മുന്‍കാമുകനോട് ഇപ്പോഴും സംസാരിക്കാറുണ്ടെന്ന് ശ്വേത മേനോന്‍! ഇത് മൂന്നാമത്തെ പ്രണയമാണെന്ന് ശ്രീവിദ്യയും! ബ്രേക്കപ്പിനെക്കുറിച്ച് പറഞ്ഞ് താരങ്ങള്‍

സിനിമയില്‍ മാത്രമല്ല ചാനല്‍ പരിപാടികളിലും സജീവമാണ് ശ്വേത മേനോന്‍. കരിയറിലെയും ജീവിതത്തിലെയും കാര്യങ്ങളെക്കുറിച്ചെല്ലാം അവര്‍ സംസാരിക്കാറുണ്ട്. ഭര്‍ത്താവിനെക്കുറിച്ചും മകളെക്കുറിച്ചുമെല്ലാം വാചാലയാവാറുണ്ട് ശ്വേത. പിന്നിട്ട ജീവിതവഴികളിലെ അനുഭവങ്ങളും അവര്‍ പങ്കിടാറുണ്ട്. കോമഡി മാസ്‌റ്റേഴ്‌സ് എപ്പിസോഡിലെ തുറന്നുപറച്ചിലുകള്‍ വൈറലായിക്കൊണ്ടിരിക്കുകയാണിപ്പോള്‍.

പ്രണയത്തെക്കുറിച്ചും ബ്രേക്കപ്പിനെക്കുറിച്ചുമായിരുന്നു അവതാരകയായ എലീന പടിക്കല്‍ സംസാരിച്ചത്. കോളേജ് കാലത്ത് പ്രണയം ബ്രേക്കപ്പായാല്‍ ജീവിതം കഴിഞ്ഞു, ഇനിയൊന്നുമില്ല എന്ന ചിന്തയായിരിക്കും. ചിലരെ ഏറ്റവും കൂടുതല്‍ ബാധിക്കുന്നത് അതായിരിക്കും എന്നും ശ്വേതയും എലീനയും അഭിപ്രായപ്പെട്ടിരുന്നു. ആദ്യം ശ്വേതയായിരുന്നു പ്രണയത്തെക്കുറിച്ചും ബ്രേക്കപ്പിനെക്കുറിച്ചും സംസാരിച്ചത്.

എനിക്ക് നല്ലൊരു ബ്രേക്കപ്പ് നടന്നിട്ടുണ്ട്. അതൊരു ഏജിന്റെയും ഇമോഷന്റെയും പുറത്ത് നടന്നതാണ്. അത് നന്നായെന്നാണ് തോന്നിയിട്ടുള്ളത്. ഇന്ന് അതേക്കുറിച്ച് ഓര്‍ക്കുമ്പോള്‍ എനിക്ക് ഭയങ്കര ചിരി വരും. ഞാന്‍ എന്റെ എക്‌സിനോട് സംസാരിക്കാറുണ്ട്. പുള്ളി സംസാരിക്കുമ്പോള്‍ എനിക്ക് ചിരി വരും. പുള്ളി ഇപ്പോഴും അവിടെ തന്നെയാണ്. ഞാന്‍ എവിടെയോ പോയിക്കഴിഞ്ഞുവെന്നുമായിരുന്നു ശ്വേത മേനോന്‍ പറഞ്ഞത്. ഇതേക്കുറിച്ചൊക്കെ ശ്രീക്കും അറിയാവുന്നതാണ്.

ഇതെന്റെ ആദ്യത്തെ പ്രണയമൊന്നുമല്ല. രണ്ടാമത്തെ ബ്രേക്കപ്പ് കഴിഞ്ഞതിന്റെ വിഷമത്തിലായിരിക്കുമ്പോഴാണ് ഇതിലേക്ക് വന്നത്. വളച്ചെടുക്കാന്‍ പറ്റിയ സാഹചര്യം ഇതാണെന്ന് മനസിലാക്കി രാഹുല്‍ വന്ന് വളച്ചെടുത്തതാണെന്നായിരുന്നു ശ്രീവിദ്യ മുല്ലച്ചേരി പറഞ്ഞത്. അവനില്‍ നല്ലൊരു നടനുണ്ടായിരുന്നു. പ്രേമമാണെന്നൊന്നും പറഞ്ഞ് വരരുതെന്ന് പറഞ്ഞിരുന്നു ഞാന്‍. പിന്നീടൊരിക്കലാണ് അവന്‍ തനിക്കൊരു ബ്രേക്കപ്പായെന്നും, ഗെറ്റിംഗ് ഇമോഷണല്‍ എന്നും പറഞ്ഞത്. അങ്ങനെ അവനെ ആശ്വസിപ്പിക്കാന്‍ പോയതാണ്.
‘ഗോട്ട്’ ഓപണിങ് ഡേ കളക്ഷൻ അറിയാം

അങ്ങനെയൊരു ബ്രേക്കപ്പൊന്നും ഇല്ലായിരുന്നുവെന്ന് പിന്നീടാണ് ഞാന്‍ അറിഞ്ഞതെന്നായിരുന്നു ശ്രീവിദ്യ മുല്ലച്ചേരി പറഞ്ഞത്. പുള്ളി മാസിക വായിക്കുമായിരുന്നുവെന്ന് തോന്നുന്നു എന്നായിരുന്നു അഖിലിന്റെ കമന്റ്. അതെന്താണെന്ന ചോദ്യത്തിന് അല്ല, അങ്ങനെയൊരു ട്വിസ്റ്റല്ലേ ഇവരുടെ കാര്യത്തില് സംഭവിച്ചതെന്നായിരുന്നു മറുപടി. എനിക്ക് നേരത്തെ അങ്ങനെ പ്രണയമൊന്നും ഇല്ലായിരുന്നു. അതുകൊണ്ട് ഒന്നും പറയാനില്ലെന്നുമായിരുന്നു നോബി പറഞ്ഞത്. വിശ്വസിച്ചുവെന്ന് പറഞ്ഞ് താരങ്ങളെല്ലാം നോബിയെ കളിയാക്കിയിരുന്നു. വീട്ടിലേക്ക് ചെല്ലേണ്ടതല്ലേ, അതായിരിക്കും പറയാത്തതെന്നും പറയുന്നുണ്ടായിരുന്നു.

എനിക്കങ്ങനെയൊരു ബ്രേക്കപ്പുണ്ടായിട്ടില്ല. ഞാന്‍ പ്രണയിച്ചിട്ടുള്ള എല്ലാവരോടും എനിക്ക് ഇപ്പോഴും സ്‌നേഹമാണ്. എപ്പോള്‍ വേണമെങ്കിലും അവര്‍ക്ക് എന്റെ അടുത്തേക്ക് തിരിച്ച് വരാമെന്നുമായിരുന്നു അഖിലിന്റെ കമന്റ്. ആദ്യ പ്രണയം എന്നും സ്‌പെഷലാണെന്നായിരുന്നു ഡയാന പറഞ്ഞത്.

@All rights reserved Typical Malayali.