ശോഭന.. രേവതി മുതല്‍ സുഹാസിനി വരെ..!! പട്ടുസാരിയില്‍ തിളങ്ങി താരസുന്ദരിമാര്‍..!! ഈ താരസംഗമത്തിന്റെ കാരണം അറിയാമോ

രാജ്ഞിമാർ എന്നാണ് ചിത്രത്തിന് താഴെ ആരാധകർ നൽകുന്ന കമന്റുകൾ. ട്രെയ്ലർ ലോഞ്ചിൽ പങ്കെടുത്ത ഐശ്വര്യ റായ്, തൃഷ, ഐശ്വര്യ ലക്ഷ്മി എന്നിവരുടെ ചിത്രങ്ങളും സോഷ്യൽ മീ‍ഡിയയിൽ ഹിറ്റാണ്. എ.ആർ റഹ്മാനാണ് ചിത്രത്തിന് സം​ഗീതമൊരുക്കുന്നത്. തമിഴ്, മലയാളം, തെലുങ്ക്, കന്നഡ, ഹിന്ദി ഭാഷകളിൽ ചിത്രം പുറത്തിറങ്ങും.ജയം രവി, കാർത്തി, വിക്രം, ജയറാം, വിക്രം, പാർഥിപൻ തുടങ്ങിയവരും ചിത്രത്തിൽ പ്രധാന വേഷത്തിലെത്തുന്നുണ്ട്.ശോഭന, രേവതി, ഖുശ്ബു, സുഹാസിനി എന്നീ നായികമാരുടെ ചിത്രങ്ങളാണ് സോഷ്യൽ മീഡിയ ഏറ്റെടുത്തിരിക്കുന്നത്.തെന്നിന്ത്യയുടെ പ്രിയപ്പെട്ട നായികമാരിലൊരാളാണ് ഖുശ്ബു . താരം പങ്കുവയ്ക്കുന്ന പോസ്റ്റുകളെല്ലാം സോഷ്യൽ മീഡിയയിൽ വൈറലാകാറുണ്ട്. സുഹൃത്തുക്കൾക്കൊപ്പം സമയം ചെലവഴിക്കാൻ താല്പര്യമുള്ള നടിമാരിലൊരാൾ കൂടിയാണ് ഖുശ്ബു. സുഹാസിനി, ലിസി, ശോഭന തുടങ്ങിയവരെല്ലാം താരത്തിന്റെ വളരെ അടുത്ത സുഹൃത്തുക്കളാണ്. ഇവരെല്ലാം ഒന്നിച്ചുവരുന്ന നിമിഷങ്ങളെല്ലാം സോഷ്യൽ മീ‍ഡിയ ഏറ്റെടുക്കാറുമുണ്ട്. ഇപ്പോഴിത പൊന്നിയിൻ സെൽവൻ രണ്ടാം ഭാഗം ട്രെയ്‌ലർ ലോഞ്ചിനെത്തിയതിന്റെ ചിത്രങ്ങൾ പങ്കുവച്ചിരിക്കുകയാണ് ഖുശ്ബു. ബുധനാഴ്ചയായിരുന്നു ചിത്രത്തിന്റെ ട്രെയ്‌ലർ റിലീസ്.ട്രെയ്ലർ ലോഞ്ചിനിടെ സുഹാസിനിയ്ക്കും ശോഭനയ്ക്കുമൊപ്പമുള്ള ചിത്രങ്ങളാണ് ഖുശ്ബു പങ്കുവച്ചിരിക്കുന്നത്. റോയൽ ലുക്കിലാണ് പ്രിയ നടിമാരെ ചിത്രങ്ങളിൽ കാണാനാവുക. മഞ്ഞ നിറത്തിലെ പട്ടു സാരിയിൽ അതിസുന്ദരിയായാണ് ഖുശ്ബു എത്തിയിരിക്കുന്നത്. എന്ത് പറയണം. പൊന്നിയിൻ സെൽവനെക്കുറിച്ച് എല്ലാവർക്കുമറിയാം. നമ്മുടെ തമിഴ്നാടിന്റെ ചരിത്രം തന്നെയാണ് പൊന്നിയിൻ സെൽവൻ പറയുന്നത്. ഇത് മണി സാറുടെ ഡ്രീം പ്രൊജക്ടാണ്.

പിഎസ്1 വലിയ വിജയമായത് നമ്മൾ കണ്ടതാണ്. അത് തമിഴ് സിനിമയ്ക്ക് വലിയ അംഗീകാരം നേടിക്കൊടുത്തു. അതുപോലെ പിഎസ് 1 നേക്കാൾ പിഎസ് 2 വും വലിയ വിജയമാകും.മണി സാറിനും ചിത്രത്തിലെ അഭിനേതാക്കൾക്കും അതുപോലെ‍ പൊന്നിയിൻ സെൽവൻ ടീമിലെ എല്ലാവർക്കും ആശംസകൾ. വലിയൊരു ചരിത്രമുണ്ട് തമിഴ്നാടിന്. ആ ചരിത്രം ആളുകൾ അറിഞ്ഞത് പൊന്നിയിൻ സെൽവനിലൂടെയാണ്. ഞാൻ ഈ സിനിമ കാണുന്നത് ദുബായിൽ വച്ചാണ്. തമിഴ് അറിയാത്ത ആളുകൾ പോലും ഈ സിനിമ കാണുകയും തമിഴ്നാടിന്റെ പാരമ്പര്യമെന്താണെന്ന് മനസിലാക്കുകയും ചെയ്യുന്നത് ഞാൻ കണ്ടതാണ്. സൗത്തെന്നോ നോർത്തെന്നോ തമിഴ്നാടെന്നോ വേർതിരിവില്ലാതെ നമ്മുടെ നാടിന്റെ ചരിത്രം എത്ര മഹത്തരമെന്ന് സിനിമ മനസിലാക്കി തരുകയായിരുന്നു. ഒരു സിനിമയും മറ്റൊരു സിനിമയുമായി താരതമ്യം ചെയ്യാൻ പാടില്ല. ബാഹുബലി ഒരു ഭാവനയിൽ നിന്ന് ഉരുതിരഞ്ഞ കഥയാണ്.പൊന്നിയിൻ സെൽവൻ ചരിത്രത്തിലൂന്നി എഴുതിയ ഒരു നോവലാണ്. തമിഴ്നാടിനെ സംബന്ധിച്ച് രാജരാജ ചോഴരുടെ ചരിത്രം പറയുന്ന പുസ്തകമാണത്. ഭാവനയിൽ നിന്നുള്ള ചില കഥാപാത്രങ്ങൾ ഉണ്ടെങ്കിലും ഇത് യഥാർഥ ചരിത്രമാണ് പറയുന്നത്. അതുകൊണ്ട് തന്നെ മറ്റൊരു സിനിമയുമായി താരതമ്യം ചെയ്യാൻ പാടില്ല- ട്രെയ്‌ലർ ലോഞ്ചിനിടെ ഖുശ്ബു പറഞ്ഞു. അതേസമയം ട്രെയ്ലർ ലോഞ്ചിന്റെ ചിത്രങ്ങൾ പൊന്നിയിൻ സെൽവന്റെ നിർമ്മാതാക്കളായ മദ്രാസ് ടോക്കീസും പങ്കുവച്ചിട്ടുണ്ട്.ഈ ചിത്രത്തിൽ നടി രേവതിയേയും കാണാം. ചെന്നൈയിലെ നെഹ്റു ഇൻഡോർ സ്റ്റേഡിയത്തിൽ വച്ചായിരുന്നു ട്രെയ്ലർ ലോഞ്ചിന്റെ ചടങ്ങുകൾ. കഴിഞ്ഞ വർഷമായിരുന്നു പൊന്നിയിൻ സെൽവന്റെ ആദ്യ ഭാഗം തീയേറ്ററുകളിലെത്തിയത്. ചിത്രത്തിന്റെ രണ്ടാം ഭാഗത്തിനായുള്ള കാത്തിരിപ്പിലാണിപ്പോൾ സിനിമ പ്രേമികളും. പൊന്നിയിൻ സെൽവൻ ആദ്യ ഭാഗത്തിന്റെ ട്രെയ്ലർ ലോഞ്ച് ഇവന്റും സൂപ്പർ ഹിറ്റായിരുന്നു. ഏപ്രിൽ 28 നാണ് പിഎസ് 2 തീയേറ്ററുകളിലെത്തുക.

@All rights reserved Typical Malayali.