വിവാഹ ജീവിതം ബോര്‍ അടിച്ചിരുന്നു, തുറന്ന് പറഞ്ഞ് സ്‌നേഹ; എങ്ങനെയാണ് അതില്‍ നിന്നും പുറത്ത് കടന്നത്?
വിവാഹ ജീവിതം ബോര്‍ അടിച്ചിരുന്നു, തുറന്ന് പറഞ്ഞ് സ്‌നേഹ; എങ്ങനെയാണ് അതില്‍ നിന്നും പുറത്ത് കടന്നത്?
പന്ത്രണ്ട് വര്‍ഷത്തെ വിവാഹ ജീവിതത്തിനിടയില്‍ ഒരുപാട് വഴക്കുകള്‍ ഉണ്ടായിട്ടുണ്ട്. എന്തിനേറെ, ബോറിങ് തോന്നിയിട്ടുണ്ട്. പക്ഷേ അതൊക്കെ എങ്ങനെ മാറ്റിയെടുക്കാം എന്ന് ഞങ്ങള്‍ക്ക് അറിയാമായിരുന്നു. ഇപ്പോഴും പ്രണയിച്ച് മുന്നോട്ട് പോകുന്നതിനെ കുറിച്ച് സ്‌നേഹ പറയുന്നു.
sneha prasanna
വിവാഹ ജീവിതം ബോര്‍ അടിച്ചിരുന്നു, തുറന്ന് പറഞ്ഞ് സ്‌നേഹ; എങ്ങനെയാണ് അതില്‍ നിന്നും പുറത്ത് കടന്നത്?
സൂര്യ – ജ്യോതികയെ പോലെ, അജിത്ത് – ശാലിനിയെ പോലെ അധികം ആഘോഷിക്കപ്പെടാത്ത താരജോഡികളാണ് സ്‌നേഹയും പ്രസന്നയും. എന്നാല്‍ ഇരുവരും പരസ്പരം എത്രത്തോളം പിന്തുണച്ചാണ് മുന്നോട്ട് പോകുന്നത് എന്ന് പല അവസരങ്ങളിലും പ്രേക്ഷകര്‍ കണ്ടിട്ടുണ്ട്. പ്രസന്നയ്ക്ക് മുന്നെ തന്റെ ജീവിതത്തിലുണ്ടായ പ്രണയ പരാജയങ്ങള്‍ക്കെല്ലാം നന്ദി, അന്ന് അത് എന്നെ വേദനിപ്പിച്ചിരുന്നുവെങ്കിലും, ഇന്ന് എനിക്ക് പ്രസന്നനെ പോലൊരു ഭര്‍ത്താവിനെ കിട്ടിയല്ലോ എന്നാണ് സ്‌നേഹ പറയുന്നത്.
നടിയും അവതാരകയുമായ രമ്യയുടെ യൂട്യൂബ് ചാനലിന് നല്‍കിയ അഭിമുഖത്തില്‍ സംസാരിക്കുകയായിരുന്നു സ്‌നേഹം. ഇപ്പോള്‍ അഭിനേത്രി എന്നതിനപ്പുറം ബിസിനസ്സുകാരി കൂടെയാണ്. സ്‌നേഹാലയം എന്ന വസ്ത്രവ്യാപാരം നടത്തുന്നുണ്ട്. അത് കുറച്ചുകൂടെ വിപുലീകരിച്ച്, ഓണ്‍ലൈനിലേക്കും ഇറങ്ങാനാണ് സ്‌നേഹയുടെ പ്ലാന്‍. എല്ലാത്തിനും പ്രസന്നയുടെ പിന്തുണയുണ്ട് എന്ന് സ്‌നേഹ പറയുന്നു
വിവാഹം കഴിഞ്ഞിട്ട് പന്ത്രണ്ട് വര്‍ഷമായി, എങ്ങനെയാണ് ഇത്ര വിജയകരമായി മുന്നോട്ടുപോകുന്നത്, അതിനിടയില്‍ ബോറിങ് തോന്നിയിട്ടില്ലേ എന്നൊക്കെ രമ്യ ചോദിച്ചപ്പോള്‍ സ്‌നേഹ വളരെ കൃത്യമായ മറുപടി നല്‍കി. തീര്‍ച്ചയായും ബോറിങ് ഒക്കെ തോന്നിയിട്ടുണ്ട്. പക്ഷെ അതെങ്ങനെ മാറ്റണം എന്നതും ഞങ്ങള്‍ക്ക് അറിയാം.
പ്രണയ വിവാഹമായിരുന്നു, വിവാഹത്തിന് ശേഷം ആ ജീവിതം ആസ്വദിക്കാന്‍ ഒറ്റയ്ക്ക് താമസിക്കണം എന്ന് ഞങ്ങള്‍ തീരുമാനിച്ചു. അങ്ങനെ വാടക വീട് നോക്കിയെങ്കിലും തുടക്കത്തില്‍ കിട്ടിയില്ല. അത് കാരണം കല്യാണം കഴിഞ്ഞ് പത്ത് പന്ത്രണ്ട് ദിവസം വേര്‍പിരിഞ്ഞാണ് ജീവിച്ചത്. പിന്നീട് വീട് കിട്ടി, ആ സ്റ്റേജ് ഞങ്ങള്‍ നന്നായി ആസ്വദിച്ചിരുന്നു. അത് കഴിഞ്ഞ് കുഞ്ഞുങ്ങള്‍ ജീവിതത്തിലേക്ക് വന്നു.
ദമ്പതികള്‍ എന്ന നിലയില്‍ ഞങ്ങള്‍ക്കിടയില്‍ നല്ല വഴക്കുകള്‍ നടക്കാറുണ്ട്. പക്ഷെ വഴക്കിനൊടുവില്‍ ആര് ക്ഷമ പറയുന്നു, ആര് വിട്ടുവീഴ്ച ചെയ്യുന്നു എന്നതല്ല. എന്റെ പോയിന്റ് എന്താണോ അത് പ്രസന്നയ്ക്കും, പ്രസന്നന്റെ പോയിന്റ് എന്താണോ അത് എനിക്കും മനസ്സിലാവുന്നുണ്ടോ എന്നതിലാണ് കാര്യം. വിവാഹ ജീവിതത്തില്‍ ബോറിങ് തോന്നുമ്പോള്‍, ഞങ്ങള്‍ നൈറ്റ് ഡ്രൈവ് പോകും. അല്ലെങ്കില്‍ ഏതെങ്കിലും വിദേശത്തേക്ക് ഒരു ടൂര്‍ നടത്തും. ഒരുപാട് സംസാരിക്കും. പ്രണയിച്ചിരുന്ന കാലത്തെ കുറിച്ചൊക്കെ പറയുമ്പോള്‍ വീണ്ടും ആ ഫീലൊക്കെ വരും. പിന്നെ ഒരു ആറ് മാസത്തേക്ക് അത് മതി
ഞാന്‍ പൊസസ്സീവ് ആയ ഭാര്യയാണ്. പക്ഷെ അവിടെ വിശ്വാസം നഷ്ടപ്പെടരുത് എന്നത് പ്രധാനമാണ്. രാത്രി നേരം വൈകുമ്പോള്‍ എന്നെ വിലിച്ചു പറഞ്ഞില്ലെങ്കില്‍, അതെന്താ എന്നെക്കാള്‍ പ്രധാനമുള്ളത് എന്താണ് എന്ന് ചിന്തിക്കും. അത് പൊസസ്സീവാണ്. പക്ഷെ ഒരിക്കലും എനിക്ക് വിശ്വാസക്കുറവില്ല. അതുകൊണ്ട് എവിടെ പോയാലും വിളിക്കും. എന്നെ സംബന്ധിച്ച് അത് മതി. പക്ഷെ മക്കളായതിന് ശേഷം വിളിക്കുമ്പോള്‍, കോള്‍ എടുക്കാന്‍ എനിക്ക് നേരമില്ലാത്ത അവസ്ഥയാണ്- സ്‌നേഹ പറഞ്ഞു.
@All rights reserved Typical Malayali.
Leave a Comment