ഉണ്ണിയേയും ആനിനെയും യുകെയിൽ എത്തിച്ചു, ലക്ഷങ്ങൾ മുടക്കി പരിപാടികൾ; വീണ്ടും റിസപ്‌ഷന് അണിഞ്ഞൊരുങ്ങി മീരയും ശ്രീജുവും
സോഷ്യല്‍ മീഡിയയില്‍ വലിയ ചര്‍ച്ചയായ ഒരു വിവാഹമായിരുന്നു മീര നന്ദന്റെയും ശ്രീജുവിന്റെയും. ആ വലിയ ആഘോഷവും വിവാഹവും കഴിഞ്ഞിട്ട് മാസങ്ങൾ കഴ്ഞ്ഞിരുന്നു. ആ സന്തോഷത്തിന്റെ ഓളം കെട്ടടങ്ങും മുൻപേ തന്നെ അടുത്ത ആഘോഷത്തിന്റ ത്രില്ലിൽ ആണ് മീരയും ശ്രീജുവും. വിവാഹം കഴിഞ്ഞപാടെ ജോലിത്തിരക്കുകള് ആയി രണ്ടുപേരും രണ്ടുസ്ഥലങ്ങളിൽ ആയിരുന്നു. ഇപ്പോഴിതാ രണ്ടുപേരും മാസങ്ങൾക്ക് ശേഷം ഒരുമിച്ചതിന്റെ സന്തോഷം പങ്കുവച്ചെത്തിയതായിരുന്നു താരം.
വിവാഹം കഴഞ്ഞപാടെ തന്നെ മീര നന്ദൻ പറഞ്ഞിരുന്നു ലണ്ടനിൽ വച്ച് ശ്രീജുവിന്റെ സുഹൃത്തുക്കൾക്കും ബന്ധുക്കൾക്കുമായി ലണ്ടനിൽ ഒരു റിസെപ്ഷ്യൻ കൂടി ഉണ്ടായിരിക്കും എന്ന് അതിനായി തയാറെടുത്തുകൊണ്ട് എത്തിയതാണ് മീരയും ശ്രീജുവും. കഴിഞ്ഞദിവസം സോഷ്യൽ മീഡിയ വഴിയാണ് സന്തോഷം ഇരുവരും പങ്കുവച്ചെത്തിയത്. നിരവധി ആളുകളാണ് ആശംസകൾ നേർന്നുകൊണ്ട് എത്തിയത്. പരിപാടിക്ക് രണ്ടുദിവസം മുൻപേ തന്നെ മീര യുകെയിൽ എത്തിയിരുന്നു. അതിനൊക്കെ പുറമെ ആത്മസുഹൃത്ത് ആനും, മേക്കപ്പ് ആർട്ടിസ്റ്റും സുഹൃത്തുമായ ഉണ്ണിയും യുകെയിൽ എത്തി എന്നതാണ് ഏറ്റവും വല്യ പ്രത്യേകത. മീരയെ വിവാഹത്തിനു അണിയിച്ചരുക്കിയതും ഉണ്ണി ആയിരുന്നു. ഒരു മേക്കപ്പ് ആർട്ടിസ്റ്റ് എന്നതിലുപരി രണ്ടുപേരും തമ്മിൽ മികച്ച ഒരു ഫ്രണ്ട്ഷിപ്പ് ബോണ്ട് തന്നെയുണ്ട്. ലക്ഷങ്ങൾ മുടക്കിയാകും പരിപാടികൾ എന്നാണ് സൂചന.
മീര നന്ദന്റെയും ശ്രീജുവിന്റെയും വിവാഹ നിശ്ചയം തന്നെ ആരാധകര്‍ക്ക് വലിയ സര്‍പ്രൈസ് ആയിരുന്നു. അതിന് ശേഷം ഗുരുവായൂര്‍ ക്ഷേത്രത്തില്‍ വച്ച് നടന്ന വിവാഹവും നവമാധ്യമങ്ങള്‍ ഏറ്റെടുത്തു. വിവാഹത്തിന് ശേഷം ശ്രീജുവിന് നേരെ പല തരത്തിലുള്ള സൈബര്‍ അറ്റാക്കുകള്‍ ഉണ്ടായിരുന്നു. എന്നാല്‍ അതൊന്നും ഇരുവരും മൈന്റ് ചെയ്തില്ല. ടെലിവിഷന്‍ ആങ്കറായി കരിയര്‍ ആരംഭിച്ചതാണ് മീര നന്ദന്‍. പിന്നീട് സിനിമയിലേക്കെത്തി. മുല്ല എന്ന ചിത്രത്തിലൂടെയാണ് തുടക്കം, തുടര്‍ന്ന് ഒരുപാട് നല്ല അവസരങ്ങള്‍ ലഭിച്ചു
അഭിനയച്ചുകൊണ്ടിരിക്കുമ്പോഴാണ് മീര റേഡിയോ ലോകത്തേക്ക് പോയത്. വളരെ അധികം ആഗ്രഹിച്ചു കിട്ടിയ ജോലി ഇപ്പോഴും ഇഷ്ടത്തോടെ ചെയ്തുകൊണ്ടിരിയ്ക്കുന്നു. കഴിഞ്ഞ ജൂണ്‍ 29-നായിരുന്നു മീരയുടെ വിവാഹം. ഗുരുവായൂരിലെ വിവാഹത്തിനുശേഷം സിനിമാ മേഖയിലെ സുഹൃത്തുക്കള്‍ക്കായി വിവാഹ വിരുന്നും ഒരുക്കിയിരുന്നു. മെഹന്ദി, ഹല്‍ദി, സംഗീത് ആഘോഷങ്ങളും വിവാഹത്തിന്റെ ഭാഗമായുണ്ടായിരുന്നു. ലണ്ടനില്‍ ചാര്‍ട്ടേഡ് അക്കൗണ്ടന്റാണ് ശ്രീജു.
മീരയെ ആദ്യമായി കണ്ട നിമിഷത്തെ കുറിച്ച് ശ്രീജുവും മനസ് തുറന്നിരുന്നു. മീരയെ കണ്ട നിമിഷത്തില്‍തന്നെ ഇഷ്ടം തോന്നിയെന്നും തന്റെ ഭാര്യയാകാന്‍ പോകുന്ന പെണ്‍കുട്ടിയാണെന്ന് അപ്പോള്‍തന്നെ തോന്നിയിരുന്നുവെന്നും ശ്രീജു പറഞ്ഞിരുന്നു. സുന്ദരിയായ ഒരു പെണ്‍കുട്ടിയെ വിവാഹം ചെയ്തതില്‍ ഒരുപാട് സന്തോഷമുണ്ടെന്നും ഇനി എന്നും മീര സന്തോഷവതിയായിരിക്കുമെന്നും ശ്രീജു പറഞ്ഞിരുന്നു.
@All rights reserved Typical Malayali.
Leave a Comment