50 സെക്കന്റുള്ള പരസ്യത്തില്‍ അഭിനയിക്കാന്‍ വാങ്ങുന്നത് കോടികള്‍; നയന്‍താരയുടെ ആഡംബര ജീവിതവും ബിസിനസ്സും, ആസ്തിയും?
ലേഡി സൂപ്പര്‍ സ്റ്റാര്‍ എന്നാല്‍ എല്ലാ അര്‍ത്ഥത്തിലും അത് പാലിക്കുന്ന നടിയാണ് നയന്‍താര. ആസ്തിയുടെ കാര്യത്തിലും വരുമാനത്തിന്റെ കാര്യത്തിലും, സിനിമകള്‍ തിരഞ്ഞെടുക്കുന്ന കാര്യത്തിലും ഒന്നിലും നയന്‍താരയെ പിന്‍തള്ളാന്‍ ഇന്ന് സൗത്ത് ഇന്ത്യന്‍ സിനിമയില്‍ മറ്റൊരു നടി ഇല്ല എന്ന് തന്നെ പറയാം.
മലയാള സിനിമയിലൂടെ തുടക്കം കുറിച്ചു, പിന്നീട് സഹതാര വേഷങ്ങള്‍ ചെയ്തു. നായികയായി തമിഴില്‍ എത്തിയപ്പോള്‍ ആദ്യം ഗ്ലാമര്‍ നായിക എന്ന നിലയില്‍ തഴയപ്പെട്ടിരുന്നുവെങ്കിലും, അവിടെ നിന്ന് ആത്മവിശ്വാസം ഒന്ന് കൊണ്ട് മാത്രം പിടിച്ചു കയറുകയായിരുന്നു നയന്‍താര. കൊടികെട്ടിയ സൗത്ത് ഇന്ത്യന്‍ സൂപ്പര്‍ നായികമാര്‍ക്കൊപ്പം മത്സരിച്ച് മുന്‍നിരയിലെത്തി. അവരാരും സ്വന്തമാക്കാതിരുന്ന ലേഡി സൂപ്പര്‍സ്റ്റാര്‍ എന്ന ടൈറ്റില്‍ ടാഗും നേടിയെടുത്തു.
അതുകൊണ്ടൊന്നും അവസാനിക്കുന്നില്ല. സിനിമയില്‍ തന്റേതായ കരിയര്‍ ബില്‍ഡ് ചെയ്യുമ്പോഴും, ഫിനാന്‍ഷ്യല്‍ വളരെ ശക്തയായ ഒരു സ്ത്രീയായി മാറുകയായിരുന്നു നയന്‍. ഒരു സിനിമയില്‍ അഭിനയിക്കുന്നതിന് നയന്‍താര ഇപ്പോള്‍ വാങ്ങുന്നത് 5 കോടി മുതല്‍ 10 കോടി വരെയാണ്. ബോളിവുഡ് ചിത്രത്തില്‍ അഭിനയിച്ചപ്പോള്‍ വാങ്ങിയത് 11 കോടിയാണ്. മലയാളത്തിലെത്തുമ്പോള്‍ അത് കുറയും. ഓരോ ഇന്റസ്ട്രിയിലെയും സാമ്പത്തിക ബാക്ക്ഗ്രൗണ്ട് നോക്കിയാണ് നയന്‍ പ്രതിഫലം നിശ്ചയിക്കുന്നത്.
സിനിമയില്‍ അഭിനയിച്ചു വാങ്ങുന്ന പ്രതിഫലത്തിന് പുറമെ നിരവധി ബിസിനസ്സുകളും ലേഡി സൂപ്പര്‍സ്റ്റാറിനുണ്ട്. റസ്‌റ്റോറന്റ്, കോസ്‌മെറ്റിക്‌സ്, ബിസിനസ്സുകള്‍ ഉള്‍പ്പടെ സിനിമാ നിര്‍മാണ രംഗത്തും നയന്‍ സജീവമാണ്. അതിന് പുറമെ നിരവധി പ്രസ്താനങ്ങളുടെ ബ്രാന്റ് അംബാസിഡറാണ്.ാേ
ഒരു പരസ്യ ചിത്രത്തില്‍ അഭിനയിക്കുന്നതിന് നയന്‍താര വാങ്ങുന്ന പ്രതിഫലം സംബന്ധിച്ച വിവരങ്ങളാണ് ഇപ്പോള്‍ പുറത്ത് വരുന്നത്. വെറും 50 സെക്കന്റ് ദൈര്‍ഘ്യമുള്ള പരസ്യത്തില്‍ അഭിനയിക്കാന്‍ ലേഡി സൂപ്പര്‍സ്റ്റാര്‍ വാങ്ങിയത് 50 കോടി രൂപയാണത്രെ.
നയന്‍താരയുടെ ആഡംബര ജീവിതം ആരെയും അതിശയിപ്പിയ്ക്കുന്നതാണ്. ചെന്നൈയിലെയും ഹൈദരബാദിലെയും കേരളത്തിലെയും ലക്ഷ്വറി വീടും, ലക്ഷവറി കാറുകളും മാത്രമല്ല, 50 കോടി വിലമതിക്കുന്ന ഒരു പ്രൈവറ്റ് ജെറ്റും നയന്‍സിന് സ്വന്തമായുണ്ട്. നയന്‍താരയുടെ ആകെ ആസ്തി 300 കോടിയാണെന്നാണ് കണക്കുകള്‍.
@All rights reserved Typical Malayali.
Leave a Comment