മേതിൽ ദേവികയും മകനും ഇനി ഓസ്ട്രേലിയയിൽ ..ആരുമില്ലാതെ അനാഥമായി മാധവം

മേതിൽ ദേവിക നർത്തകി എന്നതിലുപരി ഇപ്പോൾ അഭിനേത്രി എന്ന നിലയിലും പ്രേക്ഷകർക്ക് പ്രിയങ്കരി ആയി മാറിയിരിക്കുന്നു. സംവിധായകന്‍ വിഷ്ണു മോഹന്റെ ചിത്രത്തിലൂടെയാണ് മേതിൽ ദേവിക കന്നി അരങ്ങേറ്റം സിനിമയിൽ നടത്തിയത്.

വിഷ്ണു മോഹന്റെ നിര്‍ബന്ധത്തെ തുടർന്നാണ് അഭിനയത്തിലേക്ക് ദേവിക എത്തിയതും. ഫേസ്ബുക്ക് പോസ്റ്റിലൂടെയാണ് താരം ഈ സന്തോഷ വാർത്ത പങ്കിട്ടതുമാണ്. സിനിമ കാണാൻ എത്തിയതിന്റെ വിശേഷങ്ങൾ മുകേഷും പങ്കുവച്ചെത്തിയിരുന്നു. തന്റെ ഭാര്യ എന്ന് പേരെടുത്തു പറഞ്ഞുകൊണ്ടാണ് മുകേഷ് മേതിൽ ദേവികയെ അഭിസംബോധന ചെയ്തത്.

ചിത്രം റിലീസ് ചെയ്തു അധികം വൈകാതെയാണ് താൻ ഓസ്‌ട്രേലിയൻ സിറ്റിസൺ ആയ വിശേഷവും മേതിൽ ദേവിക പങ്കുവച്ചത്. ചിത്രത്തിന്റെ റിലീസ് സമയത്താണ് തന്റെ ഇൻസ്റ്റ സ്റ്റോറിയിലൂടെ ആ സന്തോഷവാർത്ത പങ്കുവച്ചത്.

എനിക്ക് നിങ്ങളോട് ഒരു സന്തോഷവാർത്ത പറയാൻ ഉണ്ട് എന്ന മുഖവുരയോടെയാണ് ദേവിക സന്തോഷം അറിയിച്ചത്. ഓസ്ട്രേലിയയിൽ സ്ഥിരതാമസം അനുവദിക്കുന്ന റസിഡന്റ്സ് വിസ ആയിരുന്നു മേതിൽ ദേവികക്ക് ലഭിച്ചത്. ആഗോള തലത്തിലുള്ള പ്രവർത്തന മികവിനെ അടിസ്ഥാനമാക്കി ഗ്ലോബൽ ടാലന്റ് വിഭാഗത്തിലാണ് ഓസ്‌ട്രേലിയൻ ഗവൺമെന്റ് മേതിൽ ദേവികയ്ക്ക് പെർമനന്റ് റെസിഡൻ്റ് സ്റ്റാറ്റസ് അനുവദിച്ചത്.

‘‘ഗ്ലോബൽ ടാലന്റ് വിഭാഗത്തിൽ ഓസ്‌ട്രേലിയൻ ഗവൺമെന്റ് എനിക്ക് പെർമനന്റ് റെസിഡന്റ് സ്റ്റാറ്റസ് അനുവദിച്ച വിവരം നിങ്ങളെ അറിയിക്കുന്നതിൽ എനിക്ക് സന്തോഷമുണ്ട്. ആഗോളതലത്തിൽ ഒരാളുടെ പ്രവർത്തന മികവിനുള്ള അംഗീകാരമെന്ന നിലയിൽ മികച്ച പ്രതിഭ വിഭാഗത്തിലാണ് നേടാൻ ഏറെ ബുദ്ധിമുട്ടുള്ള ഈ പ്രിവിലേജ് വിസ എനിക്ക് അനുവദിച്ചിരിക്കുന്നത്. ഇപ്പോൾ ഞാനും എന്റെ മകനും ഓസ്‌ട്രേലിയയിലെ സ്ഥിര താമസക്കാരാകാനുള്ള അർഹത നേടിയിരിക്കുന്നു.’’ എന്നായിരുന്നു മേതിൽ ദേവിക പറഞ്ഞത്.,

അതേസമയം മുകേഷുമായുള്ള വിവാഹമോചനവാർത്തയെകുറിച്ച് കൂടുതൽ ഒന്നും ദേവികയോ മുകേഷോ തുറന്നുപറഞ്ഞിരുന്നില്ല. എന്നാൽ അടുത്തിടെ ചിത്രത്തിന്റെ റിലീസ് സമയത്താണ് ഇപ്പോഴും തങ്ങളുടെ സ്വപ്നഭവനമായ മാധവത്തിൽ മുകേഷ് വരാറുണ്ട് എന്ന് ദേവിക പറഞ്ഞത്.

മാധവം വീട്ടിൽ അദ്ദേഹം വരാറുണ്ട്. അത് ആർട്ട് ഹൗസാണ്. എന്റെ സ്റ്റുഡന്റ്സും അവിടെ വന്ന് താമസിക്കാറുണ്ട്. ഭാര്യയെന്ന നിലയിലുള്ള സ്ഥാനം ഒഴിഞ്ഞു. പിന്നെ ദേഷ്യം കാണിക്കേണ്ട കാര്യമില്ല എന്ന പക്വതയോടെയുള്ള മറുപടി ആയിരുന്നു ദേവിക നൽകിയതും. അതേസമയം ഓസ്‌ട്രേലിയയിൽ സ്ഥിര താമസമാക്കിയതോടെ മാധവം ആർക്കാണ്, ഇത്രയും ഭംഗിയേറിയ ഇടം വിട്ടു ദേവിക പോവുകയാണോ എന്നൊക്കെയുള്ള ചോദ്യങ്ങളാണ് ആണ് വീണ്ടും സോഷ്യൽ മീഡിയയിൽ നിറഞ്ഞത്.

2013 ലാണ് മേതിൽ ദേവികയും മുകേഷും വിവാഹിതരായത്. 2021 ൽ ഇവർ പിരിഞ്ഞു. ഇരുവരുടെയും രണ്ടാം വിവാഹമായിരുന്നു. നടി സരിതയായിരുന്നു മുകേഷിന്റെ ആദ്യ ഭാര്യ.

മേതിൽ ദേവികയുടെ ആദ്യ ഭർത്താവ് രാജീവ് നായർ ആയിരുന്നു. 2004ലായിരുന്നു രാജീവ്‌ നായരുമായുള്ള താരത്തിന്റെ വിവാഹം നടന്നത്. ഇരുവർക്കും ദേവാഗ് രഞ്ജീവ്‌ എന്നു പേരുള്ള ഒരു മകനുമുണ്ട്. പിന്നീട് രാജീവുമായുള്ള ബന്ധം വേർപെടുത്തിയ ശേഷം ആയിരുന്നു മുകേഷുമായുള്ള വിവാഹം നടന്നത്.

@All rights reserved Typical Malayali.