നടി സായ് പല്ലവി ‘വിവാഹിതയായി’..!! രഹസ്യ വിവാഹത്തിനു പിന്നില്‍ സംഭവിച്ചത്..!

സായി പല്ലവിക്ക് രഹസ്യവിവാഹം; നിറമൊന്നും വിഷമല്ല! പ്രചരിച്ച വാർത്തകൾക്ക് പിന്നിലെ സത്യാവസ്ഥ!
സിനിമകള്‍ തിരഞ്ഞെടുക്കുന്ന കാര്യത്തിലും വളരെ സെലക്ടീവ് ആണ് സായി പല്ലവി. അഭിനയിക്കുന്നതിന് പല നിബന്ധനകളും സായി പല്ലവിയുടേതായുണ്ട്. അതുകൊണ്ടുതന്നെ പ്രചരിക്കുന്ന ചിത്രങ്ങൾക്കും അത്തരമൊരു സ്പെഷ്യാലിറ്റി ഉണ്ടോ എന്നാണ് ആരാധകർ ഉറ്റുനോക്കിയത്.അഭിനയം കൊണ്ടും, വ്യക്തിത്വം കൊണ്ടും വ്യത്യസ്തതയാണ് സായി പല്ലവി പ്രേമം. എന്ന സിനിമയിലൂടെയുള്ള മലയാളത്തിലേക്കുള്ള വരവ് തന്നെ വ്യത്യസ്തമായിരുന്നു. പരുക്കന്‍ ശബ്ദവും മുഖക്കുരു ഉള്ള തന്റെ മുഖവും സായി പല്ലവിയ്ക്ക് തന്നെ ആത്മവിശ്വമുണ്ടായിരുന്നില്ല. ഒരു നടിക്ക് യോജിച്ചതൊന്നും തനിക്കില്ല എന്നു പറഞ്ഞ് ഒഴിഞ്ഞു മാറാന്‍ ശ്രമിച്ച സായി പല്ലവിയെ അല്‍ഫോണ്‍സ് പുത്രനാണ് ആത്മവിശ്വാസം പകർന്നുനൽകി പ്രേമത്തിൽ എത്തിച്ചത്. ആദ്യ ചിത്രത്തിലൂടെ തന്നെ ഇതുവരെ ഒരു തുടക്കകാരിക്കും കിട്ടാത്ത സ്വീകരണവും സായി പല്ലവിയ്ക്ക് ലഭിച്ചു. അടുത്തിടെ താരത്തിന്റെ ഒരു ചിത്രമാണ് സമൂഹ മാധ്യമങ്ങളിൽ ട്രെൻഡിങ് ലിസ്റ്റിൽ ഇടം പിടിച്ചത്.
സായി പല്ലവിയുടെ തന്നെ ഒരു ഫാൻ പേജിലൂടെയാണ് ചിത്രം ആദ്യം പ്രചരിച്ചത്. പൂക്കൾ കൊണ്ടുള്ള മാലകൾ ഇട്ടു നിൽക്കുന്ന സായി പല്ലവിയുടെയും മറ്റൊരു ചെറുപ്പക്കാരന്റെയും ഫോട്ടോയായിരുന്നു പ്രചരിച്ചത്. വെറുതെ വിവാഹം കഴിപ്പിക്കുക മാത്രമല്ല, അല്പം വർണ്ണവിവേചനം കൂടി ഈ ഒരു പോസ്റ്റിൽ നിറച്ചിരുന്നു. സായി പല്ലവി വിവാഹിതയാകുന്നു എന്നും നിറം ഒരു വിഷയമേയല്ല എന്ന് സായി പല്ലവി തെളിയിച്ചിരിക്കുന്നു എന്നും പ്രണയത്തിന് നിറമില്ല എന്നുമാണ് സായി പല്ലവിയുടെ ഈ ഫാൻ പേജിൽ വന്ന ഫോട്ടോയുടെ ക്യാപ്ഷൻ ആയി നൽകിയിട്ടുള്ളത്.

ഡാർക്ക് സ്കിൻ ടോൺ ഉള്ള വ്യക്തിയോടൊപ്പം മാലയിട്ട് നിൽക്കുന്ന സായി പല്ലവിയുടെ ചിത്രത്തിലാണ് ഇങ്ങനെ ഒരു ക്യാപ്ഷൻ നൽകിയിരിക്കുന്നത്. ക്രോപ്പ് ചെയ്ത ഒരു ഫോട്ടോയാണ് ഈ പേജിൽ അപ്‌ലോഡ് ചെയ്തിരുന്നത്. ഈ ഫോട്ടോയ്ക്ക് താഴെ ഒരുപാട് ആരാധകർ അഭിനന്ദനങ്ങൾ അറിയിച്ച് എത്തുകയും ചെയ്തു. എന്നാൽ സായി പല്ലവി തന്റെ സോഷ്യൽ മീഡിയ അക്കൗണ്ടുകളിൽ ഒന്നും ഇത്തരമൊരു ഫോട്ടോ പോസ്റ്റ് ചെയ്തിട്ടില്ല.
ഈ ഫാൻ പേജിൽ വന്നതോടെ ഇതൊരു വാർത്തയാവുകയും പല അക്കൗണ്ടുകളിലും ഈ ഫോട്ടോ പ്രചരിപ്പിക്കുകയും മൂവി ഗ്രൂപ്പുകളിൽ ചർച്ചയാവുകയും ചെയ്തു. എപ്പോഴും സിമ്പിൾ ആയി നടക്കാൻ ഇഷ്ടപ്പെടുന്ന പല്ലവി തന്റെ വിവാഹവും അധികമാരെയും അറിയിക്കാതെ സിമ്പിൾ ആയി നടത്തിയതായിരിക്കാം എന്നാണ് കൂടുതൽ പേരും കരുതിയതും. എന്നാൽ പിന്നാലെ ഈ ഫോട്ടോയുടെ ക്രോപ്പ് ചെയ്യാത്ത വേർഷൻ വന്നു. ഈ ഫോട്ടോയിൽ ചെറുപ്പക്കാരന്റെ കയ്യിൽ സിനിമയുടെ ക്ലാപ്പ് ബോർഡ് കൂടിയുണ്ട്. ഈ ക്ലാപ്പ് ബോർഡ് കാണാത്ത രീതിയിൽ ക്രോപ്പ് ചെയ്താണ് മാലയിട്ട് നിൽക്കുന്ന ഇരുവരുടെയും ചിത്രം പ്രചരിപ്പിച്ചത്.ഈ ക്ലാപ്പ് ബോർഡിൽ എസ്കെ 21 എന്നെഴുതിയിട്ടുണ്ട്. ശിവകാർത്തികേയൻ നായകനാകുന്ന 21 മത്തെ ചിത്രത്തിന്റെ പൂജ ചടങ്ങിൽ വെച്ചുള്ള ഫോട്ടോയായിരുന്നു ഇത്. വ്യാജ വാർത്തകൾക്കൊപ്പം പ്രചരിച്ച ഈ ചിത്രത്തിൽ സംവിധായകൻ രാജ്കുമാർ പെരിയസ്വാമിയാണുള്ളത്.അദ്ദേഹമാണ് ചിത്രം സംവിധാനം ചെയ്യുന്നത്.2017ൽ റിലീസ് ചെയ്ത റങ്കൂൺ എന്ന തമിഴ് ചിത്രമാണ് അദ്ദേഹം മുൻപ് സംവിധാനം ചെയ്തിട്ടുള്ളത്. സത്യത്തിൽ ഇത്തരത്തിൽ വ്യാജവാർത്തകൾ പടച്ചു വിടുന്നവരെ കുറിച്ച് മാത്രം ഓർത്താൽ പോരാ, ഇങ്ങനെ ഒരു വാർത്ത കണ്ടതും സത്യമാണോ എന്നറിയാൻ സായി പല്ലവിയുടെ ഒഫീഷ്യൽ അക്കൗണ്ട് പോലും വിസിറ്റ് ചെയ്യാതെ അഭിനന്ദനങ്ങൾ അറിയിച്ച കുറേയധികം ആളുകളുണ്ട്. ആരെങ്കിലും എഴുതി വിടുന്ന വ്യാജവാർത്തകളെ കണ്ണുമടച്ച് വിശ്വസിക്കുന്ന ഇക്കൂട്ടർ തന്നെയാണ് വീണ്ടും വീണ്ടും വ്യാജ വാർത്തകൾ ഉണ്ടാകാനുള്ള പ്രചോദനമാകുന്നത് എന്നുകൂടി ഓർക്കേണ്ട സാഹചര്യമാണ് നിലവിലുള്ളത്.

@All rights reserved Typical Malayali.