250 കോടി രൂപ പ്രതിഫലം വാങ്ങുന്ന ആ നടന്‍? 2024 ല്‍ ഏറ്റവും അധികം പ്രതിഫലം വാങ്ങുന്ന 10 നടന്മാര്‍! ലിസ്റ്റില്‍ മലയാളത്തില്‍ നിന്ന് ആര്?

ഏറ്റവും പെട്ടന്ന് പണവും പ്രശസ്തിയും നേടാന്‍ പറ്റുന്ന ലോകമാണ് സിനിമ എന്നാണ് പറയപ്പെടുന്നത്. ഇപ്പോള്‍ കോടികളുടെ കണക്കാണ് സിനിമാ ലോകത്ത് നിന്ന് വരുന്നത്. ഏറ്റവും ആദ്യം നൂറ് കോടി കടക്കുന്ന സിനിമ, 200 കോടി കടക്കുന്ന സിനിമ എന്നൊക്കെയുള്ള കണക്ക് അനുസരിച്ചാണ് സിനിമകളുടെ വിജയ പരാജയങ്ങള്‍ തീരുമാനിക്കുന്നത്. അപ്പോള്‍ പിന്നെ താരങ്ങളുടെ പ്രതിഫലവും എടുത്ത് പറയണമല്ലോ.

2024 ല്‍ ഏറ്റവും അധികം പ്രതിഫലം വാങ്ങുന്ന നടന്മാരുടെ ലിസ്റ്റ് അത്ഭുതപ്പെടുത്തുന്നതാണ്. തമിഴ് നടന്മാരാണ് അതില്‍ മുന്‍പന്തിയില്‍ നില്‍ക്കുന്നതെന്നാണ് ഏറെ കൈതുകകരം. ബോളിവുഡ് താരങ്ങളെ പോലും പിന്നിലാക്കി എഴുപത് കഴിഞ്ഞ രജിനികാന്ത് മുന്നിട്ടു നില്‍ക്കണമെങ്കില്‍ പവര്‍ വേറെ ലെവലാണ്. മറ്റൊരു നഗ്നസത്യം എന്നാണെന്നുവച്ചാല്‍, ഈ പ്രതിഫല കണക്കിന്റെ ഏഴയലത്ത് ഒരു മലയാള താരവും വരുന്നില്ല എന്നാണ്. മലയാളത്തിലെ നടന്മാരുട പ്രതിഫലം ഇതുവരെ 20 കോടിയ്ക്ക് മുകളില്‍ കടന്നിട്ടില്ല! ആദ്യ പത്തില്‍ ബോളിവുഡ് കോളിവുഡ് ടോളിവുഡ് താരങ്ങള്‍ നിറഞ്ഞു നില്‍ക്കുകയാണ്.

ഇന്ത്യയില്‍ ഏറ്റവും അധികം കളക്ഷന്‍ നേടിയ ചിത്രത്തിലെ നായകന്‍ തന്നെയാണ് ലിസ്റ്റില്‍ ഒന്നാമത്. അതെ ജആയിരം കോടി ക്ലബ്ബിലെത്തിയ ജവാന്‍ എന്ന ചിത്രത്തിലെ നായകന്‍ ഷാരൂറ് ഖാന്‍. 150 കോടി മുതല്‍ 250 കോടി വരെയാണ് ഒരു സിനിമയില്‍ അഭിനയിക്കുന്നതിന് വേണ്ടി ഷാരൂഖ് ഖാന്‍ വാങ്ങുന്നത്. ഷാരൂഖ് ഖാന് തൊട്ടുപിന്നാലെ സ്റ്റൈല്‍ മന്നന്‍ രജിനികാന്താണ്. 150 കോടി മുതല്‍ 230 കോടി വരെയാണ് രജിനികാന്തിന്റെ പ്രതിഫലം.

സിനിമ ഉപേക്ഷിച്ച് രാഷ്ട്രീയത്തിലേക്ക് പോകാന്‍ തയ്യാറെടുത്ത് നില്‍ക്കുന്ന വിജയ് ആണ് ലിസ്റ്റില്‍ മൂന്നാം സ്ഥാനത്ത്. 130 കോടി മുതല്‍ 200 കോടി വരെയാണ് വിജയ് ഒരു സിനിമയ്ക്ക് വേണ്ടി വാങ്ങുന്ന പ്രതിഫലം. രജിനികാന്ത് കഴിഞ്ഞാല്‍, തമിഴില്‍ ഏറ്റവും അധികം പ്രതിഫലം വാങ്ങുന്ന വിജയ്, ഇതൊക്കെ ഉപേക്ഷിച്ചാണ് രാഷ്ട്രീയത്തിലേക്ക് ഇറങ്ങുന്നത് എന്നത് ആരാധകര്‍ക്ക് വലിയ ഞെട്ടലായിരുന്നു.

ബാഹുബലി താരം പ്രഭാസ് ലിസ്റ്റില്‍ നാലാം സ്ഥാനത്ത് വന്നു നില്‍ക്കുന്നു. ബാഹുബലി സിനിമകള്‍ക്ക് ശേഷം ആദ്യ മൂന്നില്‍ ഇടം നേടിയ പ്രഭാസ്, തുടരെയുള്ള പരാജയങ്ങള്‍ക്ക് ശേഷം പിന്‍തള്ളപ്പെടുകയായിരുന്നു. നൂറ് കോടി മുതല്‍ 200 കോടി വരെയാണ് പ്രഭാസിന്റെ പ്രതിഫലം. 100 കോടി മുതല്‍ 175 കോടി വരെ പ്രതിഫലം വാങ്ങുന്ന ബോളിവുഡ് പെര്‍ഫക്ഷനിസ്റ്റ് ആമിര്‍ ഖാനാണ് അഞ്ചാം സ്ഥാനത്ത്.

ഖാന്‍ മാരുടെ ലിസ്റ്റിലെ മൂന്നാമനായ സല്‍മാന്‍ ഖാന്‍ ഒരു സിനിമയ്ക്ക് വേണ്ടി വാങ്ങുന്നത് 100 കോടി മുതല്‍ 150 കോടിവരെയാണ്. സല്‍മാന്‍ ഖാന് തൊട്ടു പിന്നാലെ കമല്‍ ഹാസനും ഉണ്ട്. 150 കോടിയാണ് കമല്‍ ഹാസന്റെയും പ്രതിഫലം. 100 കോടി മുതല്‍ 125 കോടി വരെ പ്രതിഫലം വാങ്ങുന്ന അല്ലു അര്‍ജുനാണ് ഏഴാം സ്ഥാനത്ത്. 60 കോടി മുതല്‍ 145 കോടി വരെ പ്രതിഫലം വാങ്ങുന്ന അക്ഷയ് കുമാറും, 100 കോടി മുതല്‍ 105 കോടി വരെ പ്രതിഫലം വാങ്ങുന്ന അജിത് കുമാറും ആദ്യ പത്തില്‍ ഇടം നേടി.

@All rights reserved Typical Malayali.