പതിനെട്ടാം വയസ്സിൽ ആ കൈ പിടിച്ചതാണ്’! ഒരുമിച്ചുള്ള 34 വർഷം; സുരേഷ് ഗോപിയും രാധികയും വിവാഹ വാർഷികം ആഘോഷിക്കുന്നു!

നടനായും പൊതുപ്രവർത്തകനായും പകരം വയ്ക്കാനില്ലാത്ത ഒരാളാണ്സുരേഷ് ഗോപി. ഒരു കാലത്ത് മലയാള സിനിമയുടെ ആക്ഷൻ കിംഗ് എന്നറിയപ്പെട്ടിരുന്ന ആളായിരുന്നു അദ്ദേഹം. പകരം വയ്ക്കാൻ ആളില്ലാത്ത വിധം നിരവധി കഥാപാത്രങ്ങൾ ആണ് സുരേഷ് ഗോപി മലയാള സിനിമയ്ക്ക് ഇതിനോടകം സമ്മാനിച്ചു കഴിഞ്ഞത്. ഭാര്യ രാധികയും നാലു മക്കളും അടങ്ങുന്ന ഒരു സന്തുഷ്ട കുടുംബത്തിന്റെ നായകൻ കൂടിയാണ് അദ്ദേഹം. അടുത്തിടെ ആയിരുന്നു അദ്ദേഹത്തിന്റെ മൂത്ത മകൾ ഭാഗ്യ സുരേഷിന്റെ വിവാഹം കഴിഞ്ഞത്. ആ വിവാഹ ചിത്രങ്ങളും വിഡിയോകളും ഇന്നും സോഷ്യൽ മീഡിയയിൽ വൈറൽ ആണ്. മലയാള സിനിമ അടുത്ത കാലത്ത് കണ്ട ഏറ്റവും വലിയ താരവിവാഹം ആയിരുന്നു ഭാഗ്യയുടേത്. ഇന്ന് താരത്തിന്റെ വീട്ടിൽ മറ്റൊരു ആഘോഷത്തിന്റെ ദിവസമാണ്. 1990 ഫെബ്രുവരി എട്ടാം തീയതി ആയിരുന്നു രാധിക ദേവി എന്ന പെൺകുട്ടി സുരേഷ് ഗോപിയുടെ കൈ പിടിച്ച് അദ്ദേഹത്തിന്റെ ജീവിതത്തിലേയ്ക്ക് കൂടെ കൂടിയത്. ഇന്ന് ആ വിവാഹത്തിന്റെ 34 ആം വിവാഹ വാർഷികം ഇരുവരും ആഘോഷിക്കുകയാണ്.
sg radhika

ഈ വിവാഹത്തിന് മുൻപ് തന്നെ സിനിമയുമായി ബന്ധമുള്ള ആളായിരുന്നു രാധിക. സിനിമ പിന്നണി ഗാനരംഗത്ത് നിറഞ്ഞു നിന്നിരുന്ന രാധിക ദേവി സുരേഷ് ഗോപിയുമായുള്ള വിവാഹശേഷമാണ് പിന്നണി ഗാന രംഗത്തു നിന്നും പിന്മാറിയത്. പ്രിയദര്‍ശന്‍ സംവിധാനം ചെയ്ത പറയാനും വയ്യ പറയാതിരിക്കാനും വയ്യ എന്ന ചിത്രത്തിലെ അങ്ങേക്കുന്നിങ്ങേക്കുന്നാനവരമ്പത്തും എന്ന ഗാനം രാധിക ആലപിച്ചതാണ്. മലയാള സിനിമയിലെ ദേശീയ പുരസ്‌കാര ജേതാവ് ആയിരുന്ന നടി ആറന്മുള പൊന്നമ്മയുടെ കൊച്ചുമകൾ ആണ് രാധിക. ഇത്രയേറെ സിനിമ ബന്ധങ്ങൾ ഉണ്ടായിരുന്ന രാധികയെ സുരേഷ് ഗോപി ആദ്യമായി കാണുന്നത് ഇരുവരുടെയും വിവാഹ നിശ്ചയത്തിനു ശേഷമാണ്. എണ്ണ തേച്ചൊക്കെ കുളിക്കുന്ന, സാരിയൊക്കെ ഉടുക്കുന്ന തലയില്‍ തുളസിക്കതിര്‍ ചൂടുന്ന ഒരു പെണ്‍കുട്ടിയായിരിക്കണം തന്റെ ഭാര്യയായി വരേണ്ടതെന്നായിരുന്നു ആഗ്രഹിച്ചിരുന്നത് എന്ന് സുരേഷ് ഗോപി മുൻപ് പറഞ്ഞിട്ടുണ്ട്. അങ്ങിനെ ഒരു പെൺകുട്ടിയെ സുരേഷ് ഗോപിയ്ക്ക് വേണ്ടി അച്ഛനും അമ്മയും ചേർന്ന് കണ്ടെത്തുകയായിരുന്നു.

സുരേഷ് ഗോപിയുടെ അച്ഛന്‍ ഗോപിനാഥന്‍ പിള്ളയും അമ്മ വി ജ്ഞാനലക്ഷ്മിയും ചേർന്ന് രാധികയുമായുള്ള വിവാഹം തീരുമാനിക്കുകയായിരുന്നു. ഫോണിൽ കൂടി ആണ് ലൊക്കേഷനിൽ ആയിരുന്ന സുരേഷ് ഗോപിയോട് ഇവർ രാധികയെ കുറിച്ച് പറയുന്നതും. ‘എനിക്ക് പെണ്ണ് കാണണമെന്നില്ല സമ്മതമാണ്’ എന്ന മറുപടി ആയിരുന്നു അന്ന് സുരേഷ് ഗോപി അവർക്ക് തിരിച്ചു നൽകിയത്. രാധികയുടെ പതിനെട്ടാം വയസിൽ ആയിരുന്നു സുരേഷ് ഗോപിയോടൊപ്പമുള്ള വിവാഹം നടക്കുന്നത്. സുരേഷ് ഗോപി ഭാര്യക്കൊപ്പമുള്ള ചിത്രം പങ്കുവച്ചുകൊണ്ട് “എൻ്റെ വണ്ടർഫുൾ ഭാര്യയോടൊപ്പം മറ്റൊരു അത്ഭുതകരമായ വർഷം ആഘോഷിക്കുന്നു! വാർഷിക ആശംസകൾ, സ്നേഹം. ചിരിയുടെയും പ്രണയത്തിൻ്റെയും അനന്തമായ സാഹസികതയുടെയും ഒരുപാട് വർഷങ്ങൾ ഇതാ” എന്ന് കുറിച്ചിരിക്കുകയാണ് സമൂഹമാധ്യങ്ങളിൽ.

@All rights reserved Typical Malayali.