അയ്യോ ദേഷ്യം വന്നാൽ ഒന്നും പറയണ്ട വീട്ടിൽ ശിവതാണ്ഡവം ആണ്; മധുവിന് ദേഷ്യം വന്നാൽ വലിയ പാടാണ്; ദിവ്യ

പരിചയപ്പെടുത്തൽ ആവശ്യമില്ലാത്ത ഗായകൻ ആണ് മധു ബാലകൃഷ്ണൻ. മലയാളികളുടെ പ്രിയ ഗായകന്‍ എന്ന് സംശയമില്ലാതെ പറയാം. തന്റെ വേറിട്ട ശബ്ദം കൊണ്ട് അദ്ദേഹം മനോഹരമാക്കിയ പാട്ടുകള്‍ ഏറെയുണ്ട്. റിയാലിറ്റി ഷോകളിലൂടെ മിനിസ്‌ക്രീനിലും മധു ബാലകൃഷ്ണന്‍ സാന്നിധ്യം അറിയിച്ചിട്ടുണ്ട്. ടോപ്പ് സിംഗറിൽ ജഡ്ജായും അദ്ദേഹം എത്താറുണ്ട്. കഴിഞ്ഞദിവസം ടോപ്പ് സിംഗർ വേദിയിൽ സർപ്രൈസായി വീണ്ടും ഭാര്യ എത്തിയ വീഡിയോ ആണ് ഇപ്പോൾ സോഷ്യൽ മീഡിയയിൽ നിറയുന്നത്.

ഭർത്താവിനെ കുറിച്ച് ദിവ്യയും. ദിവ്യയെക്കുറിച്ച് മധുവും പറയുന്ന വാക്കുകൾ ആണ് വൈറലായി മാറുന്നത്. ദിവ്യയെ എപ്പോഴും ചിരിച്ചു മാത്രമല്ലേ എല്ലാവരും കണ്ടിട്ടുള്ളൂ പക്ഷെ എന്നോട് അങ്ങനെ അല്ല എന്ന പരിഭവം ആണ് മധുവിന് പറയാൻ ഉള്ളത്. എന്നാൽ എല്ലാവരെയും പോലെ ആണോ മധുവേട്ടൻ . നമ്മൾ ഭാര്യയും ഭർത്താവും ആകുമ്പോൾ അങ്ങനെ ആകും എന്നാണ് ദിവ്യ നൽകിയ മറുപടി. മധുവിന് ദേഷ്യം വരാത്ത ആളാണ് എന്നും വന്നാൽ വീട്ടിൽ ശിവ താണ്ഡവം കാണാം എന്നുമാണ് മധുവിനെ ക്കുറിച്ച് ദിവ്യ പറഞ്ഞത്.

പ്രണയവിവാഹം ആയിരുന്നു. നമ്മൾ ചെറുപ്പം മുതലേ പരിചയക്കാരാണ്, ഒപ്പം ബന്ധുക്കളും. കുട്ടിക്കാലം,മുതലേ ദിവ്യയെ കാണുന്നതാണ്. സ്‌കൂൾ യൂണിഫോമിൽ നടക്കുമ്പോൾ മുതൽ അറിയാം. ഞാൻ ക്രിക്കറ്റ് കളിക്കുമ്പോൾ ഇവൾ ടെന്നീസ് കളിയ്ക്കാൻ ഉണ്ടാകും. എന്റെ ഗുരുനാഥന്റെ അടുത്താണ് ദിവ്യയും പാട്ടു പഠിച്ചത്. എന്നാൽ അപ്പോഴൊന്നും പ്രേമം ഉണ്ടായിരുന്നില്ല. വിവാഹത്തിന് ഒരു വര്ഷം മുമ്പേയാണ് നമ്മൾ പ്രണയിച്ചുതുടങ്ങിയത്. രണ്ടാൾക്കും ഒരേപോലെ പ്രണയം തോന്നിത്തുടങ്ങിയിരുന്നു. ആ സമയത്താണ് പരസ്പരം തുറന്നുപറയുന്നത്. ഞാൻ ഒരു റിയാലിറ്റി ഷോ ചെയ്യുന്ന സമയത്താണ്. എന്നെ ദിവ്യയും ഗോപുവും( ശ്രീശാന്തും) വിളിച്ച് അഭിപ്രായം പറയും. അങ്ങനെ ദിവ്യ ഒരു ദിവസം വന്നില്ലെങ്കിൽ അതെന്താണ് ദിവ്യ വരാതെ ഇരുന്നത് എന്ന തോന്നൽ ഒക്കെ മനസ്സിൽ വന്നു തുടങ്ങി. ഒരു മിസ്സിംഗ് ഫീൽ വരാൻ തുടങ്ങി. അങ്ങനെ പയ്യെ പയ്യെ പ്രേമം മൊട്ടിട്ടു എന്നാണ് സത്യം – എന്നാണ് പ്രണയത്തെക്കുറിച്ചൊരിക്കൽ മധു പറഞ്ഞത്.
മഞ്ഞുമ്മൽ ബോയ്സിന് പിന്നാലെ ആർഡിഎക്സും, നിർമാതാക്കൾക്കെതിരെ സാമ്പത്തിക തട്ടിപ്പ് പരാതി

ദിവ്യയുടേത് ഒതുങ്ങിയ സ്വഭാവമാണ്. എല്ലാവരോടും ചിരിക്കും. 24 മണിക്കൂറും ചിരിയാണ്. കല്യാണം കഴിച്ചപ്പോഴാണ് മനസിലാക്കുന്നത് ഉറക്കത്തിലും ചിരിക്കുമെന്ന്. ഉറക്കത്തില്‍ സംസാരിക്കുകയും ചിരിക്കുകയും ചിലപ്പോള്‍ പേടിച്ച് ഒച്ചയിടുകയും ചെയ്യും. സ്വപ്‌നത്തിൽ നടപ്പ് മാത്രം ഇതുവരെ ഉണ്ടായിട്ടില്ല. ഒരു തവണ ചവിട്ടും കിട്ടിയിട്ടുണ്ട്, ഒരു തവണ കഴുത്തില്‍ ഞെക്കിപ്പിടിക്കുകയും ചെയ്തിട്ടുണ്ടെന്നും മധു ദിവ്യയെക്കുറിച്ച് തമാശരൂപേണ പറയുന്നുണ്ട്. ഒരു ഗായകനെ വിവാഹം കഴിക്കും എന്ന് ഒരിക്കല്‍ പോലും ചിന്തിച്ചിട്ടില്ല എന്നാണ് ദിവ്യ മുൻപൊരിക്കൽ പറഞ്ഞത്.

ഒരു സായിപ്പിനെ വിവാഹം കഴിക്കണം എന്നായിരുന്നു ഇവൾക്ക് എന്ന മറുപടിയാണ് മധു നൽകുന്നത്. ഒരു സയന്റിസ്റ്റ് ആകാൻ ആയിരുന്നു തനിക്ക് ഇഷ്ടം, എന്നാൽ പ്രണയത്തിന്റെ പുറത്ത് ആ ആഗ്രഹം വേണ്ടെന്ന് വച്ച കഥയും ദിവ്യ പറഞ്ഞിരുന്നു.

@All rights reserved Typical Malayali.