സെറ്റ് സാരിയും നെറുകയിൽ സിന്ദൂരവും.. ഒരു താര ജാഡയും ഇല്ലാതെ വേദിയിലെത്തിയ സംയുക്ത വർമ്മ…

മലയാളികൾക്ക് ഏറെയിഷ്ടമുള്ള അഭിനേത്രിയാണ് സംയുക്ത വർമ്മ. വീണ്ടും ചില വീട്ടുകാര്യങ്ങളിലൂടെയായാണ് അവർ അരങ്ങേറിയത്. ആദ്യ സിനിമ മുതൽ മികച്ച പിന്തുണയായിരുന്നു സംയുക്തയ്ക്ക് ലഭിച്ചത്. ബിജു മേനോനൊപ്പമുള്ള സ്ക്രീൻ കെമിസ്ട്രി ജീവിതത്തിലേക്കും പകർത്തുകയായിരുന്നു പ്രിയനടി. വിവാഹത്തോടെയായി സിനിമയോട് ബൈ പറഞ്ഞ സംയുക്ത താരവിവാഹങ്ങളിലും മറ്റ് ചടങ്ങുകളിലൊക്കെ പങ്കെടുക്കാനെത്താറുണ്ട്. യോ​ഗ വീഡിയോയുമായും എത്താറുണ്ട്. സംയുക്ത സിനിമ വിട്ട കാലം മുതൽ അതിന് കാരണം ഞാനാണോ എന്ന ചോദ്യം കേട്ട് തുടങ്ങിയെന്ന് ബിജു മേനോൻ പറയുന്നു. തന്റെ പുതിയ ചിത്രമായ തങ്കത്തിന്റെ വിശേഷങ്ങൾ പങ്കിട്ട് സംസാരിക്കുന്നതിനിടയിലായിരുന്നു ബിജു മേനോൻ സംയുക്ത അഭിനയം നിർത്തിയതിനെക്കുറിച്ചും സംസാരിച്ചത്.സംയുക്ത എന്താണ് അഭിനയത്തിലേക്ക് തിരിച്ച് വരാത്തതെന്ന ചോദ്യം നിരവധി തവണ ഞാൻ നേരിട്ടിട്ടുണ്ട്. പലപ്പോഴും ഞാൻ അതിന് മറുപടി കൊടുക്കാറില്ല. അത് അവളുടെ തീരുമാനമാണ്. ഫാമിലി ലൈഫിലേക്ക് കടന്നപ്പോൾ മുതൽ സംയുക്ത നല്ല തിരക്കിലാണ്. മോൻ ജനിച്ചതോടെ രണ്ടാളും ജോലിക്ക് പോവുക എന്നത് പ്രായോ​ഗികമായി നടക്കില്ലായിരുന്നു. ഞാൻ ജോലിക്ക് പോവുന്നില്ലെന്നും മോന്റെ കാര്യങ്ങൾ നോക്കാമെന്നും തീരുമാനിച്ചത് സംയുക്തയാണെന്ന് ബിജു മേനോൻ പറയുന്നു.

അഭിനയത്തിൽ മാറി നിന്ന സമയത്തും സംയുക്തയ്ക്ക് നിരവധി അവസരങ്ങൾ ലഭിച്ചിരുന്നു. അതിലൊക്കെ തീരുമാനമെടുത്തത് അവളാണ്. ഇനി അഭിനയിക്കണ്ട എന്ന് ഞാനൊരിക്കലും പറഞ്ഞിട്ടില്ല. അവളായിട്ട് അഭിനയിക്കുന്നില്ലെന്ന് തീരുമാനിച്ചതാണ്. അവസരങ്ങൾ വന്നപ്പോഴെല്ലാം അവളാണ് ഇപ്പോൾ അഭിനയിക്കുന്നില്ലെന്ന് പറഞ്ഞത്. തികച്ചും വ്യക്തിപരമായ തീരുമാനം. അതിലൊന്നും ഞാൻ കൈകടത്തിയിട്ടില്ല.അഭിനയിക്കാൻ അവസരം കിട്ടിയപ്പോൾ അഭിനയിച്ചു. അങ്ങനെയേ സംയുക്ത സിനിമയെ സമീപിച്ചിട്ടുള്ളൂ. ആക്ടീവായിരുന്ന സമയത്ത് തന്നെ നിരവധി അവസരങ്ങൾ വേണ്ടെന്ന് വെച്ചിട്ടുണ്ട്. അഭിനയമൊക്കെ നിർത്തി കുടുംബിനിയാവാനുള്ള തീരുമാനത്തിലായിരുന്നു അവൾ. വിവാഹം നേരത്തെയായി എന്ന് തനിക്കൊരിക്കലും തോന്നിയിട്ടില്ലെന്ന് സംയുക്ത വർമ്മ നേരത്തെ വ്യക്തമാക്കിയിരുന്നു. കല്യാണം കഴിഞ്ഞ് രണ്ട് വർഷം കഴിഞ്ഞാണ് ഇവർക്ക് മകൻ ജനിച്ചത്.കുടുംബത്തിന് ഏറെ പ്രാധാന്യം കൊടുക്കുന്ന ക്യാരക്ടറാണ് സംയുക്തയുടേത്. ഞാനും അങ്ങനെ തന്നെയാണ്. കല്യാണത്തിന് മുൻപ് തന്നെ കുടുംബിനിയാവാനുള്ള തയ്യാറെടുപ്പ് സംയുക്ത നടത്തിയിരുന്നു. സ്വയം മാറിയതാണ്, ഞാൻ നിർബന്ധിച്ച് വന്ന മാറ്റമല്ല അതെന്നും ബിജു മേനോൻ പറയുന്നു. മകന്റെ കാര്യവും യോ​ഗ പഠനവുമൊക്കെയായി ആകെ തിരക്കാണെന്നായിരുന്നു തിരിച്ചുവരവിനെക്കുറിച്ച് ചോദിച്ചപ്പോൾ മുൻപ് സംയുക്ത പറഞ്ഞത്.

@All rights reserved Typical Malayali.