ചില പ്രശ്നങ്ങൾ ഉണ്ട്, പക്ഷേ അവർ എന്റെ സ്വന്തം; സർക്കാർ ആശുപത്രിയിൽ പ്രസവിച്ചാൽ എന്താണ് കുഴപ്പം; മറുപടിയുമായി പ്രവീണും മൃദുലയും

സോഷ്യൽ മീഡിയ സ്റ്റാർസ് ആയ പ്രവീണും മൃദുലയും അടുത്തിടെ ആണ് അച്ഛനും അമ്മയും ആയത്. ഒക്ടോബർ രണ്ടാം തീയതിയാണ് മൃദുല ഒരു ആൺകുഞ്ഞിന് ജന്മം നൽകിയത്. സർക്കാർ ആശുപത്രി ആണ് ഇരുവരും പ്രസവത്തിനായി തെരെഞ്ഞെടുത്തതും. തുടക്കം മുതൽ പ്രസവം വരെ സർക്കാർ ആശുപത്രിയെ ആണ് മൃദുലആയും പ്രവീണും ആശ്രയിച്ചത്. എന്നാൽ ഇതിനെതിരെ ഇരുവരും കടുത്ത രീതിയിൽ ഉള്ള സൈബർ അറ്റാക്ക് ആണ് നേരിടുന്നത്. സർക്കാർ ആശുപത്രിയിലെ പ്രസവം, പ്രവീണിന്റെ സഹോദരനും ഡാൻസറും ആയ പ്രണവിനെക്കുറിച്ചും കുടുംബത്തെകുറിച്ചുള്ള ചർച്ചകളും കുറച്ചു ഡെയ്‌സ് ആയി സോഷ്യൽ മീഡിയയിൽ സംസാര വിഷയം ആണ്.

മൃദുലയുടെ പ്രസവസമയത്ത് പ്രവീൺ ഒറ്റയ്ക്ക് ആയതും അദ്ദേഹത്തിന്റെ അച്ഛനും അമ്മയും അനുജൻ ആയ കൊച്ചു എന്ന പ്രണവും വിട്ടുനിന്നതും എല്ലാം ആരാധകർ വലിയ ഗൗരവം ഉള്ള വിഷയം ആയി എടുക്കുകയും. കുടുംബപ്രശ്‌നങ്ങൾ കാരണം ഇവർ വിട്ടുനിന്നു എന്ന രീതിയിൽ ഉള്ള സംസാരത്തിലേക്ക് പോവുകയും ചെയ്തു. ആരാധകരുടെ സംശയങ്ങൾക്കും സോഷ്യൽ മീഡിയയിലെ സൈബർ അറ്റാക്കിനെതിരെയും സംസാരിക്കുകയാണ് ഇപ്പോൾ മൃദുലയും പ്രവീണും.

ഏറെ ആശിച്ചു മോഹിച്ചു കിട്ടിയ കുഞ്ഞിനെ കണ്ട സന്തോഷത്തിൽ ആകയാൽ കുറെ ദിവസം നെഗറ്റീവ് കമന്റുകൾ ശ്രദ്ധിച്ചിരുന്നില്ല. എന്നാൽ ഇപ്പോൾ വരുന്ന കമന്റുകൾ തന്നെയും തന്നെക്കാൾ ഏറെ മൃദുലയെയും ഏറെ വേദനിപ്പിക്കുന്നുണ്ട് എന്നാണ് പ്രവീൺ പറയുന്നത്. കുടുംബ പ്രശ്നങ്ങൾ എല്ലാ ഇടത്തും ഉള്ള പോലെ ഉണ്ടെന്നും അതൊക്കെ മാറും എന്നാണ് വിശ്വാസം എന്നും പ്രവീൺ പുതിയ വീഡിയോയിൽ പറയുന്നുണ്ട്.

സർക്കാർ ആശുപത്രിയിലെ പ്രസവം തങ്ങൾക്ക് നല്ല അനുഭവമാണ് നൽകിയത് എന്നും, പ്രൈവറ്റ് ആശുപത്രിയേക്കാൾ നമ്മൾ സർക്കാർ ആശുപത്രിയിൽ വിശ്വസിക്കുന്നുണ്ട്. എന്താണ് സർക്കാർ ആശുപത്രിയിൽ പ്രസവിച്ചാൽ കുഴപ്പം എന്നും ഇരുവരും ചോദിക്കുന്നു. തന്നോട് ഡോക്ടർമാർ ആയാലും നഴ്‌സുമാർ ആയാലും വളരെ ഫ്രണ്ട്ലി ആയിട്ടാണ് ഇടപെട്ടത് എന്നും തന്റെ കുഞ്ഞും താനും വളരെ സേഫ് ആകും അവിടെ എന്ന ഉറച്ച വിശ്വാസം തുടക്കം മുതൽ ഉണ്ടായിരുന്നു എന്നും മൃദുല പറയുന്നു. തന്റെ സഹോദരിയുടെ പ്രസവവും അവിടെ ആയതുകൊണ്ടുതന്നെ ഇവിടെ മതി എന്നത് തന്റെ തീരുമാനം ആയിരുന്നു എന്നും മൃദുല കൂട്ടിച്ചേർത്തു.

അതേസമയം കുടുംബവുമായി ചില വിഷയങ്ങൾ ഉണ്ടെന്ന സൂചന പ്രവീൺ നൽകുകയുണ്ടായി. കുഞ്ഞിന്റെ ജന്മ സമയത്തു നൽകാൻ ഒരു അഡ്ഡ്രസ്സ്‌ തനിക്ക് ഉണ്ടായിരുന്നില്ല എന്നും ഏറെ വേദനിപ്പിച്ച സംഗതിയാണ് അതെന്നും പ്രവീൺ പറഞ്ഞു മാത്രമല്ല, ഇത്രയും നാൾ ജനിച്ചു വളർന്ന വീട്ടിൽ നിന്നും ഇനി മറ്റൊരു ഇടത്തിലേക്ക് പോകുമ്പോൾ വലിയ വേദനയാണ്. ഇപ്പോൾ എല്ലാ ദിവസവും വാടകവീടിനു വേണ്ടി ഉള്ള ഓട്ടത്തിൽ ആണ് താനെന്നും പ്രവീൺ പറഞ്ഞു. ഒരു ദിവസം കൊണ്ട് ഒരു മില്യൺ കാഴ്ചക്കാരെയാണ് വീഡിയോ നൽകിയത്. അതേസമയം നിരവധി അഭിപ്രായങ്ങളും വീഡിയോയിൽ ലഭിക്കുന്നുണ്ട്.

@All rights reserved Typical Malayali.