അന്ന് കുറേപേര്‍ മോശം പറഞ്ഞു! വേദനാജനകമായ കാര്യമാണ്! ഇപ്പോള്‍ അത് മൈന്‍ഡ് ചെയ്യാറില്ലെന്നും നവ്യ നായര്‍
സിബി മലയില്‍ ചിത്രമായ ഇഷ്ടത്തിലൂടെയാണ് നവ്യ നായരുടെ അഭിനയ ജീവിതം ആരംഭിക്കുന്നത്. ആദ്യ ചിത്രം ശ്രദ്ധേയമായതോടെ നിരവധി മികച്ച അവസരങ്ങളായിരുന്നു നവ്യയെ തേടിയെത്തിയത്. മുന്‍നിര സംവിധായര്‍ക്കും താരങ്ങളുടെ കൂടെയുമെല്ലാം നവ്യ വര്‍ക്ക് ചെയ്തിരുന്നു. സന്തോഷ് മേനോനുമായുള്ള വിവാഹത്തെ തുടര്‍ന്നായിരുന്നു നവ്യ സിനിമയില്‍ നിന്നും മാറിയത്. ഏഴ് വര്‍ഷത്തിന് ശേഷമായി വീണ്ടും അഭിനയത്തില്‍ സജീവമായിരിക്കുകയാണ് നവ്യ. വ്യക്തി ജീവിതത്തിലെ കാര്യങ്ങളെക്കുറിച്ച് പറഞ്ഞുള്ള നവ്യയുടെ വീഡിയോ വൈറലായിരിക്കുകയാണ്. ക്യുആന്‍ഡ്എയിലൂടെയായി പ്രേക്ഷകരുടെ ചോദ്യങ്ങള്‍ക്ക് മറുപടി നല്‍കുകയായിരുന്നു നവ്യ.
സ്വയം സ്‌നേഹിക്കണമെന്നും പ്രൈയോറൈറ്റിസ് ചെയ്യണമെന്നും ഫീല്‍ ചെയ്ത നിമിഷത്തെക്കുറിച്ച് ചോദിച്ചാല്‍ വിവാഹ ശേഷമാണ് അതെനിക്ക് മനസിലായത്. എന്റെ അനുഭവത്തില്‍ നിന്നാണ് ഞാന്‍ ഇത് പറയുന്നത്. എനിക്ക് എന്റെ അനുഭവത്തിലൂടെയേ ജീവിതത്തെ നോക്കി കാണാനാവൂ. ആരേയും വിലയിരുത്താതിരിക്കുക. അവര്‍ ഏതൊക്കെ സിറ്റുവേഷന്‍ കടന്ന് വന്നവരാണെന്ന് നമുക്കറിയില്ലല്ലോ. ഒരാളെക്കുറിച്ച് വ്യക്തമായി അറിയാതെ വിമര്‍ശിക്കരുത്.
എനിക്കെതിരെ ഒരു ന്യൂസ് വന്നിരുന്നു ഇടയ്ക്ക്. ഇഡി കേസ് എന്നൊക്കെ പറഞ്ഞ്. അത് വന്ന സമയത്ത് കുറേപേര്‍ എന്റെ പഴയ അഭിമുഖങ്ങളൊക്കെ എടുത്ത് ഞാന്‍ ഭയങ്കര തോട്ട് പ്രവോക്കിംഗ് ആണെന്നൊക്കെ പറഞ്ഞിരുന്നു. എനിക്ക് അതൊരു വലിയ അത്ഭുതമായിരുന്നു. ഇത്രയും ആള്‍ക്കാര്‍ക്ക് എന്നെ ഇഷ്ടമാണോ എന്ന് വിചാരിച്ചു. അതേ സമയം തന്നെ എന്നെക്കുറിച്ചും വീട്ടിലുള്ളവരെക്കുറിച്ചും മോശമായി എഴുതിയവരുമുണ്ടായിരുന്നു. ഇത്രയും വര്‍ഷമായിട്ട് സിനിമയിലുള്ള ആളല്ലേ ഞാന്‍ അതൊക്കെ അവര്‍ മറന്നു. മറ്റാര്‍ക്കോ വേണ്ടിയല്ല, എനിക്ക് വേണ്ടി ജീവിക്കണം എന്ന് ശരിക്കും മനസിലാക്കി തന്ന സംഭവം കൂടിയായിരുന്നു അത്.
ആരെങ്കിലും എന്തെങ്കിലും വിചാരിക്കുമോ എന്ന് മുന്‍പ് ഞാന്‍ ചോദിക്കാറുണ്ടായിരുന്നു. ആള്‍ക്കാര്‍ എന്നെക്കുറിച്ച് വിചാരിച്ച് വെച്ചിരിക്കുന്ന ഇമേജ് ഞാന്‍ ബ്രേക്ക് ചെയ്തിട്ട് എന്തിനാണ് പ്രശ്‌നം ഉണ്ടാക്കുന്നതെന്ന് ചിന്തിക്കാറുണ്ടായിരുന്നു. അതിലൊന്നും പ്രത്യേകിച്ചൊരു കാര്യവുമില്ലെന്ന് അന്ന് മനസിലായതാണ്. നമ്മള്‍ സ്വയം സ്‌നേഹിച്ചില്ലെങ്കില്‍ കൂടെ ആരുമുണ്ടാവില്ലെന്ന് മനസിലായി.
സൈബര്‍ അറ്റാക്കിനെക്കുറിച്ചും നവ്യ സംസാരിച്ചിരുന്നു. വേദനാജനകമാണ് അത്. നടക്കുമ്പോള്‍ സാരിയൊന്ന് മാറിപ്പോയി, അല്ലെങ്കില്‍ സ്ലീവ്‌ലെസ് ഉടുപ്പിട്ടു. അതേക്കുറിച്ച് എന്തൊക്കെയാണ് പറയുന്നത്. മുന്‍പൊരിക്കല്‍ മകനൊപ്പം ബാലിയില്‍ പോയിരുന്നു. അന്നൊരു സ്‌റ്റോറി ഇട്ടപ്പോള്‍ കുറേപേര്‍ മോശം പറഞ്ഞു. പറയുന്നവര്‍ക്ക് എന്തെങ്കിലും കാര്യം കിട്ടുന്നുണ്ടെങ്കില്‍ കിട്ടട്ടെ എന്ന് ഞാന്‍ കരുതി. എന്തിനെ എങ്ങനെയാണ് വളച്ചൊടിക്കുന്നതെന്ന് പറയാന്‍ പറ്റാത്ത അവസ്ഥയാണ്.
അങ്ങനെ വലിയ പരിപാടികളൊന്നും ചെയ്യാറില്ല, അതാണ് എന്റെ ബ്യൂട്ടി സീക്രട്ട്. സന്തോഷമായിട്ട് ഇരിക്കുക, നന്നായി ഉറങ്ങുക, നന്നായി വ്യായാമം ചെയ്യുക. ആവശ്യത്തിന് ഭക്ഷണം കഴിക്കുക. നല്ലത് ചിന്തിക്കുക, നമ്മുടെ ഉള്ളിലെ സൗന്ദര്യം എന്തായാലും പുറത്തുവരും. എത്ര സൗന്ദര്യമുള്ള ആളായാലും പെരുമാറ്റം ശരിയല്ലെങ്കില്‍ എന്ത് മോശമാണെന്ന് നമ്മള്‍ പറയും.
@All rights reserved Typical Malayali.
Leave a Comment