ഇപ്പോൾ സ്വന്തം മക്കളും കൂടെയില്ല… ഒറ്റയ്ക്കായപ്പോൾ സിനിമയിലേക്ക് തിരിച്ചെത്തുന്നു… വാണിയുടെ ജീവിതം ഇപ്പോൾ ഇങ്ങനെ… 10 വർഷത്തെ ജീവിതം…

മലയാളത്തിന്റെ ആക്ഷന്‍ ക്വീന്‍ ആണ് വാണി വിശ്വനാഥ്. ഇക്കാലം വരെയും ആ റോളിലേക്ക് മറ്റൊരു നടി വരാത്തതുകൊണ്ടു തന്നെ ഇന്നും ആ പേരിന് യാതൊരു മാറ്റവും സംഭവിച്ചിട്ടില്ല. വിവാഹ ശേഷം അഭിനയത്തില്‍ നിന്നും വിട്ടുനില്‍ക്കുകയായിരുന്ന നടി ഇപ്പോള്‍ പത്ത് വര്‍ഷത്തെ ഇടവേളയ്ക്ക് ശേഷം ഇന്റസ്ട്രിയിലേക്ക് തിരിച്ചുവരികയാണ്. സോഷ്യല്‍ മീഡിയയില്‍ അത്ര സജീവമല്ലാത്തതുകൊണ്ടു തന്നെ വാണി വിശ്വനാഥിന്റെ തിരിച്ചുവരവ് അധികമാരും അറിഞ്ഞിട്ടില്ല.ഇപ്പോഴും സോഷ്യല്‍ മീഡിയയില്‍ ആക്ടീവ് അല്ലാത്ത നടി ഒരു പക്ഷെ ഞാന്‍ മാത്രമായിരിക്കും. ഇന്‍സ്റ്റഗ്രാമിലും ട്വിറ്ററിളും ഫേസ്ബുക്കിലും ഒന്നും ഞാനില്ല. പക്ഷെ ചിലപ്പോള്‍ ചില വാര്‍ത്തകള്‍ കേള്‍ക്കാറുണ്ട് എന്ന് വാണി വിശ്വനാഥ് പറഞ്ഞു. അപ്പോഴാണ്, ബാബു രാജ് ഗുരുതരവാസ്ഥയിലാണെന്ന വാര്‍ത്ത കേട്ടിരുന്നോ എന്ന ചോദ്യം അവതാരകന്‍ ചോദിച്ചത്.അത് ഞാന്‍ കേട്ടിരുന്നു, ഏതൊരു ഭാര്യയെയും പോലെ എനിക്കും വിഷമം തോന്നി. അത് സ്വാഭാവികമാണല്ലോ. പക്ഷെ അതിന് ബാബു തന്നെ മറുപടി കൊടുത്തു എന്നും ഞാനറിഞ്ഞു. എന്താണ് കൊടുത്തത് എന്നൊന്നും എനിക്കറിയില്ല എന്നാണ് വാണി വിശ്വനാഥ് പറഞ്ഞത്. (തലയ്ക്കു മീതേ ശൂന്യാകാശം എന്ന പാട്ടിന്റെ പശ്ചാത്തലത്തില്‍, ആ വ്യാജ വാര്‍ത്തയുടെ സ്‌ക്രീന്‍പ്രിന്റ് സഹിതം ജിമ്മില്‍ വര്‍ക്കൗട്ട് ചെയ്യുന്ന വീഡിയോ ആണ് ബാബുരാജ് പങ്കുവച്ചത്). സോഷ്യല്‍ മീഡിയയില്‍ ആക്ടീവ് ആകണം എന്ന് ഇതുവരെ തോന്നിയിട്ടില്ല എന്നും ചോദ്യത്തിന് മറുപടിയായി വാണി പറയുന്നുണ്ട്.എന്തു തോന്നിയാലും, തോന്നുന്നത് അപ്പോള്‍ തന്നെ ചെയ്യുന്നതാണ് ബാബുവിന്റെ പ്ലസ് പോയിന്റും മൈനസ് പോയിന്റും എന്ന് വാണി വിശ്വനാഥ് പറഞ്ഞു. പോസിറ്റീവായി പറഞ്ഞാല്‍, ഒന്നും പിന്നേയ്ക്ക് വയ്ക്കുന്ന ശീലമില്ല, നെഗറ്റീവാണെങ്കില്‍ എടുത്തു ചാടി ചെയ്യും. അത് രണ്ടും ഒന്നു തന്നെയാണ്. തുടക്കത്തില്‍ അതായിരുന്നു എനിക്കിഷ്ടം. പക്ഷെ ഇപ്പോള്‍ അത് ചെറിയ തിരിച്ചടിയാണോ എന്ന് തോന്നുന്നുണ്ട് എന്നും വാണി പറയുന്നു.

അഭിനയത്തില്‍ നിന്നു വിട്ടു നില്‍ക്കുക എന്നത് എന്റെ മാത്രം തീരുമാനമായിയിരുന്നു. നല്ല അവസരങ്ങള്‍ വരുമ്പോള്‍ അഭിനയിക്കാം എന്നായിരുന്നു തീരുമാനം. അല്ലാതെ പൂര്‍ണമായും അവസാനിപ്പിച്ചിട്ടില്ല. എനിക്കിഷ്ടപ്പെട്ട മറ്റു പല കാര്യങ്ങളുമായി ഞാന്‍ തിരക്കിലായിരുന്നു. അഭിനയിച്ച കഥാപാത്രങ്ങളെ കുറിച്ചോര്‍ത്ത്, അയ്യോ ടൈപ് കാസ്റ്റ് ആയിപ്പോയല്ലോ എന്ന വിഷമം ഒന്നുമില്ല. അക്കാലത്ത് മമ്മൂട്ടി സാറിനും സുരേഷ് ഗോപി സാറിനുമൊക്കെയൊപ്പം ആക്ഷന്‍ ഹീറോയിനായി നില്‍ക്കാന്‍ പറ്റിയല്ലോ എന്ന സന്തോഷം മാത്രമേയുള്ളൂ. അതേ സമയം ഞാന്‍ എല്ലാ തരം വേഷങ്ങളും മലയാളത്തിലും തെലുങ്കിലുമെല്ലാം ചെയ്തിട്ടുണ്ട്. ഗ്ലാമര്‍ വേഷങ്ങളും റൊമാന്റിക് വേഷങ്ങളുമെല്ലാം ചെയ്തു. അതുകൊണ്ട് അക്കാര്യത്തില്‍ നിരാശയില്ല- വാണി വിശ്വനാഥ് പറഞ്ഞു.

@All rights reserved Typical Malayali.