ഏഴ് വര്‍ഷം വിവാഹം നടക്കാതെ പോവട്ടെ! തെസ്‌നി ഖാന്‍ അവിവാഹിതയായി തുടരുന്നതിന് പിന്നില്‍ ആ ശാപമോ?
സിനിമയിലും ചാനല്‍ പരിപാടികളുമായി സജീവമാണ് തെസ്‌നി ഖാന്‍. ഇത്രയും കാത്തിരുന്നെങ്കിലും ഒത്തിരി നല്ല കഥാപാത്രങ്ങള്‍ അവതരിപ്പിക്കാനുള്ള ഭാഗ്യം തനിക്ക് ലഭിച്ചുവെന്ന് താരം പറയുന്നു. ഫ്‌ളവേഴ്‌സ് ഒരുകോടിയില്‍ അതിഥിയായി എത്തിയപ്പോഴായിരുന്നു തെസ്‌നി മനസുതുറന്നത്. ഒത്തിരി കഷ്ടപ്പാടുകളിലൂടെ വന്നതാണ്. സ്വന്തമായി വീടൊന്നുമില്ലായിരുന്നു. അത് തരാന്‍ വേണ്ടി ദൈവം എന്നെ ഈ രംഗത്തേക്ക് കൊണ്ടുവന്നതാണെന്നാണ് കരുതുന്നത്.
കൊച്ചി നഗരത്തിലൂടെ കണ്ണ് കെട്ടി ടുവീലര്‍ ഓടിച്ചിട്ടുണ്ട് ഞാന്‍. മജീഷ്യനായിരുന്നു ഉപ്പച്ചി. അന്ന് ചാനലുകളൊക്കെ കുറവല്ലേ, അത് കാരണം ആളുകള്‍ക്ക് ഉപ്പച്ചിയെ അത്ര അറിയില്ല. ഇന്ന് അങ്ങനെയല്ലല്ലോ എന്നും തെസ്‌നി പറയുന്നു. മുന്‍പ് ഞാനും സ്റ്റേജില്‍ മാജിക്ക് കാണിക്കാറുണ്ട്. ഇടയ്‌ക്കൊപ്പം ബീന ആന്റണിക്കൊപ്പമായി ഒരു മാജിക്ക് ചെയ്തിരുന്നു. ബീന ചെയ്യുന്ന പോലെ ഒരു സ്റ്റിക്ക് ഡാന്‍സ് ചെയ്യുന്നതായിരുന്നു കാണിച്ചത്. ഇടയ്ക്ക് നന്നായി ലൈറ്റിട്ടപ്പോഴാണ് ഇത് നൂല്‍ വെച്ച് ചെയ്യുന്നതാണെന്ന് ആളുകള്‍ക്ക് മനസിലായത്.
ബിഗ് ബോസില്‍ മത്സരിച്ചതിനെക്കുറിച്ചും തെസ്‌നി സംസാരിച്ചിരുന്നു. ഞാന്‍ ഞാനായിട്ട് തന്നെ നിന്നു. സൈലന്റായിരുന്നു. നേരത്തെ എന്നെ കെട്ടിപ്പിടിച്ച് നടന്നിരുന്നവര്‍ പോലും ഷോയിലെത്തിയപ്പോള്‍ എന്നെ മൈന്‍ഡ് ചെയ്തില്ല. അവര് വേറെ ലെവലായി. ഞാന്‍ നോക്കുമ്പോള്‍ എനിക്ക് സ്‌ക്രീന്‍ സ്‌പേസ് കിട്ടുന്നില്ല. ഒരുമാസം നിന്നു. സാമ്പത്തികമായി അത് എനിക്ക് വലിയ ഗുണം ചെയ്തു എന്നായിരുന്നു തെസ്‌നി ബിഗ് ബോസിനെക്കുറിച്ച് പറഞ്ഞത്. പണ്ട് തെസ്‌നിയെ ഇഷ്ടമില്ലായിരുന്നു, ഇപ്പോള്‍ ഇഷ്ടമായെന്നായിരുന്നു ആളുകള്‍ എന്നോട് പറഞ്ഞത്.
മമ്മിയുടെ കോള്‍ വന്നാല്‍ തെസ്‌നിക്ക് ടെന്‍ഷന്‍ വരും. ഏത് കോള്‍ വന്നാലും പരിഭ്രാന്തിയോടെയാണ് സംസാരിക്കാറുള്ളതെന്നായിരുന്നു തെസ്‌നി പറഞ്ഞത്. എല്ലാം തെസ്‌നിക്ക് പേടിയാണെന്നായിരുന്നു ബീന ആന്റണി പറഞ്ഞത്. അതിനിടയിലായിരുന്നു തെസ്‌നിയുടെ കഴിഞ്ഞ ജന്മത്തെക്കുറിച്ച് പറഞ്ഞത്. കഴിഞ്ഞ ജന്മത്തിലെ പേര് തേന്‍മൊഴി എന്നായിരുന്നു. ഒരു കൊട്ടാരം നര്‍ത്തകിയായിരുന്നു. കല്യാണം കഴിഞ്ഞ് മക്കളുള്ള ഒരാളെ പ്രേമിച്ചു. ഏഴ് വര്‍ഷം വിവാഹം നടക്കാതെ പോവട്ടെ എന്ന് അദ്ദേഹത്തിന്റെ ഭാര്യ തെസ്‌നിയെ ശപിച്ചു. ഇത്തരത്തിലൊരു സംഭവം ജീവിതത്തില്‍ നടന്നിട്ടുണ്ട്. അതുകൊണ്ടായിരിക്കും എന്റെ വിവാഹം നടക്കാതെ പോയതെന്നായിരുന്നു തെസ്‌നിയുടെ കമന്റ്.
എന്നോടൊരാള്‍ പറഞ്ഞതാണ്. കഴിഞ്ഞ ജന്മത്തില്‍ ഡാന്‍സറായിരുന്നു എന്നാണ് അദ്ദേഹം പറഞ്ഞത്. ഈ ജന്മത്തിലും ഞാന്‍ ഡാന്‍സ് ചെയ്യുന്നുണ്ടല്ലോ എന്നായിരുന്നു ചിന്തിച്ചത്. പിന്നെ പറഞ്ഞത് ബ്രാഹ്‌മണ കുടുംബത്തിലാണ് ജനനം എന്നാണ്. നോണ്‍ വെജ് കഴിക്കാറുണ്ടെങ്കിലും എനിക്ക് കൂടുതല്‍ താല്‍പര്യം വെജിറ്റേറിയന്‍ ഭക്ഷണത്തോടാണ്. വീട്ടില്‍ ഇറച്ചിയും മീനുമൊക്കെ പാചകം ചെയ്യാറുണ്ട്. അത് വൃത്തിയാക്കിയ സ്ഥലത്തെ മണം പോവാനായി ഞാന്‍ ഡെറ്റോള്‍ ഒഴിച്ച് കഴുകും. കാപ്പി തിളപ്പിച്ച് ഒഴിക്കാറുമുണ്ട്. അതും ശരിയാണല്ലോ നോക്കുമ്പോള്‍ എന്നായിരുന്നു തെസ്‌നി പറഞ്ഞത്.
@All rights reserved Typical Malayali.
Leave a Comment