ഒരു പരിപാടിയും മഞ്ജുവിന്റെ അടുത്ത് നടക്കില്ല! എന്ത് കാര്യവും വിളിച്ചുചോദിയ്ക്കാൻ പറ്റുന്ന ബന്ധം; ബൈജുവും മനോജും പറയുന്നു

മഞ്ജുവാര്യരുമായുള്ള സൗഹൃദത്തെക്കുറിച്ച് നടൻ മനോജ് കെ ജയനും ബൈജു സന്തോഷും. അമൃത ടിവി സംഘടിപ്പിച്ച ഷോയിൽ പങ്കെടുത്തു സംസാരിക്കുകയായിരുന്നു ഇരുവരും. ഇവർക്ക് ഒപ്പമുള്ള സുന്ദരനിമിഷങ്ങളെ കുറിച്ച് മഞ്ജുവും വാചാലയായി. വര്ഷങ്ങളായി നമ്മൾ നല്ല സുഹൃത്തുക്കൾ ആണ്. സിനിമാ ബന്ധം എന്നതിലുപരി ഒരു ബന്ധമാണ് മഞ്ജുവിനോട് ഉള്ളതെന്നും ഇരുവരും പറയുന്നു. തനിക്ക് ഒരുപാട് സൗഹൃദങ്ങൾ ഒന്നും തന്നെ ഇല്ല. ഉള്ളവർ ഒക്കെ ചങ്ക് കൂട്ടുകാർ ആണെന്നും മഞ്ജു പറയുന്നു.

നല്ല മനസ്സുള്ളവർ തമ്മിൽ പെട്ടെന്ന് ചേരും. പെട്ടെന്ന് അടുക്കയും ചെയ്യും അല്ലെ? മഞ്ജു എന്ന് ബൈജു മഞ്ജുവിനോട് ചോദിക്കുമ്പോൾ അതെ വളരെ സത്യം എന്ന മറുപടിയാണ് നൽകിയത്. ഇരുവരുടെയും രസകരമായ സംഭാഷണങ്ങളിലൂടെ

മഞ്ജു വാര്യർ: നമ്മൾ തമ്മിൽ എവിടെയാണ് കണ്ടത് എന്നോ, എങ്ങനെ ആണ് പരിചെയ്യപ്പെട്ടത് എന്നാണോ എന്നോ പറയാൻ ആകില്ല. പക്ഷെ അത്രയും അടുപ്പമാണ്. സിനിമക്ക് ഒക്കെ അപ്പുറത്താണ് ആ ബന്ധം എന്ന് എനിക്ക് തോന്നിയിട്ടുണ്ട്. എന്ത് കാര്യം ഉണ്ടെങ്കിലും വിളിച്ചു പറയാൻ ആകുന്ന. ഇനിയൊപ്പോൾ ഒരു കാര്യം ഇല്ലെങ്കിലും വിളിച്ചു സംസാരിക്കാൻ ആകുന്ന ഒരു ആളാണ് ബൈജു ചേട്ടൻ. അത് മനോജേട്ടനോടും അങ്ങനെ തന്നെയാണ്. കുറേകാലം കഴിഞ്ഞാകും ഒരു പക്ഷെ സംസാരിക്കുന്നത്. എന്നാൽ അപ്പോൾ പോലും നമ്മൾ കുറെ നാളുകൾക്ക് ശേഷമാണു സംസാരിക്കുന്നത് എന്ന് തോന്നാറേ ഇല്ല. അങ്ങനെ ഉള്ള സൗഹൃദങ്ങൾ വളരെ വലുതാണ്.

ഞാനും പിഷുവും തമ്മിൽ ഒരു സിനിമയിൽ പോലും അഭിനയിച്ചിട്ടില്ല. എന്നിട്ട് പോലും നല്ല സുഹൃത്തുക്കൾ ആണ്. അങ്ങനെയുള്ള ബന്ധങ്ങൾ കിട്ടുന്നത് തന്നെ വലിയ ഭാഗ്യമാണ്. എനിക്ക് എന്റെ ജീവിതത്തിൽ ഒരുപാട് സൗഹൃദങ്ങൾ ഒന്നും തന്നെ ഇല്ല. എങ്കിലും ഇവിടെ നല്ല സുഹൃത്തുക്കൾ ഉണ്ട് ചിരിക്കാൻ വേണ്ടി വന്നതാണ് ഞാൻ.

ബൈജു: തിരുവനന്തപുരത്തു മഞ്ജു വരുമ്പോൾ എന്നെ വിളിക്കും. ഞാൻ അവൾക്ക് തട്ടുദോശയും പപ്പടവും ഒക്കെ വാങ്ങിക്കൊടുക്കും.

പിഷാരടി: സാധാരണ തീയേറ്ററുകളിൽ ഒക്കെ അയല്പക്കത്തെ കൊച്ചിനെ വരെ കൈയ്യിൽ പിടിച്ചുകൊണ്ട് നോർമൽ ഡ്രെസ്സിൽ മഞ്ജു പോകാറുണ്ട്. മഞ്ജു ഏതു ആൾക്കൂട്ടത്തിൽ ചെന്നാലും ആരും തിരിച്ചറിയുകയും ഇല്ല. പക്ഷെ ഞാനോ ചാക്കോച്ചനോ എവിടെ പോയാലും അറിയും.

മനോജ് കെ ജയൻ: ഞാൻ മഞ്ജുവിനെ ആദ്യമായി കാണുന്നത് സല്ലാപത്തിന്റെ സെറ്റിൽ വച്ചാണ്. അതിനുമുമ്പേ ഞാൻ കാണുന്നത് മഞ്ജുവിന്റെ ഒരു ട്രയൽ വീഡിയോ ആയിരുന്നു.

മഞ്ജു വാര്യർ: ദിലീപേട്ടനും മനോജേട്ടനും ഒക്കെ വളരെ തമാശകൾ പറഞ്ഞു പൊട്ടിച്ചിരിപ്പിച്ച സെറ്റ് ആയിരുന്നു. മണിയേട്ടനും അവിടെ ആയിരുന്നു. ഇവർ ഒക്കെ എന്നെ പ്രേതമായി വന്ന് പേടിപ്പിക്കും.

മനോജ് കെ ജയൻ: മഞ്ജുവും, അമ്മയും താമസിക്കുന്ന മുറിയുടെ മുൻപിലൂടെ ഞാനും ദിലീപും കൂടി പ്രേതം ആണെന്ന വ്യാജേന ഇങ്ങനെ നടക്കും. പൊതുവെ പ്രേതബാധ ഉണ്ടെന്നു കേൾക്കുന്ന ഒരു സെറ്റ് ആയിരുന്നു അത്. ഒരു ദിവസം ഞങ്ങൾ ചോദിച്ചു കുറച്ചു രക്തം കുടിക്കാൻ കിട്ടുമോ എന്ന്. എന്നാൽ മഞ്ജു ചോദിച്ചു ബിസ്‌ലേറി മതിയോഎന്ന്. അതാണ് അന്നേ മഞ്ജു. ഒരു പരിപാടിയും അവിടെ നടക്കില്ല.

@All rights reserved Typical Malayali.