42 വര്‍ഷത്തെ ബന്ധം..!! എല്ലാം അവസാനിച്ചു..!! വേദന താങ്ങാനാകാതെ നടി സുഹാസിനി..
42 വര്‍ഷത്തെ ബന്ധവും സൗഹൃദവും ഇവിടെ അവസാനിക്കുന്നു; വികാരഭരിതയായി സുഹാസിനി
ശരത് ബാബുവിന്റെ മരണത്തിന്റെ നടുക്കത്തില്‍ നിന്ന് ഇപ്പോഴും തമിഴ് സിനിമാ ലോകം കരകയറിയിട്ടില്ല. സഹപ്രവര്‍ത്തകര്‍ എല്ലാം അദ്ദേഹത്തിനൊപ്പമുള്ള മനോഹരമായ നിമിഷങ്ങള്‍ പങ്കുവച്ച് എത്തുന്നു. എന്നാല്‍ സുഹാസിനിയുടെ ഇന്‍സ്റ്റഗ്രാം പോസ്റ്റ് അല്പം ഇമോഷണല്‍ ആണ്. 42 വര്‍ഷത്തെ ബന്ധവും സൗഹ-ദവും അവസാനിക്കുകയാണ് ഈ മരണത്തിലൂടെ എന്നാണ് സുഹാസിനി പറയുന്നത്.സിനിമാ ലോകത്തിന് ഒരു തീരാ നഷ്ടം കൂടെ സംഭവിച്ചിരിയ്ക്കുകയാണ്. മലയാള സിനിമയില്‍ മാത്രമല്ല, തമിഴ് സിനിമകളിലും തുടര്‍ച്ചയായി താരങ്ങള്‍ ഓരോരുത്തരായി മരണത്തിന്റെ മറവിലേക്ക് പോകുന്നു. നടന് മനോബാലയുടെ മരണത്തിന് ശേഷം ശരത് ബാബുവിന്റെ അപ്രതീക്ഷിത വിയോഗത്തിന്റെ നടുക്കത്തിലാണ് തമിഴ് സിനിമാ ലോകം. ശരത് ബാബുവിന് അവസാനമായി ഒരു നോക്ക് കാണാനും ആദരാഞ്ജലികള്‍ അര്‍പ്പിക്കാനും രജനികാന്ത്, സൂര്യ അടക്കമുള്ള സെലിബ്രിറ്റികള്‍ എല്ലാം എത്തി.സോഷ്യല്‍ മീഡിയയിലൂടെയും നടന് ആദരാഞ്ജലികള്‍ അര്‍പിച്ചുകൊണ്ട് സഹപ്രവര്‍ത്തകര്‍ വരുന്നുണ്ട്. അക്കൂട്ടത്തില്‍ ഒരാളാണ് നടി സുഹാസിനിയും. ശരത് ബാബുവിന് ഒപ്പം അഭിനയിച്ച സിനിമകളുടെ ചിത്രങ്ങള്‍ കോര്‍ത്ത് വച്ച് ഒരു കൊളാഷ് ചെയ്തിട്ടാണ് സുഹാസിനി വികാരഭരിതമായ കുറിപ്പ് എഴുതിയിരിയ്ക്കുന്നത്.42 വര്‍ഷത്തെ ബന്ധവും സൗഹൃദവും അവസാനിക്കുന്നു.. ഞങ്ങള്‍ നിങ്ങളെ മിസ്സ് ചെയ്യും ശരത്ത് അണ്ണാ. ആദ്യ ചിത്രം മുതല്‍ എന്റെ ധൈര്യവും വഴികാട്ടിയും ആയിരുന്നു നിങ്ങള്‍. നിങ്ങള്‍ക്കൊപ്പം വര്‍ക്ക് ചെയ്യാന്‍ കഴിഞ്ഞത് എന്റെ വലിയ ഭാഗ്യമാണ്. ശരിക്കുമൊരു ജന്റില്‍മന്‍, മികച്ച അഭിനേതാവ്’- സുഹാസിനി സോഷ്യല്‍ മീഡിയയില്‍ കുറിച്ചു.
സുഹാസിനിയുടെ പോസ്റ്റിന് താഴെ ശരത് ബാബുവിന് ആദരാഞ്ജലികള്‍ അര്‍പിച്ചുകൊണ്ട് ആരാധകരും എത്തിയിട്ടുണ്ട്. അച്ഛന്‍ മകളായും, സഹോദരങ്ങളായും ജോഡികളായും സുഹാസിനിയും ശരത് ബാബുവും എത്തിയ സിനിമകളെ കുറിച്ചുള്ള ചര്‍ച്ചകളും കമന്റ് ബോക്‌സില്‍ നടക്കുന്നുണ്ട്. അമൃതവര്‍ഷിനി എന്ന സിനിമയിലും ഇരുവരുടെയും അഭിനയത്തെ കുറിച്ചാണ് കൂടുതല്‍ പേര്‍ക്കും സംസാരിക്കാനുള്ളത്.
ഇന്നലെയാണ് ശരത് ബാബു മരണത്തിന് കീഴടങ്ങിയത്. ആന്തരികാവയവങ്ങള്‍ തകരാറിലായതിനെ തുടര്‍ന്ന് ആന്ധ്രാപ്രദേശിലെ സ്വകാര്യ ആശുപത്രിയില്‍ ചികിത്സയില്‍ തുടരവെയായിരുന്നു അന്ത്യം. 71 വയസ്സായിരുന്നു. രാമ രാജ്യം എന്ന തെലുങ്ക് സിനിമയിലൂടെ തുടക്കം കുറിച്ച ശരത് ബാബു പിന്നീട് തമിഴ്, മലയാളം, കന്നട സിനിമകളില്‍ എല്ലാം തന്റെ സാന്നിധ്യം അറിയിച്ചിട്ടുണ്ട്.
@All rights reserved Typical Malayali.
Leave a Comment