സുധിയെ മറന്നു..ഒക്കെ അഭിനയമാണ്.. ഇപ്പോൾ ചിരിയും കളിയും’.. ഇങ്ങനെ ഒരു ഗതി പ്രതീക്ഷിച്ചില്ല

സുധി ചേട്ടന്‍ വേദനയെടുത്ത് പിടയുന്നത് കണ്ട ബിനു ചേട്ടന്‍! സുധിയേ ചിന്നു വന്നുവെന്ന് പറഞ്ഞ് പൊട്ടിക്കരഞ്ഞ രേണു! സങ്കടം പറഞ്ഞ് ലക്ഷ്മി നക്ഷത്ര.എന്റെ സ്വന്തം ചേട്ടനായിരുന്നു, എന്നും ചിരിച്ച മുഖത്തോടെയേ കണ്ടിട്ടുള്ളൂ. എന്തിനാ ഞങ്ങളെ വിട്ട് ഇത്ര പെട്ടെന്ന് പോയതെന്നായിരുന്നു ലക്ഷ്മി നക്ഷത്ര കൊല്ലം സുധിയെക്കുറിച്ച് എഴുതിയത്. സുധിയെ അവസാനമായി കാണാനും ലക്ഷ്മി എത്തിയിരുന്നു. സുധിച്ചേട്ടന്‍ പോയി എന്ന് വിശ്വസിക്കാന്‍ ആവുന്നില്ലെന്നായിരുന്നു സ്റ്റാര്‍ മാജിക് താരങ്ങളെല്ലാം പറഞ്ഞത്.സ്റ്റാര്‍ മാജികിലെ പ്രധാന താരങ്ങളിലൊരാളായിരുന്നു കൊല്ലം സുധി. എന്റെ കരിയറിലും ജീവിതത്തിലും വലിയ മാറ്റങ്ങളുണ്ടാക്കിയ പരിപാടിയാണ് സ്റ്റാര്‍ മാജിക് എന്ന് അദ്ദേഹം പറഞ്ഞിരുന്നു. അടുത്ത ഷെഡ്യൂളില്‍ കാണാമെന്ന് പറഞ്ഞ് പോയ ആള്‍ ഇനിയില്ലെന്നറിഞ്ഞതിന്റെ സങ്കടത്തിലാണ് സഹതാരങ്ങള്‍. മക്കളേ എന്നേ അദ്ദേഹം വിളിക്കാറുള്ളൂ. മനസില്‍ എന്തൊക്കെ ദു:ഖങ്ങളുണ്ടെങ്കിലും അതൊന്നും പുറത്ത് കാണിക്കാറുമില്ലെന്നായിരുന്നു എല്ലാവരും പറഞ്ഞത്. സുധിയെക്കുറിച്ച് പറഞ്ഞുള്ള ലക്ഷ്മി നക്ഷത്രയുടെ വീഡിയോ വൈറലായിക്കൊണ്ടിരിക്കുകയാണ്.നമ്മുടെ കൂട്ടത്തിലുള്ളവരിലൊരാള്‍ പോവുമ്പോഴുള്ള വേദന പറഞ്ഞറിയിക്കാനാവില്ല. സ്റ്റാര്‍ മാജികില്‍ എല്ലാവരേക്കാളും ഒരുപാടി സ്‌നേഹക്കൂടുതലുണ്ട് സുധിച്ചേട്ടനോട്. അദ്ദേഹം ഒന്നിനോടും നോ പറയാറില്ല. അതേപോലെ ദേഷ്യപ്പെടാറുമില്ല. ഭയങ്കരമായി തലോടിയാണ് എപ്പോഴും സംസാരിക്കുക. നല്ലവരെയൊക്കെ ദൈവം നേരത്തെ കൊണ്ടുപോവുമായിരിക്കും. സുധിച്ചേട്ടനെ റീപ്ലേസ് ചെയ്യാന്‍ ആര്‍ക്കും കഴിയില്ല. അദ്ദേഹത്തിന്റെ പേഴ്‌സണല്‍ കാര്യങ്ങളൊക്കെ എന്നോട് ഷെയര്‍ ചെയ്യാറുണ്ട്. ഞാനും എന്റെ കാര്യങ്ങള്‍ സുധിച്ചേട്ടനോട് പറയാറുണ്ട്.എന്റെ മുഖമൊന്ന് മാറിക്കഴിഞ്ഞാല്‍ സുധിച്ചേട്ടന് മനസിലാവും. എന്റെ പൊന്നേ, എന്റെ പൊന്ന് ഇന്നത്ര നല്ല മൂഡിലല്ലോ, എന്ത് പറ്റിയെന്ന് ചോദിക്കും. സുധിച്ചേട്ടന്റെ ഫാമിലിയുമായും എനിക്ക് നല്ല അടുപ്പമുണ്ട്. ടമാര്‍ പഠാറിന്റെ സമയത്ത് ഷൂട്ടിന് വന്നാല്‍ രേണുവും മക്കളും എന്റെ റൂമിലായിരിക്കും റസ്റ്റെടുക്കുന്നത്. ഫാമിലി കഴിഞ്ഞിട്ടേ സുധിച്ചേട്ടന് എന്തും ഉള്ളൂ. അവര്‍ കൂടെയില്ലാതെയാണ് ഷൂട്ടിന് വന്നതെങ്കില്‍ ബ്രേക്ക് കിട്ടുമ്പോള്‍ വീട്ടിലേക്ക് വീഡിയോ കോള്‍ ചെയ്യും. വാവക്കുട്ടന്‍ എന്തെടുക്കുകയാണെന്ന് നോക്കണേ എന്ന് പറയും.

അദ്ദേഹത്തിന്റെ ആത്മാവിന് ശാന്തി കിട്ടാനായി എല്ലാവരും പ്രാര്‍ത്ഥിക്കണം. അപകടം സംഭവിക്കുന്നതിന് രണ്ട് ദിവസം മുന്‍പ് ചേട്ടനെ കണ്ടതാണ്. അന്നേരം ഞാന്‍ കുറേ ഉപദേശിച്ചിരുന്നു. ഉപദേശിക്കാനുള്ള സ്വാതന്ത്ര്യമൊക്കെ തന്നിരുന്നു. ഈയ്യിടെയായി സുധിച്ചേട്ടന്‍ നന്നായി ക്ഷീണിക്കുന്നുണ്ടായിരുന്നു. കണ്ണിനൊരു മഞ്ഞക്കളറുണ്ടായിരുന്നു. ഒന്ന് പോയി ബോഡി ചെക്കപ്പ് ചെയ്യണമെന്ന് പറഞ്ഞിരുന്നു. നമുക്കിത്ര വിഷമമുണ്ടെങ്കില്‍ വീട്ടുകാരുടെ കാര്യം എന്തായിരിക്കും.ചില ദിവസങ്ങളില്‍ സുധിച്ചേട്ടന്‍ പൊട്ട ഷര്‍ട്ടിട്ട് വരും. ഇത് മാറ്റ് എന്ന് പറഞ്ഞ് ഞാനാണ് ഷര്‍ട്ടൊക്കെ സെലക്റ്റ് ചെയ്ത് കൊടുക്കുന്നത്. ഹെയര്‍ സ്റ്റൈലൊക്കെ മാറ്റാനായും പറയാറുണ്ട്. ബിനുച്ചേട്ടനെ ഇന്നലെ കണ്ടിരുന്നു. ഓക്കെയായി വരികയാണ്, സമയമെടുക്കും. ബിനുച്ചേട്ടനൊരു ട്രോമയിലാണ്. എല്ലാവരും ഉറങ്ങണ സമയത്തായിരുന്നു അപകടം. ഞെട്ടിയപ്പോള്‍ കാണുന്നത് സുധിച്ചേട്ടന്റെ ബുദ്ധിമുട്ടുകളാണ്. മഹേഷിന്റെ സര്‍ജറി കഴിഞ്ഞു. എല്ലാവര്‍ക്കും വേണ്ടി നിങ്ങള്‍ പ്രാര്‍ത്ഥിക്കണം.ചിന്നു വന്നു സുധിയേ, 9ാം തീയതി സ്റ്റാര്‍ മാജിക്കിലേക്ക് പോവണ്ടേ എന്ന് ചോദിച്ച് കരയുകയായിരുന്നു രേണു. രേണു സുധിച്ചേട്ടനില്‍ അത്രയും ഡിപ്പെന്‍ഡന്റാണ്. സുധിച്ചേട്ടനില്ലെങ്കില്‍ രേണു ബ്ലാങ്കാണ്. മോന് പല്ല് വേദനയായിട്ടും ആശുപത്രിയില്‍ പോവാനായി സുധിച്ചേട്ടന്‍ വരാന്‍ കാത്തിരിക്കുകയായിരുന്നു. അവര്‍ക്ക് ഈ വേദന അതിജീവിക്കാന്‍ കരുത്ത് കൊടുക്കാനായി പ്രാര്‍ത്ഥിക്കണം. ഒന്നിനും പറ്റുന്നില്ല. ജോലിയുടെ ഭാഗമായി ഏറ്റെടുത്ത കാര്യങ്ങളെല്ലാം ചെയ്തല്ലേ പറ്റൂയെന്നും പറഞ്ഞ് കരയുകയായിരുന്നു ലക്ഷ്മി നക്ഷത്ര.

@All rights reserved Typical Malayali.