സ്വപ്നം കണ്ട ലോകത്ത് ജീവിക്കുകയാണിപ്പോള്‍ നയന്‍താര; അന്ന് കുടുംബ ജീവിതത്തിന് വേണ്ടി കരിയര്‍ ഉപേക്ഷിച്ചിട്ടു പോയി, പക്ഷെ സംഭവിച്ചത്?
ഫാമിലി ടൈം മനസ്സ് നിറഞ്ഞ് ആസ്വദിച്ച്, ആഘോഷിച്ചുകൊണ്ടിരിയ്ക്കുകയാണ് വിഘ്‌നേശ് ശിവനും നയന്‍താരയും. വിദേശ ടൂറുകളും, ക്വാളിറ്റി ടൈമുകളും ഒരുമിച്ച് പങ്കുവയ്ക്കുന്ന ഫോട്ടോകളും വീഡിയോകളും ഇന്റ്റഗ്രാമിലും നിറഞ്ഞു നില്‍ക്കുന്നു. നയന്‍താരയുടെ മുഖത്ത് ഇപ്പോഴാണ് ആ പ്യൂയര്‍ സന്തോഷം കാണുന്നത് എന്നാണ് ആരാധകരുടെ കമന്റുകള്‍. സ്വപ്നം കണ്ട ലോകത്ത് ജീവിച്ചുകൊണ്ടിരിയ്ക്കുകയാണ് നയന്‍ എന്ന് മറ്റു ചിലര്‍ അഭിപ്രായപ്പെടുന്നു.
ഇപ്പോഴിതാ മറ്റൊരു മനോഹരമായ കുടുംബ ചിത്രവുമായി എത്തിയിരിക്കുകയാണ് വിഘ്‌നേശ് ശിവന്‍. പ്രശസ്ത സെലിബ്രിറ്റി ഫോട്ടോഗ്രാഫറായ അവിനാഷ് ഗോവരികര്‍ എടുത്ത ചിത്രങ്ങള്‍ ആരാധകരും ഏറ്റെടുത്തിട്ടുണ്ട്. ബോളിവുഡ് സെലിബ്രിറ്റികളുടെ ഫോട്ടോകള്‍ അതിമനോഹരമായി പകര്‍ത്തുന്ന അവിനാഷിന്റെ കണ്ണുകളിലൂടെ വിക്കി – നയന്‍ കുടുംബത്തിനും വല്ലാത്തൊരു ഭംഗി ഫീല്‍ ചെയ്യുന്നു. ഇരുവരുടെയും മുഖത്തെ സന്തോഷം തന്നെയാണ് ചിത്രങ്ങളുടെ ഭംഗി കൂട്ടുന്നതെന്നാണ് ആരാധകരുടെ പക്ഷം.
ബ്ലാക്ക് ആന്റ് വൈറ്റിലും കളറിലും ഉള്ള രണ്ട് ചിത്രങ്ങളാണ് പങ്കുവച്ചത്. ഫോട്ടോകള്‍ക്ക് താഴെ മക്കള്‍ ഉലകിനും ഉയിരിനും ആരുടെ ഛായയാണ് എന്നതിനെ ചൊല്ലിയുള്ള ആരാധകരുടെ തല്ലുപിടുത്തവും കാണാം. മക്കള്‍ക്ക് രണ്ട് പേര്‍ക്കും വിഘ്‌നേശ് ശിവന്റെ ഛായയാണെന്ന് ഒരു കൂട്ടര്‍ പറയുന്നു. അല്ല, ചുരുള മുടി ആയതുകൊണ്ട് അങ്ങനെ തോന്നുന്നതാണ്, ഒരാള്‍ക്ക് അമ്മയുടെ ഛായയും മറ്റൊരാള്‍ക്ക് അച്ഛന്റെ ഛായയും ആണെന്നാണ് വേറെ ചിലരുടെ അഭിപ്രായം.
എന്തൊക്കെ പറഞ്ഞാലും നയന്‍താരയുടെ മുഖത്തെ ആ തിളക്കം മറ്റൊരു ഫോട്ടോഷൂട്ടിലും സിനിമയിലും കണ്ടിട്ടില്ല. ജീവിതത്തില്‍ അത്രയധികം സന്തോഷത്തോടെയുള്ള ഒരു ഘട്ടത്തിലൂടെയാണ് നയന്‍ കടന്നുപോകുന്നത്. കുടുംബ ബന്ധത്തിന് താന്‍ നല്‍കുന്ന പ്രധാന്യത്തെ കുറിച്ചും, കുടുംബമായി ജീവിക്കാന്‍ ആഗ്രഹിക്കുന്നതിനെ കുറിച്ചും മുന്‍പ് പല അഭിമുഖങ്ങളിലും നയന്‍ സംസാരിച്ചിട്ടുണ്ട്. പ്രഭുദേവയുമായുള്ള ബന്ധം വിവാഹത്തിലേക്ക് എത്തിയ സമയത്ത്, കുടുംബ ജീവിതത്തിന് വേണ്ടി സിനിമ സ്വമനസ്സാലെ ഉപേക്ഷിച്ച നടിയാണ് നയന്‍. അഭിനയം നിര്‍ത്തുന്നു എന്ന് പറഞ്ഞു പോയ നടി, പോയതിലും വേഗത്തില്‍ തിരിച്ചെത്തിയപ്പോള്‍ വിമര്‍ശിച്ചവരും ഉണ്ട്. എന്നാല്‍ അത് ശരിക്കും നയന്‍താരയുടെ സെക്കന്റ് ഇന്നിങ്‌സ് ആയിരുന്നു..
ഇപ്പോള്‍ വിഘ്‌നേശ് ശിവനൊപ്പം ജീവിക്കുമ്പോള്‍ നയന്‍താര അന്ന് സ്വപ്നം കണ്ടത് യാഥാര്‍ത്ഥ്യമാവുകയാണ് എന്ന് ആരാധകര്‍ പറയുന്നു. കുടുംബത്തിന് വേണ്ടി കരിയറോ, കരിയറിന് വേണ്ടി കുടുംബമോ ഉപേക്ഷിക്കാത്ത നയന്‍താര മാതൃകയാണെന്ന് പറയുന്നവരും ഉണ്ട്. വാടക ഗര്‍ഭപാത്രത്തിലൂടെ അമ്മയായ നയന്‍താരയെ വിമര്‍ശിക്കുന്നവര്‍ക്കിടയിലും, പിന്തുണയ്ക്കുന്നവരാണ് കൂടുതലും. അഭിനയത്തില്‍ സെലക്ടീവായ നയന്‍ സിനിമാ നിര്‍മാണത്തിലും മറ്റ് ബിസിനസ്സുകളിലും എല്ലാം സജീവമാണ്. അതേ സമയം കുടുംബത്തിനൊപ്പം ചെലവഴിക്കുന്ന സമയത്തിന് യാതൊരു വിട്ടുവീഴ്ചയും വരുത്താറില്ല. മക്കളോടൊപ്പമുള്ള നയന്‍താരയുടെ വീഡിയോ എല്ലാം വൈറലാണ്.
@All rights reserved Typical Malayali.
Leave a Comment