ഞാനും അനുശ്രീയും വിവാഹം കഴിച്ചിട്ടില്ല ഞെട്ടിക്കുന്ന വെളിപ്പെടുത്തലുമായി വിഷ്ണു

ഞങ്ങള്‍ ലീഗലി മാരീഡ് അല്ല, എന്നെ അവളുടെ അമ്മ ഇറക്കിവിട്ടതാണ് സംഭവിച്ചത് എല്ലാം തുറന്ന് പറഞ്ഞ് വിഷ്ണു.ഡെലിവറി കഴിഞ്ഞ് വീട്ടില്‍ എത്തിയതിന്റെ തൊട്ടടുത്ത ദിവസം എന്നോട് അവളുടെ അമ്മ പറഞ്ഞു ഇനി ഇവിടെ നില്‍ക്കാന്‍ പറ്റത്തില്ല, നാട്ടുകാര്‍ പലതും പറയും എന്ന്. ഞാനവളുടെ ഭര്‍ത്താവല്ലേ, നാട്ടുകാര്‍ എന്ത് പറയാനാ എന്ന് ആലോചിച്ചിരുന്നുവെങ്കിലും പോട്ടെ, അവള്‍ക്ക് വേണ്ടിയല്ലേ എന്ന് കരുതി ഞാന്‍ എല്ലാം കേട്ടു. അത് മാത്രമായിരുന്നില്ല കണ്ടീഷന്‍, നൂലുകെട്ട് വരെ എന്റെ വീട്ടിലെ ആര്‍ക്കും കൊച്ചിനെ കാണാന്‍ പറ്റില്ല എന്ന്.നടി അനുശ്രീയുടെ ജീവിതത്തില്‍ എന്ത് സംഭവിച്ചു എന്നത് സോഷ്യല്‍ മീഡിയയില്‍ വലിയ രീതിയില്‍ ചര്‍ച്ച നടന്നതാണ്. പല യൂട്യൂബ് ചാനലുകളിലും ടിവി ഷോകളിലും അനുശ്രീ അതേ കുറിച്ച് സംസാരിച്ചു. വിഷ്ണു വാശി കാണിച്ചു, കുഞ്ഞിന് സ്വര്‍ണം കൊടുക്കാന്‍ കാശില്ലാത്തത് കൊണ്ടാണ് നൂലുകെട്ടിന് വരാത്തത് എന്ന് പോലും അനുശ്രീ പറഞ്ഞു. ഇപ്പോഴിതാ തങ്ങള്‍ക്കിടയില്‍ എന്താണ് സംഭവിച്ചത് എന്ന് സംസാരിച്ച് രംഗത്ത് എത്തിയിരിയ്ക്കുകയാണ് വിഷ്ണു സന്തോഷ്. സുഹൃത്ത് കിരണിന്റെ യൂട്യൂബ് ചാനലിലാണ് വിഷ്ണു മനസ്സ് തുറന്നത്. അനുശ്രീയുടെ അമ്മയാണ് തങ്ങളെ പിരിച്ചത് എന്ന് വിഷ്ണു ആരോപിയ്ക്കുന്നു.ഞാനായിട്ട് ഒന്നും പറയേണ്ട എന്നാണ് കരുതിയിരുന്നത്. എന്നാല്‍ ഞാന്‍ മിണ്ടാതെ ഇരിക്കുന്തോറും ഓപ്പോസിറ്റ് നില്‍ക്കുന്ന ആള്‍ നമ്മളെ വല്ലാതെ അടിച്ച് താഴ്ത്തികൊണ്ടിരിയ്ക്കുകയാണ്. കേള്‍ക്കുന്നവര്‍ എല്ലാവരും അത് തന്നെ വിശ്വസിക്കണം എന്നില്ല. ആര്‍ക്കെങ്കിലും എന്റെ ഭാഗത്ത് ന്യായമുണ്ട് എന്ന് തോന്നുണ്ടെങ്കില്‍ അതെ കുറിച്ച് എനിക്ക് കുറച്ച് കാര്യങ്ങള്‍ പറയാനുണ്ട്.​ഒരു പ്രശ്‌നവും ഇല്ലായിരുന്നു.സത്യം പറഞ്ഞാല്‍ ഞങ്ങള്‍ക്ക് രണ്ട് പേര്‍ക്കും ഇടയില്‍ എന്താണ് പ്രശ്‌നം എന്ന് ചോദിച്ചാല്‍, ഒരു പ്രശ്‌നവും ഇല്ല എന്നതാണ് ഏറ്റവും വലിയ രസം. ഒരു വഴക്കോ സംസാരമോ ഒന്നും ഉണ്ടായിട്ടില്ല. കണ്‍സീവ് ആയാല്‍ പെണ്‍കുട്ടികളെ വീട്ടിലേക്ക് കൂട്ടി കൊണ്ടു പോകുന്നത് നാട്ടുനടപ്പാണ്. അവളുടെ ഫാമിലി എല്ലാം കൂടെ ഒരു അഞ്ചാം മാസത്തില്‍ എന്‍ട്രിയായി. അപ്പോള്‍ തന്നെ കൊണ്ടു പോകണം എന്ന് പറഞ്ഞു.എനിക്ക് ഇഷ്ടമില്ലായിരുന്നു.അവള്‍ കണ്‍സീവ് ആയിരിക്കുന്നത് കൊണ്ടും, അവള്‍ക്ക് സ്വന്തം വീട്ടിലെ ഭക്ഷണം കഴിക്കണം എന്ന ആഗ്രഹം ഉള്ളത് കൊണ്ടും ഞാന്‍ സമ്മതിച്ചു. സത്യം പറഞ്ഞാല്‍ എനിക്ക് താത്പര്യം ഉണ്ടായിരുന്നില്ല. പോയി കഴിഞ്ഞാല്‍ ഇങ്ങനെയൊക്കെ സംഭവിയ്ക്കും എന്ന് എനിക്ക് അറിയാമായിരുന്നു. പക്ഷെ എന്നെ അവള്‍ വല്ലാതെ വിശ്വസിപ്പിച്ചു, ഞാന്‍ എപ്പോള്‍ പോവുകയാണെങ്കിലും എന്നോട് (വിഷ്ണുവിനോട്) പറഞ്ഞിട്ട് മാത്രമേ പോവുകയുള്ളൂ എന്ന്.​വിചിത്രമായ ചടങ്ങ്
അങ്ങനെ അഞ്ചാം മാസത്തില്‍ കൂട്ടി കൊണ്ടു പോകാനായി വന്നു. ഞാന്‍ ഇതുവരെ കാണാത്ത ഒരു തരം ചടങ്ങായിരുന്നു അത്. കറുത്ത സാരിയൊക്കെ ഉടുപ്പിച്ച് എന്തൊക്കെയോ പൂജയൊക്കെ ചെയ്ത് ഉഴിഞ്ഞിട്ട് ഒക്കെയാണ് കൊണ്ടു പോയത്. അതൊക്കെ അവരുടെ ചടങ്ങായിരിയ്ക്കും എന്ന് കരുതി ഞാന്‍ അംഗീകരിച്ചു. വീട്ടിലേക്ക് കൂട്ടി കൊണ്ടുപോയി ഒരു മാസത്തിനുള്ളില്‍ ഞാന്‍ അവിടെ പോയി നില്‍ക്കണം എന്ന് പറഞ്ഞു.
​അവളുടെ വീട്ടിലേക്ക് ഞാന്‍ പോയി.ഞാന്‍ ആലോചിച്ചപ്പോള്‍ ശരിയാണ്, അവളുടെ വീട്ടില്‍ അമ്മയും അമ്മൂമ്മയും വല്ലപ്പോഴും വരുന്ന ഒരു ചിറ്റയും മാത്രമേയുള്ളൂ. എന്തെങ്കിലും ഒരു ആവശ്യം വന്നാല്‍ കൊണ്ടു പോകാനായി ആണായി ഒരാളില്ല. കൂടെ വന്ന് നില്‍ക്കണം എന്ന് പറഞ്ഞപ്പോള്‍ ഞാന്‍ ഓകെ പറഞ്ഞു, പോയി. അവിടെ നിന്ന് ഒന്ന് രണ്ട് ദിവസം കഴിഞ്ഞപ്പോള്‍ തന്നെ എന്നോട് പറഞ്ഞിരുന്നു നമ്മളെ തമ്മില്‍ പിരിക്കും എന്ന്. അതുകൊണ്ട് നമുക്ക് ഇവിടെ വേണ്ട പോവാം എന്ന് പറഞ്ഞു.

​രണ്ടാമതും വന്നു കൊണ്ടു പോയി.അതിന് ശേഷം ഞാന്‍ അവളെയും കൂട്ടി എറണാകുളത്തേക്ക് പോയി. അവിടെ എത്തിയപ്പോഴേക്കും അവളുടെ അമ്മ വിളിച്ച് ശല്യം ചെയ്യാന്‍ തുടങ്ങി. അവള്‍ക്ക് മനസ്സറിഞ്ഞ് പോകണം എന്ന ആഗ്രഹം ഉണ്ടായിരുന്നില്ല. പക്ഷെ വിളിച്ച് ടോര്‍ച്ചര്‍ ചെയ്തുകൊണ്ടിരിയ്ക്കുകയാണ്. അങ്ങനെ ഒരു ദിവസം അവളുടെ അമ്മയും ഒരു ഡ്രൈവറും ബസ്സ് കയറി എറണാകുളം വന്നു. എനിക്ക് നിന്റെ പ്രസവം നോക്കണം എന്നൊക്കെ പറഞ്ഞ് ഭയങ്കര സെന്റിയായിരുന്നു. അങ്ങനെ അവളെയും കൂട്ടി കാര്‍ എടുത്ത് അവര്‍ പോയി.
​കുഴപ്പം ഇല്ലാതെ പോയി അന്ന് ഞാന്‍ വഴക്കുണ്ടാക്കിയിരുന്നു. പോകണ്ട എന്ന് ഞാന്‍ പറഞ്ഞപ്പോള്‍, ഒരു ചാന്‍സ് കൂടെ കൊടുക്കാം എന്ന് അവള്‍ പറഞ്ഞിട്ട് പോയതാണ്. പിന്നെ കുഴപ്പം ഒന്നും ഇല്ലായിരുന്നു. കാര്യങ്ങള്‍ എല്ലാം നല്ല സ്മൂത്ത് ആയിട്ടാണ് പോയത്. ഞാനും അവളുടെ അമ്മയും തമ്മിലുള്ള കമ്യൂണിക്കേഷന്‍ കുറവായിരുന്നു. ഞാന്‍ പെട്ടന്ന് മിംഗിള്‍ ആവുന്ന ആളാണ്, പക്ഷെ ഇങ്ങോട്ട് സംസാരിക്കാന്‍ മടിക്കുന്നവരോട് സംസാരിക്കാറില്ല. അനു വഴി കാര്യങ്ങള്‍ എല്ലാം അറിയുന്നുണ്ട്.​ഡെലിവറിയ്ക്ക് ശേഷം.അങ്ങനെ അവസാനം ഡെലിവറി സമയം എത്തി. ഞാന്‍ ഹോസ്പിറ്റല്‍ പോയി. വേറെ കുഴപ്പം ഒന്നുമില്ല, ഡെലിവറി കഴിഞ്ഞു കുഞ്ഞിനെ കണ്ടു, അമ്മയ്ക്കും കുഞ്ഞിനും കുഴപ്പം ഒന്നുമില്ല. അത് കഴിഞ്ഞ് വീട്ടില്‍ എത്തിയതിന്റെ തൊട്ടടുത്ത ദിവസം എന്നോട് അവളുടെ അമ്മ പറഞ്ഞു ഇനി ഇവിടെ നില്‍ക്കാന്‍ പറ്റത്തില്ല, നാട്ടുകാര്‍ പലതും പറയും എന്ന്. ഞാനവളുടെ ഭര്‍ത്താവല്ലേ, നാട്ടുകാര്‍ എന്ത് പറയാനാ എന്ന് ആലോചിച്ചിരുന്നുവെങ്കിലും പോട്ടെ, അവള്‍ക്ക് വേണ്ടിയല്ലേ എന്ന് കരുതി ഞാന്‍ എല്ലാം കേട്ടു.​കാണാന്‍ പാടില്ല എന്ന്.അത് മാത്രമായിരുന്നില്ല കണ്ടീഷന്‍, നൂലുകെട്ട് വരെ എന്റെ വീട്ടിലെ ആര്‍ക്കും കൊച്ചിനെ കാണാന്‍ പറ്റില്ല എന്നും പറഞ്ഞിരുന്നു. ബ്രാഹ്‌മിണ്‍സിന് ഇടയില്‍ ഇങ്ങനെയുള്ള ചടങ്ങുകള്‍ ഉണ്ടോ എന്ന് എനിക്ക് അറിയില്ല. എന്നാലും അവളെനിക്കൊപ്പം വന്ന് മീനും ഇറച്ചിയും ബീഫും എല്ലാം കഴിച്ച് മാറിയതല്ലേ. ഇത്രയൊക്കെ പറയുമ്പോള്‍ എന്റെ ഭാഗത്ത് നിന്ന് കൂടെ ചിന്തിക്കണ്ടേ. എന്നാലും പോട്ടെ, അവരുടെ വിശ്വസമല്ലേ നമ്മള് കാരണം ഒരു ചീത്തപ്പേര് വേണ്ട എന്ന് കരുതി ഞാന്‍ അതും കേട്ടു.​ഇറക്കി വിട്ടപ്പോള്‍.പോരുന്നതിന് മുന്‍പ് എന്നെ ഇങ്ങോട്ട് വിളിച്ച ആളോട് അത് പറയണമല്ലോ. അതിന് വേണ്ടി എന്നെ അകത്തേക്ക് വിട്ടില്ല, ഫോണില്‍ വിളിച്ചു പറയാം എന്ന് കരുതി വിളിച്ചപ്പോള്‍ ഫോണ്‍ എടുത്തില്ല. അന്ന് എനിക്ക് ഭയങ്കര സങ്കടമായി. വീട്ടില്‍ നിന്ന് ഇറങ്ങിയപ്പോള്‍ മുതല്‍ എന്റെ കണ്ണില്‍ നിന്നും വെള്ളം വരുന്നുണ്ടായിരുന്നു. പിന്നീട് ഞാന്‍ വിളിച്ചപ്പോള്‍ ഒന്നും അവള്‍ ഫോണ്‍ എടുത്തില്ല. നാലഞ്ച് ദിവസം കഴിഞ്ഞപ്പോള്‍ അവള്‍ തിരിച്ചു വിളിച്ചു, നിന്റെ അമ്മ ഇങ്ങനെയൊക്കെ പറഞ്ഞു എന്ന് പറഞ്ഞപ്പോള്‍ അത് അങ്ങിനെയാണ് എന്ന് അവളും പറഞ്ഞു.​ഞങ്ങള്‍ കല്യാണം കഴിച്ചിട്ടില്ല.അവര്‍ നേരത്തെ എല്ലാം പ്ലാന്‍ ചെയ്തിരുന്നു എന്ന് എനിക്ക് പിന്നീടാണ് മനസ്സിലായത്. എല്ലാം പോട്ടെ, ഒരു കുഞ്ഞ് ആവുന്നതിന് മുന്‍പാണ് ഇങ്ങനെയൊക്കെ സംഭവിച്ചത് എങ്കില്‍ കുഴപ്പമില്ലായിരുന്നു. ഞങ്ങള്‍ ഡിവോഴ്‌സ് ആയിട്ടില്ല, സത്യം പറഞ്ഞാല്‍ ഞാനും അനുവും ലീഗലി മാരീഡ് അല്ല. സാധാരണ അമ്പലത്തില്‍ വച്ച് കല്യാണം കഴിച്ചാല്‍ അവിടെ വച്ച് നമുക്കൊരു ശീട്ട് തരും, അത് അയച്ചുകൊടുത്താല്‍ കല്യാണ സര്‍ട്ടിഫിക്കറ്റ് കിട്ടും. പക്ഷെ ഞങ്ങള്‍ കല്യാണം കഴിച്ച അമ്പലത്തില്‍ അങ്ങിനെ ഒരു സര്‍ട്ടിഫിക്കറ്റ് ഇല്ലായിരുന്നു. താലി കെട്ടുക മാത്രമേ ചെയ്തിട്ടുള്ളൂ.​ഞാന്‍ ഒരുപാട് ശ്രമിച്ചു.അവര്‍ എന്നെ ഇറക്കി വിട്ടതിന് ശേഷം ഒരു രണ്ട് രണ്ടര മാസത്തോളം സ്ഥിരമായി ഞാന്‍ അങ്ങോട്ട് വിളിച്ച് അവളോട് കാര്യങ്ങള്‍ പറയാനായി ശ്രമിക്കുകമായിരുന്നു. പക്ഷെ എങ്ങിനെയൊക്കെ സംസാരിച്ചിട്ടും കോംപ്രമൈസ് ചെയ്യാനുള്ള താത്പര്യം അവള്‍ക്ക് ഉണ്ടായിരുന്നില്ല. അടുത്തിടെ ഒരു വീഡിയോയില്‍ പറയുന്നത് കേട്ടു കല്യാണം കഴിഞ്ഞ് ഞാന്‍ എല്ലാം എന്റെ വീട്ടുകാര്‍ക്ക് വേണ്ടി ചെയ്തു കൊടുക്കുകയാണ് എന്ന്, സത്യം പറഞ്ഞാല്‍ കല്യാണം കഴിഞ്ഞ് ഒന്നര മാസത്തോളം ഞാന്‍ എന്റെ വീട്ടുകാരെ തിരിഞ്ഞു നോക്കിയിട്ടില്ല.​നൂലു കെട്ടിന് വിളിച്ചത്.നടന്ന സംഭവം എല്ലാം വച്ച് എനിക്ക് ഒരു വിധം എല്ലാം മനസ്സിലായി. ആരാണ് ഇതിന് പിന്നില്‍ കളിക്കുന്നത് എന്നും മനസ്സിലായി. പക്ഷെ അതിന് അവളും കൂടെ കൂട്ടു നില്‍ക്കുന്നു എന്നതായിരുന്നു എന്റെ സങ്കടം. നൂലുകെട്ടിന്റെ കാര്യം ഞാന്‍ അങ്ങോട്ട് പറഞ്ഞപ്പോള്‍, കോള്‍ കട്ട് ചെയ്ത് എന്നെ തിരിച്ചു വിളിച്ചു. നൂലുകെട്ടിന് ഞാന്‍ വരണം എന്ന് പറഞ്ഞു. അപ്പോള്‍ ഞാന്‍ പറഞ്ഞു, ഇത്രയും ആചാരങ്ങള്‍ നോക്കുന്ന നിന്റെ അമ്മയുണ്ടല്ലോ അവിടെ, അവരുടെ മരുമകനല്ലേ ഞാന്‍ അവരോട് എന്ന് വിളിക്കാന്‍ പറ എന്ന്.​പോവാത്തതിന് കാരണം.മാത്രവുമല്ല നൂലുകെട്ടിന് ഞാന്‍ വരാം, അത് കഴിഞ്ഞ് നീ എന്റെ കൂടെ വരണം നമുക്ക് വീടെടുത്ത് മാറി താമസിക്കാം എന്നും ഞാന്‍ പറഞ്ഞു. അപ്പോള്‍ തന്നെ അവള്‍ പറഞ്ഞു, അത് എനിക്ക് പറ്റില്ല എന്ന്. അങ്ങനെയുള്ളിടത്ത് പിന്നെ ഞാനൈങ്ങിനെയാണ് നൂലുകെട്ടിന് പോകുന്നത്. അതിനിടയില്‍ പല സംഭവങ്ങളും ഉണ്ടായിട്ടുണ്ട്. നാണം കെടുത്തേണ്ട എന്ന് കരുതിയാണ് പറയാത്തത്. ഇപ്പോള്‍ ഇത്രയും പറയുന്നത് എന്റെ ഭാഗം ന്യായീകരിക്കേണ്ടത് കൊണ്ടാണ്. ഒരു തെറ്റും ചെയ്യാതെയാണ് എന്നെയും എന്റെ വീട്ടുകാരെയും പഴി പറയുന്നത് കൊണ്ടാണ് ഇത് പറയുന്നത്
വിളിച്ചപ്പോള്‍ ചേച്ചിയോട് പറഞ്ഞത്.ചിലപ്പോള്‍ സാമ്പത്തികമായി അവരെക്കാള്‍ താഴെയായിരിയ്ക്കും ഞങ്ങള്‍. പക്ഷെ സാധാരണ ജീവിത്തതില്‍ നമ്മളെ ആരെ കുറിച്ചും സംസാരിക്കാന്‍ യോഗ്യതയില്ലാത്ത കുടുംബമാണ് അവരുടേത്. എന്റെ ചേച്ചി അവളോട് സംസാരിച്ചപ്പോള്‍, എന്റെ കൂടെ വന്നാല്‍ അവളും കുഞ്ഞും നടുറോഡില്‍ നില്‍ക്കേണ്ടി വരും എന്നാണ് പറഞ്ഞത്. എന്നെ വേണ്ട എന്നുള്ളത് അവളുടെ ആഗ്രഹമാണ്. അതാണ് ഞാന്‍ ഇപ്പോള്‍ സാധിച്ചുകൊടുക്കുന്നത്. ഇത്രയും ഉപദ്രവിച്ച ശേഷവും എന്തിനാണ് ചാനലുകളില്‍ പോയി എന്നെ കുറ്റം പറയുന്നത്.​മറ്റാരെക്കാളും അവള്‍ക്ക് മനസ്സിലാവും.എന്റെ വീട്ടില്‍ ഇഷ്യു ആണ്, ഞാന്‍ ഇറങ്ങി വരികയാണ് എന്ന് പറഞ്ഞ് രാത്രി കാര്‍ എടുത്ത് എന്നെ വന്ന് പിക്ക് ചെയ്ത് രാവിലെ പോയി കല്യാണം കഴിച്ച പെണ്‍കുട്ടിയാണ്, അത്രയും ബോള്‍ഡ് ആയ പെണ്‍കുട്ടിയാണ് അനുശ്രീ. മാത്രവുമല്ല, അവളുടെ അച്ഛനും അമ്മയും സപ്രേറ്റഡ് ആണ്. അച്ഛനും അമ്മയും ഇല്ലാതെ ഒറ്റയ്ക്ക് വളരുന്ന ഒരു കുഞ്ഞിന്റെ അവസ്ഥ മറ്റാരെക്കാളും നന്നായി അവള്‍ക്ക് അറിയാന്‍ കഴിയും. എന്നിട്ടും അവള്‍ ഇങ്ങനെയൊരു തീരുമാനം എടുത്തുവെങ്കില്‍ നിങ്ങള്‍ ഒന്ന് ചിന്തിച്ചു നോക്കണം.​കുഞ്ഞിനെ കാണാന്‍ പോയത്.കുഞ്ഞിന് വേണ്ടി എനിക്കൊന്നും ചെയ്യാന്‍ പറ്റിയില്ല. പക്ഷെ രാജമാത ശിവകാമി ദേവി (അനുവിന്റെ അമ്മയെ വിഷ്ണു വിശേഷിപ്പിച്ചത് അങ്ങിനെയാണ്) എനിക്ക് ഒരു അനുവാദം നല്‍കിയിരുന്നു, എപ്പോഴും കുഞ്ഞിനെ വന്ന് കാണാം എന്ന്. പക്ഷെ അവര്‍ എപ്പോള്‍ വീട്ടില്‍ ഉണ്ടാവും എന്ന് പറയാന്‍ പറ്റില്ല, വിളിച്ചാല്‍ ഫോണും എടുക്കില്ല. അതുകൊണ്ട് എപ്പോഴും കാണാനായി പോകാന്‍ പറ്റില്ല. എന്നാല്‍ ഓണത്തിന് ഞാന്‍ കുഞ്ഞിന് ഡ്രസ്സ് ഒക്കെ വാങ്ങി പോയി. ഒരു ഫോട്ടോയൊക്കെ എടുത്തു. അപ്പോഴും അനു അവിടെ ഉണ്ടായിട്ട് എന്നെ മൈന്റ് പോലും ചെയ്തില്ല.​ഇനി അവളെ വേണ്ട.ഇനി അവളുമായി ഒരു ബന്ധം എനിക്ക് വേണ്ട. കുഞ്ഞിനെ ആലോചിച്ചുള്ള വിഷമം മാത്രമേയുള്ളൂ. അവളുടെ ഫോണാണ് ഇപ്പോള്‍ ഞാന്‍ ഉപയോഗിക്കുന്നത്. അത് തിരിച്ചു കൊടുത്താല്‍ മാത്രമേ അവളുടെ വീട്ടില്‍ ഇരിക്കുന്ന എന്റെ സര്‍ട്ടിഫിക്കറ്റും മറ്റ് കാര്യങ്ങളും എനിക്ക് എടുക്കാന്‍ പറ്റുകയുള്ളൂ. അവള്‍ക്കൊപ്പം ഒരുമിച്ച് ജീവിക്കാന്‍ ഞാന്‍ ഒരുപാട് ട്രൈ ചെയ്തിരുന്നു. ഇനി അതിന് പറ്റില്ല. കുഞ്ഞിന് അരഞ്ഞാണം കൊടുക്കാത്തത് എന്റെ ഭാര്യയെയും അവളുടെ അമ്മയെയും എനിക്ക് വിശ്വാസം ഇല്ലാത്തത് കൊണ്ട് തന്നെയാണ്. ഭാവിയില്‍ അവന്‍ എന്നെങ്കിലും അച്ഛനെ കാണാന്‍ വരികയാണെങ്കില്‍ അവന് വേണ്ടത് ഞാന്‍ കരുതി വയ്ക്കും- വിഷ്ണു പറഞ്ഞു.

@All rights reserved Typical Malayali.