നിൽക്കുമായിരുന്നു എന്നും താര പത്നി ഓർത്തെടുക്കുന്നു.​ഇക്കയുടെ വേര്പാടിനുശേഷം കുറെ സങ്കടങ്ങൾ​ ഇക്കയുടെ വേര്പാടിന് ശേഷം കുറെ സങ്കടങ്ങൾ നേരിടേണ്ടിവന്നിരുന്നു. ആരെയും കുറ്റപ്പെടുത്താനോ, വിഷമിപ്പിക്കാനോ ഞങ്ങൾ ഇല്ലെന്നും ഫാസില പറഞ്ഞു. മക്കൾക്ക് നല്ലൊരു ജോലി മാത്രമാണ് ഇപ്പോൾ തന്റെ ഏറ്റവും വലിയ ആഗ്രഹം എന്നും താരം പറഞ്ഞു.

@All rights reserved Typical Malayali.