കുട്ടിക്കാലത്ത് ഒട്ടും പ്രതീക്ഷിക്കാത്തെ യാദൃശ്ചികമായി സംഭവിച്ച ഒന്നാണ് എന്റെ കരിയര്‍. അത് പിന്നീട് വര്‍ഷങ്ങള്‍ കടന്നുപോകുമ്പോള്‍ എന്റെ അപ്പമായി മാറി
സിനിമയില്‍ മാത്രമല്ല. മിനിസ്‌ക്രീനിലൂടെയും ചെറുപ്പം മുതലേ സജീവമായ, പ്രേക്ഷകര്‍ക്ക് മുന്നില്‍ വളര്‍ന്ന ചില താരങ്ങളുണ്ട്. അക്കൂട്ടത്തില്‍ ഒരാളാണ് ശില്‍പ ബാലയും. ഇരുപത് വര്‍ഷത്തോളമായി മിനിസ്‌ക്രീനില്‍ അവതാരകയായി തുടരുന്ന ശില്‍പയുടെ യാത്ര ഏതാനും സെക്കന്റുകളില്‍ മനോഹരമായി കാണിക്കുന്ന ഒരു വീഡിയോ പങ്കുവച്ചെത്തിയിരിക്കുകയാണ് ഇപ്പോള്‍ നടി. ഒരു ഫോളോവര്‍ അയച്ചു നല്‍കിയ വീഡിയോ തന്നില്‍ ഉണ്ടാക്കിയ സന്തോഷത്തെ കുറിച്ചും, ആ സുവര്‍ണ കാലത്തെ കുറിച്ചും ശില്‍പ ബാല പറയുന്നു.
‘ഈ വീഡിയോ എനിക്കയച്ചത് എന്റെ ഒരു ഫോളോവറാണ്. എന്നില്‍ ഇതെന്ത് റിയാക്ഷന്‍ ഉണ്ടാക്കും എന്നാണോ അവള്‍ പ്രതീക്ഷിച്ചത്, അത് അവള്‍ക്ക് സങ്കല്‍പിക്കാന്‍ കഴിയാവുന്നതിലും അപ്പുറമാണ്. 20 വര്‍ഷത്തിലധികം ടെലിവിഷനില്‍! തീര്‍ച്ചയായും ആദ്യത്തെ 10 വര്‍ഷം കണക്കാക്കരുത്, കാരണം അന്ന് ഞാന്‍ എന്താണ് ചെയ്യുന്നതെന്ന് എനിക്ക് ഒരറിവും ഉണ്ടായിരുന്നില്ല’
‘അന്നത്തെ ടെലിവിഷന്‍ സംവിധായകര്‍ പറയുന്നതെന്തും ഞാന്‍ പിന്തുടര്‍ന്നപ്പോള്‍, എന്റെ വസ്ത്രങ്ങളും മുടിയും ഡിസൈന്‍ ചെയ്തതും, സെറ്റ് ചെയ്തതും എല്ലാം അമ്മയാണ്. കൂടാതെ, വിദേശത്ത് സ്ഥിരതാമസമാക്കിയ എന്‍ആര്‍ഐ മലയാളികളില്‍ നിന്ന് എനിക്ക് ഫാന്‍സി ഡിന്നറുകളും ധാരാളം സ്‌നേഹവും ലഭിക്കുമായിരുന്നു, അവര്‍ പലപ്പോഴും എന്നെ സ്വന്തം കുട്ടിയെ പോലെയാണ് കണ്ടിരുന്നത്.’
‘ആ സുവര്‍ണ്ണ ദിനങ്ങള്‍ ഓര്‍മ്മിക്കുന്നത് എനിക്ക് ഒരു ഉന്മേഷമാണ്, അതേ സമയം ഒന്നും അറിയാത്ത എനിക്ക് എന്തൊക്കെ ചെയ്യാന്‍ കഴിഞ്ഞു എന്നത് എന്നെ സ്വയം ഓര്‍മപ്പെടുത്തുന്നു.’
‘ഇത് ടിവി ഹോസ്റ്റ് എന്ന നിലയിലുള്ള എന്റെ യാത്ര മാത്രമല്ല, മറിച്ച് വ്യത്യസ്ത പ്രായത്തിലും സംസ്‌കാരത്തിലും പെട്ട നിരവധി ആളുകളുമായി പ്രവര്‍ത്തിച്ചതിന്റെ, ഇടപെട്ടതിന്റെ അനുഭവങ്ങളാണ്. ചെറുപ്പം മുതലേ എല്ലാ തീവ്രതയിലും ഏറ്റവും മോശമായ കൊടുങ്കാറ്റുകളെപ്പോലും നേരിടാനുള്ള ശക്തിയും ആത്മവിശ്വാസവും വൈദഗ്ധ്യവും അത് എനിക്ക് സമ്മാനിച്ചു.’
‘കുട്ടിക്കാലത്ത് ഒട്ടും പ്രതീക്ഷിക്കാത്തെ യാദൃശ്ചികമായി സംഭവിച്ച ഒന്നാണ് എന്റെ കരിയര്‍. അത് പിന്നീട് വര്‍ഷങ്ങള്‍ കടന്നുപോകുമ്പോള്‍ എന്റെ അപ്പമായി മാറി, അതിനെല്ലാം ഞാന്‍ എന്നേക്കും നന്ദിയുള്ളവളാണ്. അതൊരു കേക്ക് വാക്ക് ആയിരുന്നില്ല. മൊബൈല്‍ ഫോണോ സോഷ്യല്‍ മീഡിയയോ ഇല്ല. അറബിക്കടല്‍ കടന്ന എല്ലാ കുടുംബങ്ങള്‍ക്കും ഒരേയൊരു ലക്ഷ്യമേ ഉണ്ടായിരുന്നുള്ളൂ. സന്തോഷത്തോടെ നിലനിര്‍ത്താന്‍. പ്രത്യാശ, ഒരുമ, വിശ്വാസം, ദൃഢത, സ്‌നേഹത്തിലെ ഐക്യം എന്നിവയായിരുന്നു അന്ന് പ്രവര്‍ത്തിച്ചത്. ഏറ്റവും സുരക്ഷിതവും സമാധാനപരവുമായ സുവര്‍ണ്ണ ദിനങ്ങള്‍’- ഇത്രയും പറഞ്ഞതിന് ശേഷം നെടുവീര്‍പ്പോടെയാണ് താരം പോസ്റ്റ് അവസാനിപ്പിയ്ക്കുന്നത്.
@All rights reserved Typical Malayali.
Leave a Comment