അച്ഛന്റെ പേരിൽ കോടികൾ ചിലവിട്ട് പണിത മാധവം സരിതയുടെ കൈയ്യിലോ; അതോ ദേവികയ്ക്കോ? വീടിനെകുറിച്ചുള്ള ചർച്ചകൾ

1988ലാണ് സരിതയെ മുകേഷ് വിവാഹം കഴിച്ചത്. ശ്രാവണ്‍ ബാബു, തേജസ് ബാബു എന്നിവരാണ് മക്കള്‍. ആന്ധ്രപ്രദേശിലെ ഗുണ്ടൂര്‍ സ്വദേശിനിയാണ് സരിത. ദേവികയും മുൻപ് വിവാഹിത ആയിരുന്നു.social media discussions on mukesh and methil devika s luxurious home madhavam.അച്ഛന്റെ പേരിൽ കോടികൾ ചിലവിട്ട് പണിത മാധവം സരിതയുടെ കൈയ്യിലോ; അതോ ദേവികയ്ക്കോ? വീടിനെകുറിച്ചുള്ള ചർച്ചകൾ
നടൻ മുകേഷും നർത്തകി മേതിൽ ദേവികയും തമ്മിലുള്ള വിവാഹ ബന്ധം വേർപെടുത്തുന്നത് സംബന്ധിച്ചുള്ള വാർത്തകൾ ഇടക്കാലത്ത് വലിയ ചർച്ചകൾക്കാണ് വഴിവച്ചത്. വക്കീൽ മുഖാന്തരം വിവാഹമോചനം ആവശ്യപ്പെട്ട് താൻ നോട്ടീസ് അയച്ചിട്ടുണ്ടെന്നും അതിന്‍റെ കോടതി നടപടികളിലേക്ക് എത്തിയിട്ടില്ലെന്നും ദേവിക പറഞ്ഞതോടെയാണ് ഇരുവരുടെയും പ്രശ്നങ്ങൾ പൊതുജന മധ്യത്തിൽ ചർച്ച ആയതും. പരസ്പരം കുറ്റപ്പെടുത്താതെ തന്നെ ഇരുവരും വിവാഹമോചനത്തിലേക്ക് എത്തുകയും ചെയ്തു. ഇപ്പോൾ ഇവരുടെ മാധവത്തെ കുറിച്ചുള്ള ചർച്ചകൾ ആണ് സോഷ്യൽ മീഡിയയിൽ.

ഇരുവരും തമ്മിലുള്ള വിവാഹമോചന വാർത്തകൾ പുറത്തുവരുന്ന സാഹചര്യത്തിൽ, ഇരുവരുടെയും സ്വപ്ന ഭവനമായ മാധവം ആർക്കാണ് എന്ന തരത്തിലുള്ള ചർച്ചകളാണ് സോഷ്യൽ മീഡിയയിൽ നടന്നത്. മുകേഷിന്റെ അച്ഛന്റെ പേരായ മാധവനിൽ നിന്നുമാണ് മാധവം എന്ന പേരിലേക്ക് എത്തുന്നത്. ഈ മാധവം ഇനി ആദ്യ ഭാര്യ സരിതയ്‌ക്കോ, ദേവികയ്ക്കോ എന്നൊക്കെയാണ് ചർച്ചകൾ.

ഏറെ സവിശേഷതകളുള്ള വീട്
വീടിന്റെ ഡിസൈനിൽ പഞ്ചഭൂതങ്ങളെ സന്നിവേശിപ്പിച്ചാണ് പണി കഴിപ്പിച്ചത്. ടെറസിൽ നിന്നു നോക്കിയാൽ കടൽ കാണാം. വായുവിനും സൂര്യപ്രകാശത്തിനും അകത്ത് യഥേഷ്ടം വിഹരിക്കാൻ സ്ഥലമൊരുക്കിയിട്ടുണ്ട്. കളരി, അഗ്നിയെ പ്രതിനിധീകരിക്കുന്നു. തന്റെ ആശയങ്ങളും ഇഷ്ടങ്ങളും പെട്ടെന്ന് മനസ്സിലാകുന്ന ആർക്കിടെക്ട് ദമ്പതിമാരായ അജയ്‌ അബിയെയും താര പണ്ടാലയെയും കിട്ടിയതാണ് ഭാഗ്യമെന്നും ദേവിക ഒരിക്കൽ പറഞ്ഞിട്ടുണ്ട്.

സാംസ്‌കാരിക മുദ്രകൾ കോർത്തിണക്കിയ വീട്
പരമ്പരാഗത കേരളീയ ആർക്കിടെക്ചറും വളരെയധികം സ്വാധീനിച്ചിട്ടുണ്ട്. അതുകൊണ്ടുതന്നെ പല രാജ്യങ്ങളിലെയും സാംസ്കാരിക മുദ്രകൾ ഈ വീട്ടിൽ കാണാനാകുമെന്നും ദേവിക മുൻപ് പറഞ്ഞിട്ടുണ്ട്. ഹാൻഡ്മെയ്ഡ് സാധനങ്ങൾ പരമാവധി മാധവത്തിൽ പ്രയോജനപ്പെടുത്തിയിട്ടുണ്ട്. ഹോംതിയറ്റർ സൗകര്യം ഇല്ലാത്ത വീട് എന്ന നിലയിലും ഇതിനു പ്രത്യേകതയുണ്ട്. ലക്ഷ്വറി വേണ്ട എന്ന മുകേഷിന്റെയും ദേവികയുടെയും ഉറച്ച തീരുമാനം കൂടിയായിരുന്നു ഇതിനുപിന്നിൽ.

​തീർത്തും വ്യക്തിപരം
വളരെ വ്യക്തിപരമായ കാര്യമാണല്ലോ വിവാഹമോചനം. നാല്‍പത് വ‍ർഷത്തിലേറെയായി അഭിനയരംഗത്തുള്ള, രാഷ്ട്രീയത്തിലുള്ള അദ്ദേഹത്തെ ഒരു തരത്തിലും അപമാനിക്കാൻ ആഗ്രഹിക്കുന്നില്ല. ഞങ്ങൾ സൗഹാ‍ർദ്ദപരമായി പിരിയാനാണ് ഇപ്പോള്‍ ശ്രമിക്കുന്നത്. പക്വമതികളായ ആളുകളാണല്ലോ ഞങ്ങൾ. അദ്ദേഹത്തിന്‍റെ നിലപാട് ഇപ്പോഴും വ്യക്തമായിട്ടില്ല. ഞാനല്ല ഇക്കാര്യം പുറത്തുവിട്ടത്, അത് പുറത്തായിപ്പോയത്. ഈ വേർപിരിയൽ എനിക്കും അദ്ദേഹത്തിനും വേദനാജനകമാണ് എന്നും മുൻപൊരിക്കൽ ദേവിക പറഞ്ഞിട്ടുണ്ട്.

​2013 ൽ വിവാഹം
2013ല്‍ വിവാഹിതരായവരാണ് മുകേഷും മേതില്‍ ദേവികയും. നടി സരിതയെ ആണ് മുകേഷ് ആദ്യം വിവാഹം ചെയ്തത്. അതും പ്രണയിച്ച് വിവാഹിതരായിരുന്നു മുകേഷും സരിതയും. ഒരുകാലത്ത് തെന്നിന്ത്യയിലെ മിന്നുംതാരമായിരുന്നു സരിത. എല്ലാ ഭാഷകളിലും തിരക്കേറിയ നായികമാരില്‍ ഒരാളായി നടി തിളങ്ങി. അതേസമയം വിവാഹ മോചന സമയത്തുളള സരിതയുടെ ഒരു വീഡിയോ അടുത്തിടെ ഏറെ വൈറലായിരുന്നു.

@All rights reserved Typical Malayali.