സൂപ്പര്‍ ഡാന്‍സര്‍.. അസാധ്യ ടൈമിംഗും..!! സുധിയ്ക്ക് പകരം രേണു ആ വേദിയിലേക്ക്..!

മനസില്‍ ഒരുപാട് ദു:ഖങ്ങള്‍ ഉള്ളപ്പോഴും വേദിയില്‍ പ്രേക്ഷകരെ ചിരിപ്പിക്കുകയായിരുന്നു കൊല്ലം സുധി. സ്വന്തമായൊരു വീട് എന്ന സ്വപ്‌നം സഫലീകരിക്കാനുള്ള തയ്യാറെടുപ്പിലായിരുന്നു അദ്ദേഹം. അതിനിടയിലാണ് അപ്രതീക്ഷിത വിയോഗം. ഒന്നും നേടാനായില്ലെന്ന വിഷമം ഭര്‍ത്താവിനെ അലട്ടിയിരുന്നുവെന്ന് ഭാര്യ രേണു പറയുന്നു.സിനിമയിലും ചാനല്‍ പരിപാടികളിലുമൊക്കെയായി സജീവമായ കൊല്ലം സുധി ഇനി ഇല്ല എന്നറിഞ്ഞതിന്റെ നടുക്കത്തിലാണ് പ്രിയപ്പെട്ടവര്‍. വടകരയിലെ പരിപാടി കഴിഞ്ഞ് തിരിച്ച് പോവുന്നതിനിടയിലായിരുന്നു അപകടം സംഭവിച്ചത്. ഷോ കഴിഞ്ഞ സമയത്ത് അദ്ദേഹം വിളിച്ചിരുന്നു. നിങ്ങള്‍ ഉറങ്ങിക്കോ, ഞാന്‍ പെട്ടെന്ന് എത്തുമെന്നായിരുന്നു പറഞ്ഞതെന്ന് ഭാര്യ രേണു പറയുന്നു. പ്രിയതമന്‍ കൂടെയില്ല എന്ന യാഥാര്‍ത്ഥ്യം ഞാന്‍ എങ്ങനെ ഉള്‍ക്കൊള്ളുമെന്ന് പറഞ്ഞ് പൊട്ടിക്കരയുകയായിരുന്നു രേണു.
​എന്റെ സുധിച്ചേട്ടാ, എനിക്കിനി ആരുണ്ട്. എന്തിനാ അവിടെ പോയത്. എന്നോട് പെട്ടെന്ന് വരാമെന്ന് പറഞ്ഞ് പോയതല്ലേ. വാവക്കുട്ടാ, പെട്ടെന്ന് വരാമെന്നല്ലേ എന്നോട് പറഞ്ഞത്. എന്നിട്ട് ഇപ്പോള്‍ എന്തായി, ഞാന്‍ പറഞ്ഞതാണ് പോവേണ്ടെന്ന്. നെഞ്ച് തകര്‍ന്ന് കരയുന്ന രേണുവിനെ ആശ്വസിപ്പിക്കാന്‍ പാടുപെടുകയാണ് ബന്ധുക്കള്‍. നീ കരയരുത്, മോന്‍ വിഷമിക്കും എന്ന് പറഞ്ഞപ്പോള്‍ അവന് അറിയാം പപ്പ വരില്ലെന്ന് എന്നായിരുന്നു രേണു പറഞ്ഞത്.അവനെ ഇതൊന്നും കാണിക്കല്ലേ, എനിക്ക് കൊച്ചിനെ കാണണ്ട. സുധിച്ചേട്ടന്‍ മരിച്ച് കിടക്കുന്നത് കുഞ്ഞിനെ കാണിക്കല്ലേ, അമ്മ അങ്ങോട്ടെങ്ങാനും കൊണ്ടുപോയേ എന്നും രേണു അമ്മയോട് പറയുന്നുണ്ട്. എനിക്ക് പറ്റത്തില്ല. സുധിച്ചേട്ടന്‍ ഇനി വരത്തില്ല, വാവക്കുട്ടാ എന്ന് വിളിക്കില്ല. എനിക്ക് അത് അംഗീകരിക്കാന്‍ പറ്റുന്നില്ലല്ലോ ദൈവമേ, എന്നോട് എന്തിനാണ് ഇങ്ങനെ ചെയ്തത്. എന്നെ വിട്ട് പോവല്ലേ എന്ന് പറഞ്ഞ് പൊട്ടിക്കരയുകയായിരുന്നു രേണു.

എനിക്കും മക്കള്‍ക്കും ഇനി ആരുണ്ട്. ഒന്നും ഉണ്ടാക്കിയില്ലെന്ന സങ്കടമായിരുന്നു എപ്പോഴും. വീടും എല്ലാം ഉണ്ടാക്കിത്തന്നിട്ടേ പോവത്തുള്ളൂ എന്നാണ് പറഞ്ഞത്. ഒന്നും വേണ്ട സുധിച്ചേട്ടനെ കിട്ടിയാല്‍ മതിയായിരുന്നു. കൊച്ചിനോട് ഞാന്‍ എന്ത് പറയും, പപ്പ എവിടെ എന്ന് അവന്‍ ചോദിക്കുമ്പോള്‍ ഞാന്‍ എന്ത് പറയും. ഇന്നലെ വീഡിയോ കോളില്‍ കണ്ടപ്പോള്‍ മുഖം വീര്‍ത്തിട്ടുണ്ടായിരുന്നു. എന്നാ പറ്റിയെന്ന് ചോദിച്ചപ്പോള്‍ എനിക്ക് പല്ല് വേദനയാ എന്ന് പറഞ്ഞു. രാവിലെ വരുമ്പോള്‍ ആശുപത്രിയില്‍ പോവണം എന്ന് പറഞ്ഞതാണ്. ടെന്‍ഷനാണ് ആ പാവത്തിന് എപ്പോഴും. ആരേയും കരയാനോ സങ്കടപ്പെടാനോ സമ്മതിക്കാത്ത മനുഷ്യനാണെന്നും രേണു പറയുന്നുണ്ടായിരുന്നു.ജീവിതത്തിലെ ദു:ഖങ്ങളൊന്നും കാണിക്കാതെ മറ്റുള്ളവരെ ചിരിച്ച മനുഷ്യനാണ്. സങ്കടം സഹിക്കാനാവുന്നില്ല. എല്ലാം സഹിക്കാനുള്ള കരുത്ത് ആ കുടുംബത്തിന് നല്‍കണേ, എങ്ങനെയാണ് ആ പാവത്തിനെ ആശ്വസിപ്പിക്കേണ്ടത്. അവരുടെ സങ്കടം കണ്ടിട്ട് സഹിക്കാനാവുന്നില്ല. ആ പാവത്തിനും മക്കള്‍ക്കും ഇനി ആരുണ്ട്. നിരവധി പേരായിരുന്നു വീഡിയോയുടെ താഴെയായി സങ്കടം പങ്കുവെച്ച് എത്തിയത്.
കുടുംബമാണ് എന്റെ എല്ലാം എന്ന് എപ്പോഴും പറയാറുള്ള ആളാണ് കൊല്ലം സുധി. ഇടയ്ക്ക് അദ്ദേഹത്തിനൊപ്പം ഭാര്യയും മക്കളും സ്റ്റാര്‍ മാജിക്കിലേക്ക് വന്നിരുന്നു. ആദ്യഭാര്യയിലെ മകന്‍ എന്ന് പറയുന്നത് രേണുവിന് ഇഷ്ടമല്ല. മൂത്ത മോന്‍ എന്നേ പറയാറുള്ളൂ. അവനും അതുപോലെയാണ് അമ്മ എന്നാണ് വിളിക്കുന്നത്. അനിയനെ പൊന്നുപോലെ നോക്കുന്ന ചേട്ടനാണ് എന്നുമായിരുന്നു മക്കളെക്കുറിച്ച് സുധി പറഞ്ഞത്.സുധിച്ചേട്ടനെ നേരത്തെ ഇഷ്ടമായിരുന്നു. കാര്യങ്ങള്‍ മനസിലാക്കിയാണ് വിവാഹിതരായത്. എന്റെ ആദ്യ വിവാഹമാണ്. സുധിക്കുട്ടാ എന്നാണ് ഞാന്‍ അദ്ദേഹത്തെ വിളിക്കാറുള്ളത്. എന്നെ വാവക്കുട്ടന്‍ എന്നാണ് വിളിക്കുന്നത്. പരിപാടിയൊക്കെ കണ്ട് ഇടയ്ക്ക് വിമര്‍ശിക്കാറുണ്ട്. വീട്ടിലും ആള് ഇതേപോലെ തന്നെയാണെന്നായിരുന്നു രേണു സുധിയെക്കുറിച്ച് പറഞ്ഞത്. കൈക്കുഞ്ഞായ മകനൊപ്പം പൊരുതി മുന്നേറുന്നതിനിടയിലായിരുന്നു സുധിയുടെ ജീവിതത്തിലേക്ക് രേണു എത്തിയത്.

@All rights reserved Typical Malayali.