കല്യാണം കഴിഞ്ഞപ്പോൾ വീട്ടിൽ കയറ്റിയില്ല! മകൻ ജനിച്ചതോടെ അച്ഛൻ തീരുമാനം മാറ്റി! നമ്പൂതിരി ആചാരപ്രകാരം വീണ്ടും കല്യാണം നടത്തി! പ്രണയവിവാഹത്തെക്കുറിച്ച് ശ്രീലത നമ്പൂതിരി പറഞ്ഞത്

കല്യാണം കഴിഞ്ഞപ്പോൾ വീട്ടിൽ കയറ്റിയില്ല! മകൻ ജനിച്ചതോടെ അച്ഛൻ തീരുമാനം മാറ്റി! നമ്പൂതിരി ആചാരപ്രകാരം വീണ്ടും കല്യാണം നടത്തി! പ്രണയവിവാഹത്തെക്കുറിച്ച് ശ്രീലത നമ്പൂതിരി പറഞ്ഞത്?.
പ്രണയവിവാഹമായിരുന്നു ശ്രീലത നമ്പൂതിരിയുടേത്. ആ പ്രണയത്തില്‍ നിന്നും മാറാനായി ശ്രമിച്ചിരുന്നുവെങ്കിലും അദ്ദേഹത്തിന്റെ ആത്മാര്‍ത്ഥത മനസിലാക്കിയതോടെയാണ് വിവാഹിതരാവാന്‍ തീരുമാനിച്ചതെന്നും അതിന് ശേഷമായി സിനിമയില്‍ നിന്നും താന്‍ ബ്രേക്കെടുത്തിരുന്നുവെന്നും ശ്രീലത നമ്പൂതിരി പറഞ്ഞിരുന്നു.സിനിമയിലും സീരിയലിലുമൊക്കെയായി പ്രേക്ഷകര്‍ക്ക് സുപരിചിതയായി മാറിയ താരമാണ് ശ്രീലത നമ്പൂതിരി. അച്ഛന്റെ സഹോദരിയായ കുമാരി തങ്കത്തിന് പിന്നാലെയായാണ് ശ്രീലതയും അഭിനയമേഖലയിലേക്ക് എത്തിയത്. അവരാണ് ശ്രീലതയെന്ന പേരിട്ടതെന്ന് താരം പറയുന്നു. മക്കള്‍ക്കൊപ്പമായി പണം ചതരും പടത്തിലേക്ക് അതിഥിയായി എത്തിയപ്പോഴായിരുന്നു ശ്രീലത വിശേഷങ്ങള്‍ പങ്കുവെച്ചത്. അഭിനയം മാത്രമല്ല മികച്ച ഗായിക കൂടിയാണ് താനെന്നും ശ്രീലത തെളിയിച്ചിരുന്നു.കണ്ണില്‍ ലെന്‍സ് വെച്ചിരിക്കുകയാണോയെന്ന് ആളുകള്‍ ചോദിക്കാറുണ്ട്. പ്രായമായോണ്ട് ഡബിള്‍ കളറാണ്. ആളുകള്‍ ഇങ്ങനെയുള്ള ലെന്‍സ് ചോദിച്ച് പോവാറുണ്ട്. എന്നാല്‍ അങ്ങനെയൊന്ന് കിട്ടാനില്ല. ലോംഗ് ജമ്പില്‍ മത്സരിക്കാറുണ്ടായിരുന്നു സ്‌കൂളില്‍ പഠിച്ചിരുന്ന സമയത്ത്. അടൂര്‍ ഭാസിക്കൊപ്പം അഭിനയിക്കാനുള്ള അവസരമായിരുന്നു ആദ്യം ലഭിച്ചത്. ഹാസ്യം പറയാനറിയില്ലെന്ന് പറഞ്ഞ് ആദ്യത്തെ അവസരം വേണ്ടെന്ന് വെക്കുകയായിരുന്നു. പിന്നീട് അദ്ദേഹത്തിനൊപ്പമാണ് കൂടുതല്‍ സിനിമകളില്‍ അഭിനയിച്ചത്. സ്‌പോര്‍ട്ടിലാണ് പുള്ളി കോമഡി പറയാറുള്ളത്. കൗണ്ടര്‍ പറയാന്‍ നിങ്ങള്‍ റെഡിയായിക്കോ എന്ന് പറയും. റിഹേഴ്‌സലിന് പറഞ്ഞാല്‍ അത് വളിച്ച് പോവുമെന്നും അദ്ദേഹം പറയാറുണ്ടായിരുന്നു. ആദ്യം നിങ്ങള്‍ അഭിനയിക്കാന്‍ മടിച്ചില്ലേ, ഇപ്പോഴെങ്ങനെയുണ്ടെന്ന് അദ്ദേഹം പിന്നീട് ചോദിക്കാറുണ്ടായിരുന്നു.

കോളിളക്കത്തില്‍ ജയനോടൊപ്പം അഭിനയിച്ചിരുന്നു. അദ്ദേഹത്തെ എല്ലാവര്‍ക്കും ഇഷ്ടമായിരുന്നു. എനിക്ക് അഭിനയിക്കാനിഷ്ടമാണെന്ന് നിങ്ങളെല്ലാവരോടും പറയണമെന്ന് പറയാറുണ്ടായിരുന്നു. പെട്ടെന്നായിരുന്നു അദ്ദേഹത്തിന്റെ വളര്‍ച്ച. കോളിളക്കത്തില്‍ അഭിനയിച്ചതിന് ശേഷമായാണ് ഞാന്‍ ചെന്നൈ വിടുന്നത്. അപകടം സംഭവിച്ച് അദ്ദേഹത്തെ ആശുപത്രിയിലേക്ക് കൊണ്ടുപോയെന്നൊക്കെ അറിഞ്ഞിരുന്നു. പിന്നെയാണ് മരിച്ചുവെന്ന വിവരം വന്നത്. വല്ലാത്തൊരു ഷോക്കായിരുന്നു എനിക്ക്. ആദ്യ ടേക്ക് ഓക്കെയായിരുന്നു, ഒന്നൂടെ എടുക്കണമെന്ന് പറഞ്ഞത് പുള്ളിയാണ്. കോളിളക്കത്തില്‍ ഞാന്‍ ഡബിള്‍ റോളിലായിരുന്നു.ഞങ്ങള്‍ രണ്ടാളും ഒന്നിച്ചൊരു സിനിമയില്‍ അഭിനയിച്ചു. പാപത്തിന് മരണമില്ല എന്നായിരുന്നു സിനിമയുടെ പേര്. പുള്ളി നായകനും ഞാന്‍ നായികയുമാണ്. ഷൂട്ടിംഗ് കഴിഞ്ഞ് പോവുമ്പോള്‍ പോയിട്ട് വരാമെന്ന് പറഞ്ഞിരുന്നു. രണ്ടുമൂന്ന് തവണ അത് പറഞ്ഞിരുന്നു. ഇതിലെന്തോ പന്തികേടുണ്ടല്ലോയെന്ന് അന്ന് സുകുമാരിയമ്മ പറഞ്ഞിരുന്നു. വേനലിലൊരു മഴയിലാണ് പിന്നീട് ഞങ്ങള്‍ കണ്ടത്. അതിലൊരു ചെറിയ വേഷമായിരുന്നു. അന്നെന്റെ ചെറിയൊരു കച്ചേരിയുണ്ടായിരുന്നു. അത് കാണാനൊക്കെ അദ്ദേഹം വന്നിരുന്നു. ഞാനിത് പ്രതീക്ഷിച്ചില്ല, നന്നായിട്ടുണ്ടെന്ന് പറഞ്ഞിരുന്നു. ഇടയ്ക്കിടയ്ക്ക് വിളിക്കാറുണ്ടായിരുന്നു.അങ്ങനെയിരിക്കെയാണ് നമുക്കങ്ങ് കെട്ടിയാലോ എന്ന് അദ്ദേഹം ചോദിച്ചത്. അതുകേട്ട് ഞാന്‍ ചിരിക്കുകയായിരുന്നു. അതിന്റെ വരും വരായ്കകളെക്കുറിച്ച് ആലോചിച്ചിട്ടുണ്ടോയെന്നും ചോദിച്ചിരുന്നു. അദ്ദേഹത്തിന്റെ അമ്മാവന്‍മാര്‍ ഗുരുവായൂരിലെ മേല്‍ശാന്തിമാരൊക്കെയാണ്. കല്യാണം കഴിഞ്ഞാല്‍ വീട്ടില്‍ കയറ്റില്ലെന്ന് ഉറപ്പായിരുന്നു. പിന്നെ ഇടയ്ക്കിടയ്ക്ക് കത്തയയ്ക്കുമായിരുന്നു. എനിക്കൊരാളുമായി അടുപ്പമുണ്ടായിരുന്നു എന്നൊക്കെ ഞാന്‍ കള്ളം പറഞ്ഞിരുന്നു. എന്താണ് കെട്ടാതിരുന്നതെന്ന് ചോദിച്ചപ്പോള്‍ അയാളുടെ കല്യാണം കഴിഞ്ഞെന്ന് പറഞ്ഞു. അയാളുടെ അഡ്രസ് ചോദിച്ചിരുന്നു. നിങ്ങളൊരു ദുഷ്ടനാണ്, ഒരു സ്ത്രീയുടെ ജീവിതം നശിപ്പിച്ച് വേറൊരു സ്ത്രീയെ നശിപ്പിക്കാന്‍ നടക്കുന്നോ, അങ്ങനെ എന്തൊക്കെയോ ആണ് കത്തിലെഴുതിയത്. സഹോദരനോട് കാര്യം പറഞ്ഞ് അദ്ദേഹത്തിന്റെ അഡ്രസായിരുന്നു കൊടുത്തത്. എനിക്ക് സഹോദരന്‍ ആ കത്ത് അയച്ചുതന്നിരുന്നു.

അതിനിടയിലാണ് ഞാന്‍ വീടൊന്ന് കാണണമെന്ന് പറഞ്ഞത്. അതിനെന്താ കാണിച്ച് തരാല്ലോയെന്ന് പറഞ്ഞ് എന്നെ വീട്ടില്‍ കൊണ്ടുപോയി, ഗുരുവായൂരിലും തൊഴാന്‍ കൂട്ടിയിരുന്നു. ഇനി എങ്ങനെ ഒഴിവാക്കുമെന്ന് അറിയില്ല. അതിന് ശേഷമായാണ് പുള്ളിയുടെ ആത്മാര്‍ത്ഥത മനസിലാക്കിയത്. കല്യാണം കഴിഞ്ഞാല്‍ വീട്ടില്‍ കയറ്റിയില്ലെങ്കില്‍ വേറെ വീടെടുത്ത് താമസിക്കാമെന്ന് പറഞ്ഞിരുന്നു. വിവാഹത്തോടെ ഞാന്‍ അഭിനയം നിര്‍ത്തുകയും ചെയ്തു. കുഞ്ഞായപ്പോഴാണ് അച്ഛന്‍ വീട്ടിലേക്ക് കയറ്റിയത്. നമ്പൂതിരി ആചാരങ്ങളിലൂടെയായി പിന്നീട് വിവാഹം നടത്തിയിരുന്നു.23 വര്‍ഷം സിനിമയില്‍ നിന്നും മാറിനിന്നിരുന്നു. ഞാനും ഫാക്ടറിയും കുറേ ആള്‍ക്കാരും അതായിരുന്നു അന്നത്തെ ജീവിതം. അദ്ദേഹത്തിന് മരുന്ന് ഫാക്ടറിയായിരുന്നു. മരുന്നുണ്ടാക്കാനുള്ള കാര്യങ്ങളൊക്കെ പഠിച്ചത് അങ്ങനെയാണ്. ആയുര്‍വേദത്തെക്കുറിച്ച് അറിഞ്ഞതോടെയാണ് ആരോഗ്യത്തെക്കുറിച്ച് കൂടുതലായി മനസിലാക്കിയത്. ജീവിതത്തിലൊരൊറ്റ പ്രാവശ്യം മാത്രമേ ഞാന്‍ ബ്യൂട്ടിപാര്‍ലറില്‍ പോയിട്ടുള്ളൂ. എനിക്ക് വിശ്വാസമില്ല, ചെയ്യുന്നവരെ ഞാനൊരിക്കലും കുറ്റം പറയത്തില്ല. ഉറങ്ങാന്‍ കിടക്കുമ്പോള്‍ ഒന്നും ഓര്‍ക്കരുതെന്ന് ഹസ്ബന്‍ഡ് പറയുമായിരുന്നു.

@All rights reserved Typical Malayali.