കിച്ചുവിന് റൂം ഇല്ലേ! രേണുവിന്റെ പേരിൽ അല്ല വീട്, ആധാരം എഴുതിയത് മക്കളുടെ പേരിലാണ്; അതിന്റെ വിവാദം വേണ്ട; ചർച്ചകൾ

കൊല്ലം സുധിയുടെ ആഗ്രഹം പോലെ അദ്ദേഹത്തിന് ഒരു വീട് ലഭിച്ചിരിക്കുന്നു. ഈ ലോകത്ത് നിന്നും അദ്ദേഹം വിടവാങ്ങി എങ്കിലും മക്കൾക്കും ഭാര്യക്കും വേണ്ടിയാണ് വീട് ഒരുങ്ങിയത്. കഴിഞ്ഞ ദിവസമായിരുന്നു സുധിയുടെ വീടിന്റെ പാല് കാച്ചൽ ചടങ്ങു നടന്നത്. സാംസ്‌കാരിക സാമൂഹിക രംഗത്തെ മിക്ക ആളുകളും പങ്കെടുക്കാൻ എത്തിയ ചടങ്ങിൽ വച്ചായിരുന്നു താക്കോൽ ദാനം.

വീട് നിർമ്മാണം നടക്കുന്ന മുതൽ ഉയർന്നു കേട്ട ഒരു ചോദ്യം ആയിരുന്നു വീട് ആരുടെ പേർക്ക് എന്നുള്ളത്. കഴിഞ്ഞദിവസമാണ് അതിനുള്ള ഉത്തരം മാധ്യമങ്ങളോടായി രേണു സുധി പറഞ്ഞത്. വീട് തന്റെ പേരിൽ അല്ലെന്നും മക്കളുടെ പേരിലാണ് എഴുതിയതെന്നും കഴിഞ്ഞദിവസം രേണു മറുപടി നൽകി,എന്നിരുന്നാലും കടുത്ത രീതിയിലുള്ള സൈബർ അറ്റാക്കാണ് രേണു നേരിടുന്നത്. ചടങ്ങിൽ സംബന്ധിക്കാൻ എത്തിയ ഓൺലെൻ ചാനലുകൾ വീടിന്റെ ഹോം ടൂർ കൂടി കവർ ചെയ്‌തിരുന്നു.

എല്ലാവർക്കും വീട് കാണിച്ചു നൽകുന്നുണ്ട് രേണു. എന്നാൽ അപ്പോൾ ഉള്ള രണ്ടുമുറിയിൽ ഒരെണ്ണം രേണുവിനും മറ്റേത് അവരുടെ അച്ഛനും അമ്മയ്ക്കും ഉള്ളതാണ്. അപ്പോൾ കിച്ചുവിന്റ് റൂം ഏതാണ് എന്നായിരുന്നു പലർക്കും പരിഭവം. അതിനുള്ള മറുപടി ആണ്, കിച്ചു ഇപ്പോൾ ഉള്ളത് കൊല്ലത്താണ്, അവിടെ നിന്നാണ് അവൻ പഠിക്കുന്നത് എന്ന് രേണു പറയുന്നത്. അതേസമയം രേണു അഭിനയത്തിലേക്ക് ഇറങ്ങയതിനെ വിമര്ശിച്ചും അവർ സന്തോഷത്തോടെ സംസാരിക്കുന്നതിനെക്കുറിച്ചുമെല്ലാം വിമര്ശനങ്ങള് ഉയരുന്നുണ്ട്. ഇവർ വീണ്ടും വിവാഹം ചെയ്യും എന്നൊക്കെയാണ് മറ്റുകൂട്ടരുടെ പരിഭവം.

പണ്ടത്തെ കാലങ്ങളിൽ പോലും ഭർത്താവ് മരിച്ചശേഷം സ്ത്രീകൾ പുനർവിവാഹം ചെയ്യുന്നത് പതിവായിരുന്നു. എന്നിട്ട് ഇന്നും ഇപ്പോഴും അത് എന്തോ മഹാപരാധം എന്ന രീതിയിൽ ആണ് രേണുവിനെക്കുറിച്ചുള്ള കമന്റുകൾ നിറയുന്നത്. ഭർത്താവിന്റെ മരണശേഷം പൊട്ടുതൊട്ടാൽ, കണ്ണ് എഴുതിയാൽ, സോഷ്യൽ മീഡിയയിൽ ഒരു പോസ്റ്റ് പങ്കുവച്ചാൽ ഒക്കെയും ഇന്നും വിഷയങ്ങൾ നിലനിൽകുന്നു എന്നതിന്റെ തെളിവാണ് രേണു എന്ന സ്ത്രീ നേരിടുന്ന സൈബർ അറ്റാക്ക്.

അഭിനയരംഗത്തേക്ക് തുടക്കം കുറിക്കുകയാണ് രേണു. നാടകത്തിലൂടെയും, സിനിമയിലൂടെയും ആണ് വെള്ളിവെളിച്ചത്തേക്ക് രേണു എത്തുന്നത്. സോഷ്യൽ മീഡിയയിൽ ഏറെ സജീവമായ രേണുവിന്റെ കന്നി അരങ്ങേറ്റം കൂടിയാണ് ഇത്. കൊച്ചിൻ സംഘമിത്രയുടെ നാടകത്തിലൂടെ കോളേജ് വിദ്യാർത്ഥിനിയുടെ വേഷത്തിലാണ് രേണു എത്താൻ ഒരുങ്ങുന്നത്. ഒപ്പം നിർമ്മാണത്തിലിരിക്കുന്ന ഒരു സിനിമയിലും തരക്കേടില്ലാത്ത ഒരു വേഷം രേണു ചെയ്യുന്നുണ്ട്.

@All rights reserved Typical Malayali.