ഞാൻ എന്തെങ്കിലും പറയുമ്പോൾ അതും വളച്ചു ഓടിക്കരുത് – സത്യം ഉൾക്കൊള്ളുക – മമ്മൂട്ടിയുടെ കിടിലൻ മറുപടി

നാക്കുപിഴച്ചാൽ കുടുക്കരുത്’! മുഖ്യമന്ത്രി പിണറായി വിജയനൊപ്പം സെൽഫി എടുത്ത് ഇന്ത്യൻ സിനിമയുടെ ഇതിഹാസങ്ങളും; കളറായി കേരളീയം.കേരളം ഇതുവരെ കൈവരിച്ച പുരോഗതി ലോകത്തോടു വിളിച്ചു പറയുക എന്ന ലക്ഷ്യത്തോടെയാണ് കേരളീയം പരിപാടി സംഘടിപ്പിക്കുന്നത്. രാഷ്ട്രീയത്തിലേക്ക് പ്രവേശിക്കുമ്പോൾ മുഖ്യമന്ത്രിയോട് ഉപദേശം തേടിയിരുന്നു എന്നാണ് കമലഹാസൻ വേദിയിൽ സംസാരിച്ചത്. കമൽഹാസനും മമ്മൂട്ടിയും മോഹൻലാലും ഒന്നിച്ചുള്ള അപൂർവ ഫോട്ടോ എന്ന പ്രത്യേകതയാണ് ഈ ചിത്രങ്ങൾക്ക് ഉള്ളത്. താരരാജാക്കന്മാരുടെ ഫാൻ ഗ്രൂപ്പുകൾ ഇതിനോടകം തന്നെ ഈ ചിത്രങ്ങൾ ഏറ്റെടുത്തു കഴിഞ്ഞു.കേരളം ഇന്ന് അറുപത്തിയേഴാം കേരളപ്പിറവി ആഘോഷിക്കുകയാണ്. അതിനേക്കാൾ മലയാള സിനിമാ പ്രേമികൾക്ക് ആഹ്ലാദവും സന്തോഷവും ഉണർത്തുന്ന ഒരു ചിത്രമാണ് ഇപ്പോൾ സമൂഹമാധ്യമങ്ങളിൽ വൈറൽ ആവുന്നത്. കേരളപ്പിറവി ദിനത്തിൽ സിനിമാ ആസ്വാദകരെ സംബന്ധിച്ച് സമ്മാനമായി ലഭിച്ച അത്യപൂർവ ഫോട്ടോ. ഇന്ത്യൻ സിനിമയുടെ ഇതിഹാസങ്ങളായ കമൽഹാസനും മമ്മൂട്ടിയും മോഹൻലാലും ഒന്നിച്ചുള്ള അപൂർവ ഫോട്ടോയാണ് സമൂഹമാധ്യമങ്ങളിൽ തരംഗമാകുന്നത്. കേരളീയത്തനിമയിൽ മുണ്ടും ഷർട്ടും ധരിച്ചാണ് മൂവരും ഒരുമിച്ച് പ്രത്യക്ഷപെട്ടിരിക്കുന്നത്. കേരള സർക്കാരിന്റെ കേരളീയം മഹോത്സവത്തിൽ പങ്കെടുക്കാൻ എത്തിയതായിരുന്നു താരരാജാക്കന്മാർ ഒന്നിച്ച്. ഇവരെക്കൂടാതെ ഇതിഹാസ താരം ശോഭന കൂടി ഈ ചടങ്ങിൽ ഉണ്ടായിരുന്നു എന്നതാണ് മറ്റൊരു പ്രത്യേകത. മുഖ്യമന്ത്രി പിണറായി വിജയന്‍ കേരളീയം വാരാഘോഷം ഉദ്ഘാടനം ചെയ്തു. കമല്‍ ഹാസന്‍, മമ്മൂട്ടി, മോഹന്‍ലാല്‍, ശോഭന എന്നിവരും വ്യവസായികളായ എംഎ യൂസഫലി, രവി പിള്ള എന്നിവരും ദീപം തെളിയിച്ചു.

മലയാളിയായതിലും കേരളത്തിൽ ജനിച്ചതിലും താൻ അഭിമാനിക്കുന്നുവെന്നും മോഹൻലാൽ പറഞ്ഞു. “മലയാള സിനിമാരംഗം ഭൂമി ശാസ്ത്രപരവും ഭാഷപരവുമായ അതിർത്തികൾ കടന്ന് മുന്നേറുകയാണ്. പാൻ ഇന്ത്യൻ മലയാള സിനിമകൾ ഇനിയുമുണ്ടാകേണ്ടതുണ്ട്. പ്രേക്ഷക ബന്ധത്തെ ശക്തിപ്പെടുത്താനുള്ള ഇതിനുവേണ്ടി ഫിലിം ഫെഡറേഷൻ മുൻകൈ എടുക്കും. കേരളീയം ഉദ്ഘാടന വേദിയിൽ ഇടം നൽകിയതിന് മുഖ്യമന്ത്രിയോടും മറ്റു ബന്ധപ്പെട്ടവരോടും നന്ദി ഉണ്ട്. തിരുവനന്തപുരം എന്റെ കൂടി നഗരമാണ്, ഇത്രത്തോളം എനിക്ക് പരിചയമുള്ള നഗരം വേറെയില്ല” – മോഹൻലാൽ പറഞ്ഞു. കേരളീയം പരിപാടിയുടെ അംബാസിഡർമാരായ മോഹൻലാൽ, മമ്മൂട്ടി, കമൽ ഹാസൻ, ശോഭന എന്നിവർ മുഖ്യമന്ത്രി പിണറായി വിജയനൊപ്പം സെൽഫിയെടുത്തു.”എഴുതിത്തയ്യാറാക്കിയ പ്രസംഗമൊന്നും കയ്യിൽ ഇല്ല. എന്തെങ്കിലും വാക്കുപിഴ സംഭവിച്ചാൽ നമ്മളെ കുടുക്കരുത്. അതുകൊണ്ട് നേരത്തേ തന്നെ മാപ്പ് പറയുന്നു. എന്റെ അടുത്തിരുന്നയാൾ സ്പീക്കറാണ്. അദ്ദേഹത്തിന് പിഴച്ചാൽ രേഖങ്ങളിൽ നിന്ന് നീക്കം ചെയ്താൽ മതി പക്ഷെ നമുക്ക് ഒക്കെ നാക്ക്‌ പിഴച്ചാൽ പിഴച്ചത് തന്നെയാണ്. കേരളീയം കേരള ചരിത്രത്തിലെ മഹാസംഭവമായിത്തീരട്ടെ. ലോകത്തിന് തന്നെ നമ്മൾ മാതൃകയാവണം. രാഷ്ട്രീയം, മതം, ജാതി, ചിന്ത എന്നിവയൊക്കെ നമുക്കൊക്കെ വേറിട്ടതാണെങ്കിലും എല്ലാവർക്കുമുണ്ടാകുന്ന വികാരം നമ്മളൊക്കെ കേരളീയരാണെന്നും മലയാളികളാണെന്നതുമാകണം. നമ്മൾ ഒന്നാണെന്നും നമ്മളെ നോക്കിപ്പഠിക്കൂവെന്നും ഈ ലോകത്തോട് നാം പറയണം. നമ്മൾ ഒന്നായി സ്വപ്‌നം കണ്ടതാണ് ഇന്നത്തെ കേരളം. ലോകം ആദരിക്കുന്ന ജനതയായി കേരളം മാറട്ടെയെന്ന് ആശംസിക്കുന്നു” എന്നാണ് മമ്മൂട്ടി വേദിയിൽ സംസാരിച്ചത്.

@All rights reserved Typical Malayali.