മുഖത്ത് എന്താ വല്ലാത്തൊരു മാറ്റം, ഹെയര്‍ സ്റ്റൈല് മാറ്റിയോ, പത്ത് വയസ്സ് കുറഞ്ഞതുപോലെ; വൈറലാവുന്ന പ്രവീണയുടെ പുതിയ ചിത്രങ്ങള്‍
മിനിസ്‌ക്രീന്‍ പ്രേക്ഷകര്‍ക്കും ബിഗ് സ്‌ക്രീന്‍ പ്രേക്ഷകര്‍ക്കും ഒരുപോലെ സുപരിചിതയാണ് പ്രവീണ. അഭിനേത്രി എന്ന് മാത്രം പറഞ്ഞാല്‍ പോല, പുരസ്‌കാരങ്ങളും അംഗീകാരങ്ങളും വാരിക്കൂട്ടിയഡബ്ബിങ് ആര്‍ട്ടിസ്റ്റ് കൂടെയാണ് പ്രവീണ. നിലവില്‍ തമിഴ് സീരിയല്‍ ലോകത്ത് സജീവമാണ്.
വലിയൊരു ഗ്യാപിന് ശേഷം പ്രവീണ തന്റെ ഇന്‍സ്റ്റഗ്രാമില്‍ പങ്കുവച്ച ചിത്രങ്ങളാണ് ഇപ്പോള്‍ ആരാധകര്‍ ഏറ്റെടുത്തിരിയ്ക്കുന്നത്. ക്ലോസ് അപ് ഷോര്‍ട്ടിലുള്ള ഏഥാനും സെല്‍ഫി ചിത്രങ്ങളാണ് കാണുന്നത്. പക്ഷെ നടിയുടെ മുഖത്ത് വല്ലാത്തൊരു മാറ്റം പ്രകടമാണ്. ഹെയര്‍ സ്റ്റൈല് മാറ്റിയതുകൊണ്ടാണോ, പ്രിറ്റിയായി തോന്നുന്നു, പത്ത് വയസ്സ് കുറഞ്ഞതുപോലെയുണ്ട് എന്നൊക്കെയാണ് കമന്റുകള്‍.
ഷൂട്ടിങ് തിരക്കുകളെല്ലാം കഴിഞ്ഞ് വീട്ടില്‍ എത്തിയപ്പോള്‍ പകര്‍ത്തിയ ചിത്രങ്ങളാണ്. നിഷ്‌കളങ്കമായ ചിരിയും, വാലിട്ടെഴുതിയ കണ്ണുകളും തന്നെയാണ് ചിത്രത്തിലെ ആകര്‍ഷണം. മുടി ബോബ് കട്ട് ചെയ്തത് കൊണ്ടാണ് മുഖത്തൊരു കുട്ടിത്തം ഫീല്‍ ചെയ്യുന്നത്. പ്രിറ്റി, സോ ക്യൂട്ട് എന്നൊക്കെ പോകുന്നു സ്‌നേഹം അറിയിച്ചെത്തിയ ആരാധകരുടെ അഭിപ്രായങ്ങള്‍.
1992 ല്‍ ഗൗരി എന്ന ചിത്രത്തിലൂടെ അഭിനയ ലോകത്തേക്ക് വന്നതാണ് പ്രവീണ. തുടര്‍ന്ന് നായികയായും സഹനായികയായും സഹോദരിയായും അന്‍പതിലധികം സിനിമകള്‍ മലയാളത്തില്‍ ചെയ്തു. രണ്ട് തവണ മികച്ച സഹനടിയ്ക്കുള്ള സംസ്ഥാന പുരസ്‌കാരം നേടിയ പ്രവീണയ്ക്ക്, മികച്ച ഡബ്ബിങ് ആര്‍ട്ടിസ്റ്റിനുള്ള പുരസ്‌കാരവും രണ്ട് തവണ കിട്ടിയിട്ടുണ്ട്. മഞ്ജു വാര്യര്‍ മുതല്‍ മനീഷ കൊയിരാള വരെയുള്ളവര്‍ക്ക് പ്രവീണ ശബ്ദം നല്‍കിയിട്ടുണ്ട്.
മഞ്ജു വാര്യര്‍ ഏറ്റവും ആദ്യം അഭിനയിച്ചത് മോഹവാരം എന്ന സീരിയലിലാണ്, ഈ സീരിയലില്‍ മഞ്ജുവിന് വേണ്ടി സംസാരിച്ചത് പ്രവീണയായിരുന്നു. ഡബ്ബിങ് ആര്‍ട്ടിസ്റ്റ് എന്ന നിലയില്‍ പ്രവീണയുടെ തുടക്കവും മഞ്ജുവിന് ശബ്ദം നല്‍കിക്കൊണ്ടാണ്.
അഭിനേത്രി എന്ന നിലയില്‍ സിനിമയിലും സീരിയലുകളിലും മാത്രമല്ല, ടെലി ഫിലിമുകളിലും വെബ് സീരീസുകളിലും ആല്‍ബങ്ങളിലും എല്ലാം പ്രവീണ അഭിനയിച്ചിട്ടുണ്ട്. മലയാളത്തിന് പുറമെ തെലുങ്ക്, തമിഴ് ഇന്റസ്ട്രികളിലും വിജയം നേടിയ നടി നിലവില്‍ സണ്‍ ടിവിയില്‍ സംപ്രേക്ഷണം ചെയ്യുന്ന ഇനിയ എന്ന സീരിയലാണ് ചെയ്യുന്നത്.
@All rights reserved Typical Malayali.
Leave a Comment