ഒടുക്കം കാത്തിരുന്ന വിശേഷമിതാ..!! പ്രണവും സായ് പല്ലവിയും ഒന്നിക്കുന്നു..!! ആശംസാപ്രവാഹം.
കേട്ടത് സത്യമോ? പ്രണവ് മോഹന്‍ലാലും സായി പല്ലവിയും ഒന്നിക്കുന്നു.മലയാളത്തെ സംബന്ധിച്ച് വളരെ അപൂര്‍വ്വമായി കിട്ടുന്ന രണ്ട് താരങ്ങളാണ് പ്രണവും സായി പല്ലവിയും. ഏറെ കുറേ രണ്ടുപേരുടെയും രീതികളും ഒരുപോലെയാണ്. ഇവര്‍ രണ്ടു പേരും ഒന്നിച്ച് ഒരു സിനിമ വരുന്നു എന്നതാണ് ഏറ്റവും പുതിയ വാര്‍ത്ത.കേട്ടത് സത്യമോ? പ്രണവ് മോഹന്‍ലാലും സായി പല്ലവിയും ഒന്നിക്കുന്നു.മോഹന്‍ലാലിന്റെ മകന്‍ പ്രണവ് മോഹന്‍ലാലിനെ സംബന്ധിച്ച ഏതൊരു വാര്‍ത്തയും പ്രേക്ഷകര്‍ക്ക് ആവേശമാണ്. കാരണം തന്റെ കാര്യം പറഞ്ഞ് പ്രണവ് എവിടെയും വരാറില്ല. പല അഭിമുഖങ്ങളിലും കൂടെ പ്രവൃത്തിച്ച ആളുകളും മോഹന്‍ലാലും പറഞ്ഞ അറിവുകള്‍ മാത്രമാണ് പ്രണവിനെ സംബന്ധിച്ച് ആരാധകര്‍ക്കും അറിയാവുന്നത്. ആ വാര്‍ത്തകള്‍ക്കിടയില്‍ ഇതാ പുതിയ ഒരു വിശേഷം കൂടെ, പ്രണവ് മോഹന്‍ലാലും സായി പല്ലവിയും ഒന്നിക്കിന്നു എന്ന്!തന്റെ യാത്രകള്‍ക്കിടയിലുള്ള ബ്രേക്ക് ആണ് പ്രണവ് മോഹന്‍ലാലിന് സിനിമ. ഇടയ്ക്ക് ബ്രേക്ക് കിട്ടുമ്പോള്‍, യാത്രകള്‍ക്ക് വേണ്ട കാശ് സ്വരുക്കൂട്ടാനാണ് സിനിമകള്‍ ചെയ്യുന്നത് എന്നാണ് ജീത്തു ജോസഫ് ഒരിക്കല്‍ പറഞ്ഞത്. അങ്ങനെ ഇപ്പോള്‍ നീണ്ട കാലത്തെ യാത്രകള്‍ കഴിഞ്ഞ് വിനീത് ശ്രീനിവാസന്റെ പുതിയ സിനിമയില്‍ ജോയിന്‍ ചെയ്തിരിക്കുകയാണ്. വര്‍ഷങ്ങള്‍ക്ക് ശേഷം എന്ന സിനിമയുടെ ചിത്രീകരണം പുരോഗമിക്കുകയാണ്.പ്രണവിനെ സംബന്ധിച്ച് ഒരിക്കലും ഒരേ സമയം, ഒന്നിന് പിറകെ ഒന്നായി സിനിമകള്‍ തിരഞ്ഞെടുക്കാത്ത നടനാണ്. എന്നാല്‍ വര്‍ഷങ്ങള്‍ക്ക് ശേഷം എന്ന സിനിമ കഴിഞ്ഞ് ചെയ്യാനുള്ള അടുത്ത ചിത്രം പ്രണവ് ഏറ്റെടുത്തു എന്നാണ് പുതിയ വാര്‍ത്ത. സായി പല്ലവിയാണത്രെ സിനിമയില്‍ നായികയായി എത്തുന്നത്. എന്നാല്‍ ഇത് സംബന്ധിച്ച ഔദ്യോഗിക സ്ഥിരീകരണം വന്നിട്ടില്ല.
അഖില്‍ പി ധര്‍മജന്റെ റാം കെയര്‍ ഓഫ് ആനന്ദി എന്ന പുസ്തകം സിനിമയായി വരുന്നു എന്ന വാര്‍ത്തകള്‍ നേരത്തെ പുറത്തുവന്നിരുന്നു. 2018 എന്ന ഹിറ്റ് സിനിമയുടെ എഴുത്തുകാരന്‍ കൂടെയാണ് അഖില്‍ പി ധര്‍മജന്‍. അദ്ദേഹത്തിന്റെ വളരെ പ്രശസ്ത പുസ്തകമായ റാം കെയര്‍ ഓഫ് ആനന്ദി സിനിമയാകുന്നു എന്നും, നവാഗതയായ അനുഷ പിള്ളയാണ് സംവിധാനം ചെയ്യുന്നത് എന്നും നേരത്തെ പുറത്തുവന്ന വാര്‍ത്തയാണ്.
തമിഴിലും മലയാളത്തിലുമായിട്ടാണ് സിനിമ ഒരുങ്ങുന്നത്. തമിഴിലെയും മലയാളത്തിലെയും പ്രമുഖ താരങ്ങളെല്ലാം കഥാപാത്രങ്ങളായി എത്തുന്നുണ്ട്. നായികായ – നായകന്മാരായി പ്രണവും സായി പല്ലവിയും എത്തുന്നു എന്നൊക്കെയാണ് പറഞ്ഞു കേള്‍ക്കുന്നത്. കമലിൻറെ സഹസംവിധായികയായി പ്രവൃത്തിയ പരിചയ സമ്പത്തുമായിട്ടാണ് അനുഷ വരുന്നത്. വിഘ്നേശ് വിജയ കുമാറാണ് സിനിമ നിർമിയ്ക്കുന്നത്
സിനിമകള്‍ തിരഞ്ഞെടുക്കുന്നതില്‍ വളരെ സെലക്ടീവായ സായി പല്ലവി ഓകെ പറഞ്ഞോ എന്നൊന്നും വ്യക്തമല്ല. ഔദ്യോഗിക സ്ഥിരീകരണത്തിന് വേണ്ടി കാത്തിരിക്കുകയാണ് പ്രണവ് – സായി പല്ലവി ഫാന്‍സും. പ്രേമം എന്ന മലയാള സിനിമയിലൂടെ അരങ്ങേറ്റം കുറിച്ച സായി പല്ലവി പിന്നീട് രണ്ട് മൂന്ന് സിനിമകൾക്ക് വേണ്ടി മാത്രമാണ് മലയാളത്തിലേക്ക് തിരിച്ചുവന്നത്. തമിഴിലും തെലുങ്കിലും തിരക്കിലാണ് നടി.
@All rights reserved Typical Malayali.
Leave a Comment