ലേഡി സൂപ്പസ്റ്റാർ ഇനി ഇല്ല ഞെട്ടിക്കുന്ന വർത്തയുമായി നയൻസ് തീരുമാനം മക്കൾക്ക് വേണ്ടിയെന്ന് താരം

തെന്നിന്ത്യൻ ലേഡി സൂപ്പർ സ്റ്റാർ നയൻതാര പൊതുപരിപാടികളിൽ നിന്നും കഴിവതും മാറിനിൽക്കുന്ന വ്യക്തിത്വമാണ്. എന്നിരുന്നാലും നയൻസിൻ്റെ ആരാധക പ്രീതിയ്ക്ക് ഒട്ടും കുറവ് സംഭവിച്ചിട്ടില്ല. അതു തമിഴ്നാട്ടിൽ മാത്രമല്ല, കേരളത്തിലും ആന്ധ്രായിലും തെലുങ്കാനയിലുമൊക്കെ അങ്ങനെ തന്നെയാണ്. തെന്നിന്ത്യൻ സിനിമകളുടെ വലിയ കോടിക്കിലുക്കത്തിൻ്റെ തിരക്കിൽ പോലും മാതൃഭാഷയായ മലയാളത്തിൽ വർഷം ഒരു സിനിമയെങ്കിലും താരം ചെയ്യാറുമുണ്ട്. തൻ്റെ വ്യക്തിജീവിതവും കരിയറും ഒരുപോലെ കൊണ്ടുപോകാൻ നയൻസ് ശ്രമിക്കുന്നുണ്ട്. കഴിഞ്ഞ ദിവസം ചെന്നൈയിലെ ഒരു കോളജിലെ പൊതുപരിപാടിയിൽ പങ്കെടുത്ത താരം അവിടെയുള്ള വിദ്യാർത്ഥികളോട് വളരെ പോസിറ്റീവായ ചിന്തയാണ് പകർന്നത്.സുഹൃത്തുക്കളുമൊത്തുള്ള കോളജ് ജീവിതം രസകരമായിരിക്കും. അതേ സമയം സുഹൃത്തുക്കളെ തെരഞ്ഞെടുക്കുന്നത് വളരെ പ്രധാനമാണ്, നയൻതാര പറഞ്ഞു. കോളജ് പഠന കാലത്ത് സ്വീകരിക്കുന്ന തീരുമാനങ്ങൾ ഭാവിക്ക് വേണ്ടിയുള്ളതാണ്. കോളജ് പഠനമൊക്കെ കഴിഞ്ഞ് ജീവിതത്തിൽ വിജയിക്കുമ്പോഴും വിനയവും ശാന്തവുമായിരിക്കാൻ പരിശ്രമിക്കണം. വളരെ പ്രധാനപ്പെട്ട കാര്യം, എല്ലാ ദിവസവും കുറഞ്ഞത് പത്ത് മിനിറ്റെങ്കിലും മാതാപിതാക്കളോടൊപ്പം ചെലവഴിക്കണം. കാരണം, നമ്മുടെ മാതാപിതാക്കളെ അത് വളരയധികം സന്തോഷിപ്പിക്കും, നയൻതാരം വിദ്യാർത്ഥികളോട് പറഞ്ഞു.

പർപ്പിൾ സാരിയിൽ കോളജിലെത്തിയ നയൻതാരയുടെ ചിത്രങ്ങൾ സോഷ്യൽ മീഡിയയിൽ വൈറലായിരുന്നു. സമീപകാലത്ത് നയൻതാര കേന്ദ്രകഥാപാത്രമായ തമിഴ് ചിത്രം കണക്ട് മികച്ച പ്രേക്ഷക പ്രതികരണം നേടിയിരുന്നു. അശ്വിൻ ശരവണൻ സംവിധാനം ചെയ്ത ചിത്രം ഹൊറർ ട്രാക്കിൽ വേറിട്ട ആഖ്യാനത്തിലാണ് അവതരിപ്പിച്ചത്. നയൻതാരയുടെ വിവാഹവും ഇരട്ടക്കുട്ടികളുടെ പിറവിയും അവരുടെ വിശേഷങ്ങളുമായി സമൂഹ മാധ്യമങ്ങളിൽ ഏറെ ചർച്ചയായിരുന്നു നയൻതാര. സംവിധായകൻ വിഘ്നേഷ് ശിവനാണ് നയൻസിൻ്റെ ഭർത്താവ്.ബ്ലോക്ക്ബസ്റ്റർ വിജയം നേടിയ പത്താനു ശേഷം ഷാരുഖ് ഖാൻ നായകനാകുന്ന ജവാനാണ് നയൻതാരയുടെ അടുത്ത ശ്രദ്ധേയ റിലീസ്. ബോളിവുഡിലേക്കുള്ള നയൻസിൻ്റെ അരങ്ങേറ്റം കൂടിയാണ് ജവാൻ. ഹിറ്റ്മേക്കർ അറ്റ്ലി സംവിധാനം ചെയ്യുന്ന ചിത്രത്തിൽ വിജയ് സേതുപതി, യോഗി ബാബു എന്നിവരും പ്രധാന കഥാപാത്രങ്ങളാണ്. ഹെവി ആക്ഷൻ മൂഡിലാണ് ചിത്രം ഒരുക്കുന്നത്. ചിത്രത്തിൽ ഒന്നിച്ച് അഭിനയിച്ച ഷാരുഖ് ഖാൻ കഴിഞ്ഞ ദിവസം നയൻസിനെ പ്രശംസിച്ച് രംഗത്തു വന്നിരുന്നു. നയൻതാര വളരെ സ്വീറ്റാണെന്നും എല്ലാ ഭാഷയും നന്നായി സംസാരിക്കുമെന്നും നയൻതാരയ്ക്കൊപ്പമുള്ള ഷൂട്ടിംഗ് അനുഭവം വളരെ മികച്ച അനുഭവമായിരുന്നതായും ജവാനിലെ നയൻതാരയുടെ കഥാപാത്രം ഏവരും ഇഷ്ടപ്പെടുമെന്നാണ് പ്രതീക്ഷയെന്നും ഷാരൂഖ് ഖാൻ ട്വീറ്റ് ചെയ്തു.ഇതിനു പിന്നാലെ ജയം രവിക്കൊപ്പമുള്ള രണ്ട് ചിത്രങ്ങളും നയൻസിൻ്റെതായി തയാറാകുന്നുണ്ട്. അഹമ്മദ് സംവിധാനം ചെയ്യുന്ന ഇരൈവൻ റിലീസിനു തയാറെടുക്കുകയാണ്. 2015 ൽ സൂപ്പർ ഹിറ്റായ തനി ഒരുവൻ്റെ രണ്ടാം ഭാഗവും അണിയറയിൽ ഒരുങ്ങുന്നുണ്ട്.

@All rights reserved Typical Malayali.