മഞ്ജു വാര്യര്‍ ആള്‍മാറാട്ടം നടത്തിയോ? ആരും അറിയാത്ത രഹസ്യം വെളിപ്പെടുത്തി രമേഷ് പിഷാരടി; അതൊന്നും ഇവിടെ പറയല്ലേ പിഷു എന്ന് മഞ്ജു!

ഇന്റസ്ട്രിയില്‍ ഒരുവിധം എല്ലാവരുമായും നല്ല സൗഹൃദ ബന്ധം സൂക്ഷിക്കുന്ന നടിയാണ് മഞ്ജു വാര്യര്‍. പ്രത്യേകിച്ചും തിരിച്ചുവരവില്‍. അമൃത ടിവിയിലെ ഫണ്‍സ് അപ്പോണ്‍ എ ടൈം എന്ന ഷോയില്‍ പങ്കെടുത്ത മഞ്ജു ജീവിതത്തില്‍ എപ്പോഴൊക്കെയോ അറിയാതെ സംഭവിച്ച സൗഹൃദങ്ങളെ കുറിച്ച് സംസാരിക്കുന്നുണ്ട്. ഷോയില്‍ അതിഥിയായി എത്തിയ ബൈജുവിനൊപ്പമുള്ള സൗഹൃദവും വിധികര്‍ത്താവായ പിഷാരടിയ്‌ക്കൊപ്പം ഉണ്ടായ സൗഹൃദവും എപ്പോള്‍ എങ്ങനെ സംഭവിച്ചു എന്നൊന്നും തനിക്കോര്‍മയില്ല എന്നാണ് മഞ്ജു പറഞ്ഞത്.

പിഷാരടിയുമായി ഒരുമിച്ച് സിനിമകളില്‍ അഭിനയിച്ച ബന്ധം ഒന്നുമല്ല. ഒരുമിച്ച് സിനിമകളേ ചെയ്തിട്ടില്ല. ഞങ്ങള്‍ ഒരുമിച്ച് കുറേ യാത്രകള്‍ ചെയ്തിട്ടുണ്ട്. ഇറ്റലിയിലേക്ക് നടത്തിയ യാത്രകളില്‍ കുഞ്ചാക്കോ ബോബനൊക്കെ ഉണ്ടായിരുന്നു. എല്ലാവരുടെയും കുടുംബവുമൊന്നിച്ചുള്ള ആ യാത്രകളൊക്കെ മനോഹരമായിരുന്നു എന്നൊക്കെയുള്ള ഓര്‍മകളാണ് മഞ്ജു വാര്യര്‍ അയവിറുത്തത്.

എന്നാല്‍ പിഷാരടി മഞ്ജുവിനെ കുറിച്ചുള്ള ചില രഹസ്യങ്ങള്‍ ഷോയില്‍ വെളിപ്പെടുത്തുകയുണ്ടായി. മഞ്ജു ആള്‍മാറാട്ടം നടത്തി ജനങ്ങളിലേക്ക് ഇറങ്ങുന്നതിനെ കുറിച്ച് പിഷാരടി പറഞ്ഞു തുടങ്ങിയപ്പോള്‍ തന്നെ, ‘അതൊന്നും ഇവിടെ പറയല്ലേ പിഷു’ എന്ന് പറഞ്ഞ് മഞ്ജു തടയുന്നുണ്ടായിരുന്നു. എന്നിട്ടും പിഷു പറഞ്ഞു.

‘ആള്‍ക്കൂട്ടത്തിലേക്ക് ഇറങ്ങിച്ചെന്നാല്‍ തിരിച്ചറിയാന്‍ കഴിയില്ല. കൈയ്യില്‍ കിട്ടുന്ന ഏതെങ്കിലുമൊക്കെ ഡ്രസ്സ് ധരിച്ച്, ഒരു മാസ്‌കും തൊപ്പിയും വച്ചിറങ്ങിയാല്‍ മഞ്ജുവിനെ ആരും തിരിച്ചറിയില്ല. അങ്ങനെ പലയിടങ്ങളിലും മഞ്ജു പോകാറുണ്ട്. ഞാനും കുഞ്ചാക്കോ ബോബനും ഉണ്ടെങ്കില്‍ മഞ്ജു പെടും. ഞങ്ങള്‍ എത്ര തൊപ്പി വച്ചാലും ആളുകള്‍ തിരിച്ചറിയും. കൂടെ നിന്ന് ഫോട്ടോ എടുക്കാന്‍ ആരെങ്കിലും വരുമ്പോള്‍, മഞ്ജുവുമുണ്ട് എന്ന് പറഞ്ഞ് മഞ്ജുവിനെ പിടിച്ച് നിര്‍ത്തി ഫോട്ടോ എടുപ്പിക്കും’ എന്ന് പിഷു വെളിപ്പെടുത്തി.

ബൈജു ചേട്ടനുമായുള്ള സൗഹൃദം എങ്ങനെ സംഭവിച്ചതാണെന്ന് ഓര്‍മയില്ല. ഒരുമിച്ച് വളരെ കുറച്ച് സിനിമകള്‍ മാത്രമേ ചെയ്തിട്ടുള്ളൂ. എന്നിരുന്നാലും എപ്പോള്‍ എന്ത് ആവശ്യമുണ്ടെങ്കിലും, ഒരു ആവശ്യവും ഇല്ലെങ്കിലും വിളിച്ച് സംസാരിക്കുന്ന സൗഹൃദമാണ് എന്ന് മഞ്ജു പറഞ്ഞു. ഷോയില്‍ മനോജ് കെ ജയനും ഉണ്ടായിരുന്നു. എപ്പോഴെങ്കിലുമാണ് വിളിക്കുന്നത് സംസാരിക്കുന്നത് എങ്കിലും, സംസാരിച്ച് തുടങ്ങിയാല്‍ ആ അകല്‍ച്ചയില്ലാതെ, ഇന്നലെ കണ്ടതു പോലെ എല്ലാ വിശേഷങ്ങളും പരസ്പരം പങ്കുവയ്ക്കുന്ന സൗഹൃദമാണ് മനോജേട്ടനുമായി ഉള്ളത് എന്ന് മഞ്ജു പറഞ്ഞു.

@All rights reserved Typical Malayali.