സന്യസിക്കാൻ ആഗ്രഹം പറഞ്ഞ ലാലേട്ടൻ! എന്റെ ഭാര്യയും ആന്റണിയും ഒരുമിച്ചാണ് ജീവിതത്തിലേക്ക് എത്തിയത്; വൈറലായി വീഡിയോസ്

വര്ഷങ്ങളായി ലാലേട്ടന്റെ പേരിനൊപ്പം ചേർത്ത് വയ്ക്കുന്ന പേരാണ് ആന്റണി പെരുമ്പാവൂരിന്റെത്. ലാലേട്ടന്റെ സന്തത സഹചാരി കൂടിയായ അദ്ദേഹം മോഹൻലാലിന്റെ തുടക്കകാലം മുതല്ക്ക് ഒപ്പം തന്നെ ഉണ്ടായിരുന്നു. ആനറണിയുടെ വാക്കുകൾ തന്നെ കടമെടുത്താൽ “ജീവന്റേയും ജീവിതത്തിന്റെയും ഭാഗമായ ലാൽ സാർ” , എന്നാണ് അദ്ദേഹം പറയാറുള്ളത്.

ലാലേട്ടന്റെ നിഴലായി ആന്റണി
അക്ഷരാർത്ഥത്തിൽ അത് ശരി തന്നെയാണ് വര്ഷങ്ങളായി ലാലേട്ടന്റെ നിഴലാണ് ആന്റണി. ഇപ്പോഴിതാ ഒരിക്കൽ ലാലേട്ടൻ ആന്റണിയെക്കുറിച്ച് പറഞ്ഞ വാക്കുകൾ ആണ് വൈറലായി മാറുന്നത്. തന്റെ ജീവിതത്തിലേക്ക് ഭാര്യയും ആന്റണിയും ഒരുമിച്ചാണ് എത്തുന്നത് എന്നാണ് ലാലിന് പറയാനുള്ളത്. തുടക്കം ആണ് സിനിമയിൽ എന്റെ കാറിനു അങ്ങനെ പ്രത്യകം ഡ്രൈവറെ ഒന്നും വച്ചിട്ടില്ല. ആ സമയത്താണ് ഞാൻ ആന്റണിയെ ആദ്യമായി കാണുന്നത്. നമ്മുടെ ജീവിതത്തിലേക്ക് ചിലർ വരുമ്പോൾ നമ്മുടേത് എന്ന ഒരു തോന്നൽ ഉണ്ടാകില്ലേ ആ തോന്നൽ ആണ് ആന്റണിയെ കണ്ടപ്പോൾ തനിക്ക് ഉണ്ടായതെന്നും ലാൽ അമൃത ടിവി ഷോയിൽ പങ്കെടുക്കവെ പറഞ്ഞു.

അപ്രതീക്ഷിതമായി സംഭവിച്ചതാണ്. മൂന്നാം മുറയുടെ ഷൂട്ടിങ് സമയത്താണ് ഞാൻ ആന്റണിയെ കാണുന്നത്. ചിലരെ കാണുമ്പൊൾ നമുക്ക് താത്പര്യം തോന്നില്ലേ. അങ്ങനെ ഒരു താത്പര്യം എനിക്ക് ആന്റണിയോട് തോന്നി. അന്ന് എനിക്ക് ഒരു കാർ ഉണ്ട്. പക്ഷെ പേഴ്സണൽ ഡ്രൈവർ ഒന്നുമില്ല. അങ്ങനെ ഞാൻ വിളിച്ചു. അപ്പോൾ ആന്റണി സമ്മതിച്ചു. ആ സമയത്തായിരുന്നു എന്റെ വിവാഹം നടക്കുന്നത്. അങ്ങനെ വിവാഹവും കഴിഞ്ഞു, ആന്റണിയും ജീവിതത്തിലേക്ക് വന്നു. എന്റെ ഭാര്യയും ആന്റണിയും ഒരുമിച്ചാണ് വരുന്നത്- ലാലേട്ടൻ പറയുന്നു.

അദ്ദേഹത്തിന്റെ കൂടെ ഉണ്ടാകും

ഷൂട്ടിങ്ങിൽ കേറിയാൽ ലാൽ സാർ എപ്പോഴും തിരക്കിലാണ്. അപ്പോൾ അദ്ദേഹത്തിന്റെ പുറകിൽ ഇങ്ങനെ നിൽക്കണം, അത് ഓർമ്മപെടുത്തണം എന്നാൽ മാത്രമേ അദ്ദേഹം അത് ചെയ്യൂ. സ്വന്തം കാര്യങ്ങൾക്ക് ആണ് കുറച്ചു പ്രയോറിറ്റി കൊടുക്കുന്നത്. രാവിലെ എഴുന്നേൽക്കാൻ വിളിച്ചെഴുന്നേൽപ്പിക്കണം. നമ്മൾ പറഞ്ഞാൽ അത് പോലെ കേൾക്കുന്ന ആളാണ് ലാൽ സാർ. ഭക്ഷണം വേണ്ട എന്നുപറഞ്ഞാൽ പോലും എടുത്തു വക്കും. എപ്പോൾ സാർ വേണം എന്ന് പറഞ്ഞാലും കൊടുക്കാൻ വേണ്ടിയാണ്-
കണ്ടാൽ ബോളിവുഡ് ലുക്ക്, ഈ താരപുത്രനെ അറിയുമോ?

ആ ബലമാണ് അവിടെ എത്തിച്ചത്
നരസിംഹം ആണ് ആദ്യമായി പ്രൊഡ്യൂസ് ചെയ്യുന്നത്. ലാൽ സാർ പറഞ്ഞിട്ട് എടുത്തതാണ്. അല്ലാതെ എടുക്കാൻ വേണ്ടി എടുത്തതല്ല. സാർ നമ്മുടെ പിറകിൽ ഉണ്ട് എന്ന ബലം കൊണ്ടുമാത്രം ഞാൻ ഈ ഫീൽഡിലേക്ക് വന്നത്. ഇപ്പോഴും സാർ ഉണ്ട് എന്ന ബലത്തിലാണ് പ്രൊഡ്യൂസ് ചെയ്യുന്നത്. ശരിക്കും പറഞ്ഞാൽ ലാൽ സാറിനെ വച്ച് മാത്രം സിനിമ ചെയ്ത ആളാണ് ഞാൻ. മറ്റുള്ള ആളുകളെ സഹായിക്കുന്നത് ആരും അറിയരുത് എന്ന് ആഗ്രഹിക്കുന്ന ഒരാൾ ആണ് ലാൽ സാർ. അതുകൊണ്ടുതന്നെ എനിക്ക് വലിയ ആരാധന തോന്നിയിരുന്നു സാറിന്റെ ഈ സ്വഭാവം കാണുമ്പൊൾ- ആന്റണി വാചാലനായി.

സന്യാസവും ഇഷ്ടപെടുന്ന ലാൽ

അതേസമയം മോഹന്ലാലിന് ആത്മീയ കാര്യത്തെക്കുറിച്ചുള്ള അഭിപ്രായമാണ് സംവിധായകൻ ആർ സുകുമാരൻ പറഞ്ഞത്. അദ്ദേഹത്തിന്റെ വാക്കുകളും ഇപ്പോൾ സോഷ്യൽ മീഡിയയിൽ വൈറലാണ്. പാദമുദ്രയുടെ സമയത്ത് തനിക്ക് സന്യസിക്കാൻ പോകാൻ ആഗ്രഹമുണ്ടെന്ന് ലാലേട്ടൻ പറഞ്ഞതായിട്ടാണ് സുകുമാരൻ പറഞ്ഞത്. ഞാൻ ഭാവിയിൽ ഒരു സന്യാസി ആകും എന്നാണ് ലാൽ എന്നോട് പറയുന്നത്. ആളുടെ മകൻ ഇപ്പോൾ സന്യാസിയെ പോലെ ആയെന്നും സുകുമാരൻ പറഞ്ഞ വീഡിയോയും ഇപ്പോൾ ശ്രദ്ധേയമാണ്.

@All rights reserved Typical Malayali.