അക്ഷയ് കുമാറിനോടൊപ്പം മത്സരിച്ച നൃത്തം ചെയ്ത് ലാലേട്ടൻ പിന്നാലെ പൃഥ്വിരാജും സാരി മടക്കി കുത്തി സുപ്രിയയും

സിനിമയെ വെല്ലുന്ന ദൃശ്യഭം​ഗി ‘ഷേർഷ’ ​ഗാനത്തിൽ സിദ്കിയാര വിവാഹവീഡിയോ.ഷേർഷയിലെ ​ഗാനത്തിന്റെ ലിറിക്സ് മാറ്റിയാണ് വിവാഹ വീഡിയോയ്ക്കായി ഒരുക്കിയിരിക്കുന്നത്. രാഞ്ജ എന്ന് തുടങ്ങുന്ന പാട്ട് ഒരു വിഷാദ ​ഗാനമാണ്. എന്നാൽ അത് ഞങ്ങളുടെ പാട്ടാണെന്ന് കിയാര പറഞ്ഞതിനെ തുടർന്നാണ് ലിറിക്സ് മാറ്റിയതെന്നും വിവാഹ വീഡിയോ ഒരുക്കിയ വിശാൽ പഞ്ചാബി പറയുന്നു.കിയാരയും സിദ്ധാർഥും ഒന്നിച്ചെത്തിയ ഷേർഷ ബോക്സോഫീസിലും മികച്ച വിജയം നേടിയിരുന്നു.നിരവധി ചിത്രങ്ങളാണ് താരങ്ങളുടേതായി ഇനി പുറത്തുവരാനുള്ളത്.വിവാഹ വീഡിയോ ഇതിനോടകം മൂന്ന് ലക്ഷത്തിലധികം പേർ കണ്ടു കഴിഞ്ഞു.ബോളിവുഡ് ഏറെ ആവേശത്തോടെ ആഘോഷിച്ച താരവിവാഹമായിരുന്നു സിദ്ധാർഥിന്റെയും കിയാരയുടേയും. കഴിഞ്ഞ ദിവസം നടന്ന വിവാഹത്തിന്റെ ചിത്രങ്ങൾ സോഷ്യൽ മീഡിയയിൽ വൈറലായിരുന്നു. ഫെബ്രുവരി 7 ന് രാജസ്ഥാനിലെ ജയ്സൽമീറിലെ സൂര്യഗഡ് ഹോട്ടലിൽ വച്ചായിരുന്നു താരങ്ങളുടെ വിവാഹം. എന്റെ കാര്യത്തിൽ ഒരു തീരുമാനമായി എന്ന അർഥം വരുന്ന ക്യാപ്ഷനോടെയാണ് താരങ്ങൾ വിവാഹ ചിത്രം പങ്കുവച്ചത്. മുന്നോട്ടുള്ള യാത്രയിൽ നിങ്ങളുടെ അനുഗ്രഹവും സ്നേഹവും ഞങ്ങൾക്ക് ആവശ്യമുണ്ടെന്നും ഇൻസ്റ്റഗ്രാം പോസ്റ്റിൽ താരങ്ങൾ കുറിച്ചിരുന്നു. ഇപ്പോഴിത രാജകീയമായി നടന്ന വിവാഹത്തിന്റെ വീഡിയോ ആരാധകർക്കായി പങ്കുവച്ചിരിക്കുകയാണ് കിയാര.ഇരുവരും ഒന്നിച്ചഭിനയിച്ച ഷേർഷ എന്ന ചിത്രത്തിലെ ഗാനമാണ് വീഡിയോയിൽ പശ്ചാത്തലമായി കേൾക്കുന്നത്. സിനിമയിൽ കാണുന്ന പോലെയാണ് വിവാഹ വീഡിയോ. സിദ്ധാർഥിന്റെ അടുത്തേക്ക് നൃത്തം ചെയ്താണ് കിയാര വരുന്നത്. പ്രണയപൂർവം താരങ്ങൾ പരസ്പരം മാല അണിയിക്കുന്നതും വീഡിയോയിൽ കാണാം. നിരവധി ആരാധകരാണ് വീഡിയോയ്ക്ക് കമന്റുമായെത്തിയിരിക്കുന്നത്. എന്ത് മനോഹരമാണ് വീഡിയോ എന്നാണ് പലരും കുറിച്ചിരിക്കുന്നത്. പിങ്ക് നിറത്തിലെ ലെഹങ്കയായിരുന്നു കിയാര വിവാഹത്തിനായി തെരഞ്ഞെടുത്തത്. മനീഷ് മൽഹോത്രയായിരുന്നു ലെഹങ്ക ഡിസൈൻ ചെയ്തത്. ലസ്റ്റ് സ്റ്റോറീസ് എന്ന സിനിമയുടെ സെറ്റിൽ വച്ചാണ് ഇരുവരും തമ്മിൽ ആദ്യമായി കണ്ടുമുട്ടുന്നത്.

പിന്നീട് 2021-ൽ പുറത്തിറങ്ങിയ ഷേർഷ എന്ന ചിത്രത്തിന്റെ ഷൂട്ടിങ്ങിനിടെ ഇരുവരും തമ്മിൽ പ്രണയത്തിലാവുകയായിരുന്നു. മീറ രാജ്പുത്, ഷാഹിദ് കപൂർ, കരൺ ജോഹർ, മനീഷ് മൽഹോത്ര, ജൂഹി ചൗള തുടങ്ങിയവർ വിവാഹത്തിൽ പങ്കെടുത്തിരുന്നു. ഫെബ്രുവരി 9 ന് സുഹൃത്തുക്കൾക്കും കുടുംബത്തിനുമായി വിവാഹ റിസപ്ഷൻ നടത്തിയിരുന്നു. ഞായറാഴ്ച താരങ്ങൾക്കായി മുംബൈയിൽ റിസപ്ഷൻ ഒരുക്കിയിട്ടുണ്ട്. വിവാഹം കഴിഞ്ഞ് ഡൽഹിയിലെ വീട്ടിലെത്തിയ സിദ്ധാർഥിനും കിയാരയ്ക്കും ഗംഭീര സ്വീകരണമാണ് ഒരുക്കിയിരുന്നത്.വിമാനത്താവളത്തിൽ മാധ്യമപ്രവർത്തകർക്ക് മധുരപലഹാരങ്ങൾ വിതരണം ചെയ്യുകയും ചെയ്തിരുന്നു. ഗോവിന്ദ നാം മേരയിലാണ് കിയാര ഒടുവിൽ അഭിനയിച്ചത്. വിക്കി കൗശലും ഭൂമി പെഡ്‌നേക്കറുമായിരുന്നു ചിത്രത്തിൽ പ്രധാന വേഷത്തിലെത്തിയത്. ജഗ്ജഗ് ജിയോ എന്ന ചിത്രത്തിലും കിയാര അഭിനയിച്ചിരുന്നു. കാർത്തിക് ആര്യനൊപ്പം സത്യപ്രേം കി കഥ എന്ന ചിത്രമാണ് കിയാരയുടേതായി റിലീസിന് തയ്യാറെടുക്കുന്നത്.മിഷൻ മ‍ജ്നുവായിരുന്നു സിദ്ധാർഥിന്റേതായി ഒടുവിൽ പുറത്തിറങ്ങിയ ചിത്രം. രശ്മിക മന്ദാന നായികയായെത്തിയ ചിത്രം നെറ്റ്ഫ്ലിക്സിലൂടെയാണ് പുറത്തുവന്നത്. യോദ്ധ, ഇന്ത്യൻ പോലീസ് ഫോഴ്സ് എന്നിവയാണ് സിദ്ധാർഥിന്റേതായി അണിയറയിൽ ഒരുങ്ങുന്നത്.

@All rights reserved Typical Malayali.