ഇന്നും കുളിരാണ് അതോർക്കുമ്പോൾ! ഏട്ടനായിരിക്കും എത്തുന്നതെന്ന് രാധിക പ്രവചിച്ചു; മോഹൻലാൽ അന്നേ മാധവനോട് അക്കാര്യം പറഞ്ഞു….

കോടീശ്വരൻ പരിപാടി അവസാനിച്ചിട്ട് വർഷങ്ങൾ ആയെങ്കിലും ഇന്നും പരിപാടിയോടുള്ള പ്രേക്ഷകരുടെ മതിപ്പ് കുറഞ്ഞിട്ടില്ല. ഹിറ്റ് പരമ്പരകൾ ചാനലുകളിൽ മാറി മാറി വച്ച് നോക്കുന്നവർ വരെ അക്ഷമരരായി കോടീശ്വരൻ പരിപാടിയുടെ മുന്പിലുണ്ടാകും. അത്രയും പ്രേക്ഷക പ്രീതി നേടാൻ ചുരുങ്ങിയ സമയം കൊണ്ട് ഈ റിയാലിറ്റി ഷോയ്ക്ക് കഴിഞ്ഞിട്ടുണ്ട്. പരിപാടിയുടെ മറ്റൊരു ആകർഷണം നടൻ സുരേഷ് ഗോപി അവതാരകൻ ആയി എത്തിയിരുന്നു ഈന്നുള്ളതാണ്. മത്സരത്തിന് എത്തുന്ന വ്യക്തികളോട് അദ്ദേഹത്തിന്റെ പെരുമാറ്റരീതിയാണ് മറ്റുള്ള അവതാരകരിൽ നിന്നും അദ്ദേഹത്തെ വേറിട്ട് നിർത്തിയത്.

കോൻ ബനേഗ ക്രോർപതിയുടെ മലയാളം പതിപ്പായിരുന്നു നിങ്ങൾക്കും ആകാം കോടീശ്വരൻ. ഹിന്ദിയിൽ അമിതാഭ് ബച്ചനായിരുന്നു ഈ ഷോയുടെ അവതാരകൻ. ഒരു സീസൺ ഒഴിച്ച് ബാക്കി എല്ലാ സീസണും അവതരിപ്പിച്ചത് അദ്ദേഹമായിരുന്നു. ആദ്യമായി ഷോ ടെലികാസ്റ്റ് ചെയ്ത ദിവസം മുംബൈയിൽ ആദ്യമായി റോഡുകൾ വിജനമായിരുന്നു, ഈ ടെലികാസ്റ്റ് കാണാൻ വേണ്ടി ആളുകൾ വീട്ടിൽ തന്നെ ഇരുന്നു എന്നാണ് സുരേഷ് ഗോപി പറയുന്നത്.

താനും ശ്രീമതിയും ഷോയുടെ കടുത്ത ആരാധകർ ആയിരുന്നു, ആദ്യത്തെ സീരീസ് അവസാനിക്കുന്ന ദിവസം രാധിക തന്നോട് പറഞ്ഞിരുന്നു ഇത് മലയാളത്തിൽ ചെയ്യണമെന്ന് ആരെങ്കിലും തീരുമാനിച്ചാൽ അന്ന് ഈ പ്രോഗ്രാം ചെയ്യുന്നത് ഏട്ടനായിരിക്കുമെന്ന് ഇന്നും അതോർക്കുമ്പോൾ എനിക്ക് കുളിരുവരും. സുരേഷ് ഗോപി പറഞ്ഞ വീഡിയോ ആണ് ഇപ്പോൾ സമൂഹ മാധ്യമങ്ങളിൽ വൈറലാകുന്നത്.

” ടെലിവിഷൻ ഗെയിം ഷോകൾക്ക് പുതിയൊരു ഭാവം നൽകുന്നതിന് ഹു വാണ്ട്സ് ടു ബി എ മില്യണയർ എന്ന ലോകം കീഴടക്കിയ ഒരു പരമ്പരയുടെ ഇന്ത്യൻ പതിപ്പ് വന്നപ്പോൾ അത് അമിതാഭ് ബച്ചൻ എന്ന എക്കാലത്തെയും ഗംഭീര നടനാണ് അത് അവതരിപ്പിച്ചത്. ആദ്യ എപ്പിസോഡ് ഞാനും ശ്രീമതിയും കൂടെയിരുന്ന് കണ്ടിരുന്നു. ഒരു ചരിത്രപരമായ ദിവസം ആയിരുന്നു മുംബൈയിൽ നടന്നത്. കാരണം ട്രാഫിക്ക് തീരെ ഇല്ലാതിരുന്ന ദിനം ആയിരുന്നു ആയിരുന്നു അന്ന്. ഇത് എന്റെ ജീവിതത്തിലേക്ക് വന്ന് ഭവിക്കാൻ പോവുകയാണെന്ന് അന്ന് സത്യത്തിൽ എനിക്ക് അറിയില്ല. പിന്നീട് അതിന്റെ സ്ഥിരം പ്രേക്ഷകരായി ഞാനും രാധികയും മാറി. മക്കൾ ഒക്കെ ചെറുതാണ്. ആദ്യത്തെ സീരീസ് അവസാനിക്കുന്ന ദിവസം രാധിക എന്നോട് പറഞ്ഞത് ഇപ്പോഴും ഞാനോർക്കുന്നുണ്ട്. ഏട്ടാ, ഇത് മലയാളത്തിൽ ചെയ്യണമെന്ന് ആരെങ്കിലും തീരുമാനിച്ചാൽ അന്ന് ഈ പ്രോഗ്രാം ചെയ്യുന്നത് ഏട്ടനായിരിക്കും എന്ന്. ആ വാക്കുകൾ ഇന്നും പറയുമ്പോൾ എനിക്ക് കുളിരാണ്, ആ പ്രവചനം അതുപോലെ സത്യമായി.

2011 ൽ മാധവൻ ആദ്യം ഇതുമായി വന്നപ്പോൾ ചെയ്യില്ല എന്ന് പറഞ്ഞ് ഒഴിഞ്ഞെങ്കിലും മോഹൻലാലാണ് മാധവനോട് പറഞ്ഞത് ഇത് ചെയ്യാൻ അവൻ ഒരുത്തനേ ഉള്ളൂ എന്ന്. അവൻ തന്നെയാണ് ഇത് ചെയ്യേണ്ടതെന്നും മോഹൻലാൽ പറഞ്ഞതിന്റെ പശ്ചാത്തലത്തിൽ അതിന് ആദരവ് പകർന്നുകൊണ്ടാണ് താൻ കോൻ ബനേഗ ക്രോർപതിയുടെ മലയാളം പതിപ്പ് നിങ്ങൾക്കുമാകാം കോടീശ്വരൻ എന്ന കരാറിൽ താൻ ഏർപ്പെടുന്നത്.- സുരേഷ് ഗോപി പറയുന്നു.

@All rights reserved Typical Malayali.