അവൻ ചുണക്കുട്ടി ഞങ്ങൾ വളർത്തിയതുകൊണ്ടാണ് അവന് നയൻസിനെ കിട്ടിയത് മകനെയും മരുമകളെയും വാനോളം പുകഴ്ത്തി അമ്മ

അവൻ ചുണക്കുട്ടി ഞങ്ങൾ വളർത്തിയതുകൊണ്ടാണ് അവന് നയൻസിനെ കിട്ടിയത് മകനെയും മരുമകളെയും വാനോളം പുകഴ്ത്തി അമ്മ.വീട്ടിലെ പണിക്കാരിയുടെ അവസ്ഥ കേട്ട് നയൻതാര എടുത്തു നൽകിയത് നാല് ലക്ഷം. ഒരിക്കൽ നയൻസിന്റെ അമ്മ വീട്ടിൽ വന്നപ്പോൾ ജോലിക്കാരിക്ക് നൽകിയത് രണ്ടുവള. പണം മാത്രം ഉണ്ടായാൽ പോരാ അതിനുള്ള മനസ്സ് ഉണ്ടാകണമെന്ന് വിഘ്‌നേഷിന്റെ അമ്മ.നയൻതാരയെയും മകനെയും കുറിച്ച് വിഘ്‌നേശ് ശിവന്റെ അമ്മ പറഞ്ഞ വാക്കുകൾ ഏറ്റെടുത്ത് സോഷ്യൽ മീഡിയ. മരുമകളുടെ നല്ല മനസ്സിനെക്കുറിച്ചും, മകനെ തങ്ങൾ വളർത്തിയ രീതിയെ കുറിച്ചുമാണ് വിഘ്‌നേഷിന്റെ അമ്മ വാചാലയാകുന്നത്. തന്റെ മകനെ ഞങ്ങൾ വളർത്തിയ രീതികൊണ്ടാണ് നയൻസിനെ പോലെയുള്ള ഒരു ഭാര്യയെ അവനു കിട്ടിയത് എന്നും മീനാ കുമാരി പറയുന്നു. മകനെക്കുറിച്ച് പലരും നല്ലത് പറയുന്നത് കേട്ടാണ് നയൻതാര മകനെ പ്രണയിക്കാൻ തുടങ്ങിയതെന്നും അവർ കൂട്ടിച്ചേർത്തു. ഇവരുടെ വീഡിയോ ഇപ്പോൾ സമൂഹമാധ്യമങ്ങളിൽ വൈറലാണ്. ദൈവം സഹായിച്ചു എന്റെ മകൻ ഇന്നൊരു സംവിധയകനാണ് മരുമകൾ നല്ലൊരു നടിയും. എന്നിട്ടും അവർക്ക് കിട്ടുന്ന നല്ല സമയം ഞങ്ങൾക്കൊപ്പം ചിലവിടാൻ ശ്രമിക്കാറുണ്ട്.
കല്യാണം കഴിഞ്ഞു പത്തുവര്ഷത്തിനു ശേഷമാണ് എന്നെ എന്റെ ഭർത്താവ് ഒരു സിനിമയ്ക്ക് കൊണ്ട് പോയത്. വീടിനുവെളിയിൽ പോലും അങ്ങനെ പോകാറുണ്ടായിരുന്നില്ല. സീരിയലോ സിനിമയോ കാണാറില്ലായിരുന്നു. കാരണം ആ സമയം കൂടി ജീവിതത്തിനായി വിനിയോഗിക്കുകയായിരുന്നു ഞങ്ങൾ- അമ്മ പറയുന്നു.

അവൻ വലിയ ഗിഫ്റ്റ്.ഭർത്താവും ഞാനും ഒരുപാട് കഷ്ടപ്പെട്ടാണ് ജീവിതം മുൻപോട്ട് കൊണ്ടുപോയിരുന്നത്. ആ സമയത്ത് തന്നെ മകൻ മിടുക്കൻ ആയിരുന്നു. റാങ്ക് എടുത്തു ആണ് അവൻ പഠിച്ചത്. പേരും പ്രശസ്തിയും അന്നേ നേടി. ഈ മോൻ ഒരു വലിയ ഗിഫ്റ്റ് ആണെന്ന് അന്നേ അവന്റെ അധ്യാപകർ പറഞ്ഞിട്ടുണ്ട്. ഗോൾഡ് അവാർഡൊക്കെയും അവൻ നേടിയെടുത്തിരുന്നു. മോനും മോളും നല്ല രീതിയിൽ എത്താൻ കാരണം ഞങ്ങളുടെ കഷ്ടപ്പാടാണ്. സത്യസന്ധനാണ് അവൻ- അമ്മ വാചാലയാകുന്നു.രണ്ടുപേരെയും ഒരുപോലെ.ചെറുപ്പം മുതലേ പെൺകുട്ടികളെ എല്ലാം പറഞ്ഞു പഠിപ്പിക്കണമെന്ന് പറയാറില്ലേ നിങ്ങളുടെ വീട്ടിൽ എങ്ങനെ ആയിരുന്നു എന്ന് അവതാരകൻ ചോദിക്കുമ്പോൾ. എനിക്ക് ഒരു ആണും ഒരു പെണ്ണും ഉള്ളത്. അവർ തമ്മിൽ ഒരു വയസ്സാണ് വ്യത്യാസം. മോളോട് എന്തെങ്കിലും ചെയ്യാൻ പറയുമ്പോൾ, അവനും അടുത്തുണ്ടാകും. എന്നാൽ രണ്ടുപേർക്കും ആ ജോലി പകുത്തുനൽകാൻ ആണ് എന്റെ ഭർത്താവ് എന്നോട് പറഞ്ഞു തന്നിട്ടുള്ളത്.സത്യസന്ധനായ മകൻ
ചെറുപ്പം മുതലേ എല്ലാം പറഞ്ഞു കൊടുത്താണ് അവനെ വളർത്തിയത്. അതിന്റെ ഫലമാണ് നയൻതാരയുടെ ഒപ്പമുള്ള അവന്റെ ജീവിതം. അവൻ നല്ല ഒരു സത്യസന്ധനായ മകൻ ആയി വളർന്നു അതാണ് ഇന്ന് നയൻതാരയ്‌ക്കൊപ്പം ഒപ്പം അവൻ ജീവിക്കുന്നത്. ഞാൻ എന്റെ മോനെ വലുതാക്കി പറയുന്നതല്ല. ഞങ്ങൾ അങ്ങനെ ആണ് അവനെ വളർത്തിയത്. ലോകത്തിൽ ഒരുപാട് കുട്ടികൾ നല്ലവരുണ്ട്. മാതാപിതാക്കൾക്ക് എന്നും അവരുടെ മക്കൾ വലുതായിരിക്കുമല്ലോ- അമ്മ പറയുന്നു.മകളുടെ മനസ്സ്.മരുമകളുടെ വിശാല മനസ്സിനെ കുറിച്ചും വിഘ്‌നേഷിന്റെ അമ്മ വാചാലയാകുന്നുണ്ട്. നയൻസിന്റെ വീട്ടിൽ എട്ടു ജോലിക്കാരാണുള്ളത്. അതിൽ ഒരാൾ ഒരിക്കൽ വിഷമിച്ചിരിക്കുന്നതുകൊണ്ട് നയൻതാര കാര്യം തിരക്കി. അപ്പോഴാണ് അവരുടെ ലോണിന്റെ കാര്യവും കഷ്ടപ്പാടും മോൾ അറിയുന്നത്. ആ സമയത്തു തന്നെ നാല് ലക്ഷമാണ് അവർക്ക് മോൾ കൊടുത്തത്. പൈസ മാത്രം ഉണ്ടായതുകൊണ്ടാകില്ല. അത് കൊടുക്കാനുള്ള മനസ്സും ഉണ്ടാകണം- അമ്മ ഇൻഡ്യഗ്ലിറ്റ്‌സിനോട് പറഞ്ഞു.

@All rights reserved Typical Malayali.