ആ സ്വഭാവം എനിക്ക് ഇഷ്ടമില്ല! ഭാവി വരന്റെ ക്യാരക്ടറില്‍ ഇഷ്ടമല്ലാത്ത കാര്യത്തെക്കുറിച്ച് ശ്രീവിദ്യ മുല്ലച്ചേരി പറഞ്ഞത്?
കല്യാണത്തിന് നാളെണ്ണി കാത്തിരിക്കുകയാണ് ശ്രീവിദ്യ മുല്ലച്ചേരിയും രാഹുല്‍ രാമചന്ദ്രനും. കല്യാണത്തീയതി നിശ്ചയിച്ചത് മുതലുള്ള വിശേഷങ്ങളെല്ലാം സോഷ്യല്‍മീഡിയയിലൂടെ പങ്കിടുന്നുണ്ട് ഇരുവരും. സുരേഷ് ഗോപിക്കായിരുന്നു ആദ്യത്തെ ക്ഷണം. അദ്ദേഹത്തെ ആദ്യം വിളിക്കണമെന്ന് ആഗ്രഹിച്ചിരുന്നു. അത് സഫലമായി. ആദ്യം കുറി കൊടുക്കുമ്പോള്‍ താലത്തില്‍ കസവ് മുണ്ടും, വെറ്റിലയും, അടക്കയുമൊക്കെ വെച്ച് വേണം ക്ഷണക്കത്ത് വെക്കാന്‍ എന്നൊക്കെയുണ്ട്. അതൊക്കെ ശരിയാക്കിയാണ് അദ്ദേഹത്തെ കണ്ടത്. കാലില്‍ തൊട്ട് അനുഗ്രഹം മേടിക്കണമെന്നുണ്ടായിരുന്നുവെങ്കിലും അത് കല്യാണത്തിന് ആവാമെന്നാണ് അദ്ദേഹം പറഞ്ഞതെന്നും ഇരുവരും വ്യക്തമാക്കിയിരുന്നു.
വിവാഹത്തിന് മുന്‍പായി രാഹുലിനോട് കുറച്ച് ചോദ്യങ്ങള്‍ ചോദിച്ചിരിക്കുകയാണ് ശ്രീവിദ്യ. തിരിച്ച് രാഹുലും ചില കാര്യങ്ങള്‍ ചോദിച്ചിരുന്നു. നമുക്ക് ചോയിച്ച് ചോയിച്ച് പോവാമെന്ന ക്യാപ്ഷനോടെയായിരുന്നു പുതിയ വീഡിയോ പങ്കുവെച്ചത്.
മേജര്‍ രവിയുടെ സിനിമ പോലെയായിരിക്കും ഞങ്ങളുടെ ജീവിതം എന്നാണ് തോന്നുന്നത്. പൊട്ടല്‍, ചീറ്റല്‍, സമാധാനം, സന്തോഷം അങ്ങനെയായിരിക്കുമെന്ന് തോന്നുന്നു. ‘ലൈഫ് ഈസ് ബ്യൂട്ടിഫുള്‍’ പോലെയാവണം എന്ന് എനിക്കാഗ്രഹമുണ്ടെന്നായിരുന്നു ശ്രീവിദ്യയുടെ കമന്റ്. എന്നാല്‍ നടക്കാന്‍ പോവുന്നത് ‘കലി’യായിരിക്കും എന്നും രാഹുല്‍ പറയുന്നുണ്ടായിരുന്നു.
ആദ്യത്തെ കുഞ്ഞിന്റെ പേര് എന്തായിരിക്കുമെന്ന ചോദ്യവുമുണ്ടായിരുന്നു. ആണ്‍കുഞ്ഞാണെങ്കില്‍ അന്തരീക്ഷ് എന്ന് പേരിടും. പെണ്‍കുഞ്ഞാണെങ്കില്‍ ലവ് എന്ന് വിളിക്കാനാണ് എനിക്ക് ഇഷ്ടം. മിഴി, മൊഴി, മഴ ഒക്കെയാണ് എന്റെ ലിസ്റ്റിലെ പേരുകളെന്നായിരുന്നു ശ്രീവിദ്യ മറുപടിയേകിയത്. അധികം ആര്‍ക്കും ഇല്ലാത്ത പേരായിരിക്കണമെന്നുണ്ടെന്നും ശ്രീവിദ്യ പറഞ്ഞിരുന്നു.
ഇഷ്ടമില്ലാത്ത സ്വഭാവത്തെക്കുറിച്ചും രണ്ടുപേരും സംസാരിച്ചിരുന്നു. ഒരാള്‍ ഇറിറ്റേറ്റഡായിരിക്കുമ്പോള്‍ സ്‌പേസ് കൊടുക്കത്തില്ലേ, അങ്ങനെയൊരു പരിപാടി ഇവിടെയില്ല. ഞാന്‍ ഇറിറ്റേറ്റഡായിരിക്കുകയാണെങ്കില്‍ വന്ന് ചൊറിഞ്ഞ് മാക്‌സിമം അലമ്പാക്കും. അതുപോലെ വഴക്ക് പറഞ്ഞാല്‍ ഇവന് കരയാന്‍ പാടില്ല. എന്നാല്‍ വഴക്ക് പറയാതിരുന്നൂടേ, അത് പറ്റൂല. എന്റെ മുന്നില്‍ ആരും കരയുന്നത് എനിക്കിഷ്ടമല്ലെന്നായിരുന്നു രാഹുലിന്റെ മറുപടി. നീ എന്തിനാ കരയുന്നതെന്ന് ചോദിക്കും. ഇവളുടെ കാര്യത്തില്‍ ഇഷ്ടമില്ലാത്തതൊന്നുമില്ല. കുറച്ച് പിടിവാശിയുണ്ട്, അത് അഡ്ജ്സ്റ്റ് പോകാവുന്നതേയുള്ളൂയെന്നും രാഹുല്‍ പറഞ്ഞിരുന്നു.
എന്‍ഗേജ്‌മെന്റൊന്നും എനിക്ക് എന്‍ജോയ് ചെയ്യാന്‍ പറ്റിയിട്ടില്ല. കല്യാണത്തിനെങ്കിലും എല്ലാം എന്‍ജോയ് ചെയ്യണമെന്നാഗ്രഹമുണ്ട്. നീ വരുമ്പോള്‍ ദേവത വരുന്നത് പോലെ തോന്നണമെന്നായിരുന്നു രാഹുല്‍ ശ്രീവിദ്യയോട് പറഞ്ഞത്. ഇനി കുറച്ച് ദിവസം കൂടിയേയുള്ളൂ. എനിക്കറിഞ്ഞൂട ഞാന്‍ എങ്ങനെയായിരിക്കുമെന്ന്. ടെന്‍ഷനൊക്കെ കാണും എന്തായാലും. ആദ്യം വരുന്നത് നീയല്ലേ, എന്നിട്ടായിരിക്കില്ലേ ഞാന്‍ ഇറങ്ങുന്നതെന്നും ശ്രീവിദ്യ രാഹുലിനോട് ചോദിക്കുന്നുണ്ടായിരുന്നു.
@All rights reserved Typical Malayali.
Leave a Comment