അമ്മയ്ക്ക് സംഭവിച്ചത്!, സംസാരിക്കാൻ ഒക്കെയാകും സുചിത്ര ഒപ്പമുണ്ട്; പ്രണവും കൂടെ ഉണ്ടായിരുന്നു; ഓണത്തിനും പതിവ് തെറ്റില്ല!

അമ്മയോടുള്ള തന്റെ ഇഷ്ടത്തെക്കുറിച്ച് പലകുറി മോഹൻലാൽ പറഞ്ഞിട്ടുണ്ട്. അച്ഛനെയും ജ്യേഷ്ഠനേയും നഷ്ടമായ മോഹൻലാലിന് ഇന്ന് അമ്മ മാത്രമാണ് ഉള്ളത്. അമ്മയുടെ എല്ലാ പിറന്നാളും മകൻ എന്ന നിലയിൽ ലാൽ ആഘോഷം ആക്കാറുണ്ടായിരുന്നു. ഒരു ഓണം പോലും വിടാതെ കഴിവതും അമ്മയ്ക്ക് ഒപ്പമായിരുന്നു മോഹൻലാൽ ആഘോഷിച്ചിരുന്നത്. അടുത്തിടെ ആയിരുന്നു അമ്മയുടെ പിറന്നാൾ ആഘോഷം. ഏറെക്കാലമായി ആരോഗ്യപരമായ ബുദ്ധിമുട്ടുകൾ കാരണം ചികിത്സയിൽ ആണ് ലാലേട്ടന്റെ അമ്മ ശാന്തകുമാരി. ചെന്നൈയിൽ സ്ഥിരതാമസം ആണ് ലാലേട്ടനും സുചിത്രയും എങ്കിലും കൊച്ചിയിലേക്ക് ആവശ്യം ഉള്ളപ്പോൾ ഒക്കെയും ഇരുവരും എത്താറുണ്ട്.

ഒരു സമയം വരെയും അമ്മയ്ക്ക് ഒപ്പം തന്നെ ആയിരുന്നു സുചിത്ര. ഇപ്പോഴും മരുമകൾ ആയിട്ടല്ല മകൾ ആയി തന്നെ സുചിത്ര ഒപ്പം തന്നെയുണ്ട്. ഇരുവരും അമ്മയുടെ ഇത്തവണത്തെ പിറന്നാൾ ആഘോഷം ആക്കി. കുറച്ചുദിവസങ്ങൾക്ക് മുൻപേ ആയിരുന്നു അമ്മയുടെ പിറന്നാൾ. ഫാൻസ്‌ പേജുകളിലൂടെ വിശേഷങ്ങൾ നിറഞ്ഞിരുന്നു എങ്കിലും ഏറെ നാളുകൾക്ക് ശേഷം അമ്മയുടെ ഒരു ചിത്രം ആദ്ദ്യമായിട്ടാണ് കുടുംബം പുറത്തുവിട്ടത്. സുഹൃത്തുകൾക്ക് ഒപ്പവും അമ്മയ്ക്ക് ഒപ്പവും ഉള്ള ചിത്രമാണ് സോഷ്യൽ മീഡിയയയിൽ നിറയുന്നത്. അതേസമയം അച്ഛമ്മയുടെ പിറന്നാൾ കൂടാൻ പ്രണവും എത്തി എന്നാണ് പുത്തൻ ചിത്രങ്ങൾ നൽകുന്ന സൂചന. സൂപ്പർ സ്റ്റാർ സിംഗർ വിജയി ആവിർഭവ് ലാലേട്ടന്റെ അമ്മയ്ക്ക് മുൻപിൽ പാടുന്ന വീഡിയോ ഇപ്പോൾ സമൂഹ മാധ്യമങ്ങളിൽ നിറയുന്നുണ്ട്. കൊച്ചുഗായകന്റെ പാട്ട് അമ്മ ആസ്വദിക്കുന്നതും കാണാം. അന്നേ ദിവസം തന്നെ ആണ് പ്രണവന് ഒപ്പമുള്ള ചിത്രവും ആവിർഭവ് പങ്കിട്ടത്.

അമ്മയുടെ ആരോഗ്യ സ്ഥിതിയെ കുറച്ചൊരിക്കൽ ലാൽ മനസ്സ് തുറന്നിരുന്നു. സ്ട്രോക്ക് ആണ് അമ്മയുടെ ആരോഗ്യ നല്ല വഷളാക്കിയത്. അതിനുശേഷം കൊച്ചയിലെ വീട്ടിൽ ആണ് ലാലേട്ടന്റെ അമ്മയുള്ളത്.

അമ്മ സംസാരിക്കും എന്നാൽ ക്ലാരിറ്റി കുറവാണ്. എങ്കിലും അമ്മ സംസാരിക്കുന്നത് നമ്മൾക്ക് മനസിലാകും. സംസാരിച്ചുകൊണ്ടിരുന്ന സമയത്ത് പെട്ടന്നാണ് അമ്മയ്ക്ക് വയ്യാതെയായത് എന്നാണ് ഒരിക്കൽ ജോൺ ബ്രിട്ടാസിനോട് സംസാരിക്കവെ ലാലേട്ടൻ പറഞ്ഞത്.

ആരോഗ്യത്തോടെ കുട ചൂടി നടന്നും ബസ് കയറിയും ഒക്കെ യാത്ര ചെയ്യുന്ന അമ്മമാരെ കാണുമ്പോൾ ഒക്കെയും എന്റെ അമ്മയും ഇങ്ങനെ ഇരിക്കേണ്ട ആളായിരുന്നുവെന്ന് ഓർക്കാറുണ്ടെന്നും- മോഹൻലാൽ പറഞ്ഞു.

“ലാലു വീട്ടിലും നല്ല കുസൃതി ആണ്. കട്ടിലിൽ കിടന്നു മറിയുകയും ചാടുകയും ഒക്കെ ചെയ്യും. മുറ്റത്തൊക്കെ ഓടും, മരത്തിലൊക്കെ കയറും. കുതിരപ്പുറത്ത് പോകുവാണ് എന്ന് സങ്കല്പിച്ചുകൊണ്ട് ഇറങ്ങി ഓടും റോഡിലേക്ക്. ചെറുപ്പത്തിൽ ഇതൊക്കെ ആയിരുന്നു പരിപാടികൾ. പോയപോലെ കുതിരപ്പുറത്ത് തിരിച്ചുവരും. ഭ്രമങ്ങൾ എന്ന് പറയാനുള്ളത് കൂടുതലും ഡ്രെസുകളോട് ആണ്. ഒരുപാട് ഡ്രെസുകൾ വാങ്ങാൻ ഇഷ്ടമാണ്.

എനിക്ക് സിനിമയിൽ ഒന്നും അധികം സുഹൃത്തുക്കൾ ഒന്നും ഇല്ല. ഓണം ഒക്കെ ആയാൽ പണ്ടൊക്കെ പൂജപ്പുര മണ്ഡലത്തിൽ ആണ് ലാലു. ഇപ്പോഴും എന്നെ കാണാൻ വരുമ്പോൾ എന്നോട് എല്ലാ ആളുകളെ കുറിച്ചും ചോദിക്കും. മോഡൽ സ്‌കൂളിൽ ആണ് പഠിച്ചത്. പഠിക്കാൻ ആവറേജ് ആയിരുന്നു. ട്യൂഷനൊക്കെ ഉണ്ടായിരുന്നു ലാലുവിന്. ഒരുപാട് നിർബന്ധിച്ച് പഠിപ്പിക്കേണ്ടി ഒന്നും വന്നിട്ടില്ല. ഒരു കാര്യം പറഞ്ഞുകൊടുത്താൽ മനസിലാവുന്ന കൂട്ടത്തിലുള്ള ആളാണ്-ശാന്തകുമാരി വാചാലയായി.

@All rights reserved Typical Malayali.