ചേട്ടാ എന്നെ ഫോളോ ചെയ്യാന്‍ പറ്റുമോ എന്ന് ചോദിച്ച പെണ്‍കുട്ടിയോട് സലിം കുമാറിന്റെ മകന്‍ ചന്തുവിന്റെ മറുപടി; ‘കുട്ടി മറന്നതാ!’
ആരോഗ്യപരമായ പ്രശ്‌നങ്ങളെ തുടര്‍ന്ന് ഇപ്പോള്‍ അഭിനയത്തില്‍ നിന്ന് അകന്ന് നില്‍ക്കുകയാണ് സലിം കുമാര്‍. പക്ഷെ അച്ഛന്റെ സ്ഥാനത്തേക്ക് മകന്‍ ചന്തു സലിം കുമാര്‍ അതേ തലയെടുപ്പോടെ വന്നിട്ടുണ്ട്. യഥാര്‍ത്ഥ ജീവിതതത്തില്‍ ആയാലും സിനിമയില്‍ ആയാലും അച്ഛന്റെ തനി പകര്‍പ്പാണ് മകന്‍ എന്ന് പറയാതെ വയ്യ. സംസാരത്തിലും പെരുമാറ്റത്തിലും എല്ലാം പ്രേക്ഷകര്‍ക്ക് അത് അനുഭവിക്കാന്‍ കഴിയുന്നുണ്ട്.
വിരലിലെണ്ണാവുന്ന അത്രയും സിനിമകള്‍ മാത്രമേ ചെയ്തിട്ടുള്ളൂവെങ്കിലും, ചന്തു ജന മനസ്സില്‍ ഇടം നേടിക്കഴിഞ്ഞു. സോഷ്യല്‍ മീഡിയയില്‍ സജീവമായ താരപുത്രന്‍ പങ്കുവയ്ക്കുന്ന പോസ്റ്റുകളും ക്യാപ്ഷനും എല്ലാം ആകര്‍ഷണമാണ്. അത് മാത്രമല്ല, കമന്റും കൗതുകം നിറഞ്ഞതാണെന്നാണ് ഇപ്പോള്‍ പറയാനുള്ളത്.
‘ചേട്ടാ, ഇന്‍സ്റ്റഗ്രാം അക്കൗണ് ഫോളോ ചെയ്യാന്‍ പറ്റുമോ’ എന്ന് ചോദിച്ച് വന്ന ആരാധികയ്ക്ക് ചന്തു നല്‍കിയ കമന്റിനെ കുറിച്ചാണ് പറയുന്നത്. ‘ഞാന്‍ ഓള്‍റെഡി ഫോളോ ചെയ്യുന്നുണ്ട്, കുട്ടി മറന്നതാ’ എന്ന് പറഞ്ഞ് പൊട്ടിച്ചിരിക്കുന്ന ഒരു ഇമോജി നല്‍കുകയായിരുന്നു താരപുത്രന്‍. ഫോട്ടോഗ്രാഫറൊക്കെയായ ആരാധിക ചന്തുവിന്റെ മറുപടിയില്‍ തൃപ്തയുമായി.
ഫഹദ് ഫാസില്‍ നായകനായ മാലിക് എന്ന ചിത്രത്തിലൂടെയായിരുന്നു സലിം കുമാറിന്റെ മകന്‍ ചന്തുവിന്റെ അഭിനയാരങ്ങേറ്റം. എന്നാല്‍ ശ്രദ്ധിക്കപ്പെട്ടത് മഞ്ഞുമ്മല്‍ ബോയിസ് എന്ന ചിത്രത്തിലെ അഭിലാഷ് എനന കഥാപാത്രത്തിലൂടെയാണ്. ലൂസടിക്കടാ എന്ന ഡയലോഗിനൊപ്പം ചന്തുവും മലയാളി മനസ്സിലേക്ക് ഇടിച്ചു കയറി. അതിന് ശേഷം നടികര്‍ തിലകം എന്ന ടൊവിനോ തോമസ് ചിത്രത്തിലും ചന്തു അഭിനയിച്ചിട്ടുണ്ട്.
മഞ്ഞുമ്മല്‍ ബോയിസ് ഹിറ്റായ സമയത്ത് നല്‍കിയ അഭിമുഖത്തില്‍ ചന്തു പറഞ്ഞ ചില കൗണ്ടറുകള്‍ വൈറലായിരുന്നു. ചിത്രം 250 കോടി നേടി. അതില്‍ പത്ത് കോടി വീതം ഞങ്ങളോരോരുത്തര്‍ക്കും കിട്ടി എന്ന് പറഞ്ഞ് ആളുകള്‍ വീട്ടില്‍ കടം ചോദിച്ചു വന്നു എന്നാണ് ചന്ദു പറഞ്ഞത്. സലിം കുമാറിനെ പോലെ അഭിമുഖങ്ങളിലെല്ലാം കൗണ്ടറടിച്ച് ശ്രദ്ധ നേടുന്നതില്‍ മകനും പയറ്റിത്തെളിഞ്ഞതാണെന്ന് ആരാധകര്‍ പറഞ്ഞു.
@All rights reserved Typical Malayali.
Leave a Comment